Жиі қойылатын сұрақтар
Лицензиялық алымды төлеу төлеушінің орналасқан жері бойынша мемлекеттік кірістер басқармасына мынадай деректемелер бойынша жүргізіледі:
Бюджеттік сыныптама коды (БСК)– 105402;
Төлем мақсатының коды (ТМК) – 911.
Алым ставкалары тиісті қаржы жылына арналған республикалық бюджет туралы заңымен белгіленген айлық есептік көрсеткіш (АЕК) мөлшері негізге алына отырып белгіленеді.
2025 жылғы 1 қаңтарда 1 АЕК = 3 932 тенге
2026 жылғы 1 қаңтарда 1 АЕК = 4 325 тенге
«Салық және бюджетке төленетін басқа да міндетті төлемдер туралы (Салық кодексі)» Қазақстан Республикасының Кодексінің 554-бабының 4-тармағына сәйкес жекелеген қызмет түрлерімен айналысу құқығы үшін лицензиялық алым мөлшерлемелері (жекелеген қызмет түрлерімен айналысуға лицензия бергені үшін алым):
|
№ |
Лицензияланатын қызмет түрі |
АЕК алым мөлшерлемелері |
|
1 |
2 |
3 |
|
|
Жекелеген қызмет түрлерімен айналысу құқығы үшін алым мөлшерлемелері: |
|
|
1. |
Атом энергиясын пайдалану объектілерінің өмірлік циклінің кезеңдеріне байланысты жұмыстарды орындау |
100 |
|
2. |
Ядролық материалдармен жұмыс істеу |
50 |
|
3. |
Радиоактивті заттармен, құрамында радиоактивті заттар бар аспаптармен және қондырғылармен жұмыс істеу |
10 |
|
4. |
Иондаушы сәулеленуді генерациялайтын аспаптармен және қондырғылармен жұмыс істеу |
5 |
|
5. |
Атом энергиясын пайдалану саласында қызметтер көрсету |
5 |
|
6. |
Радиоактивті қалдықтармен жұмыс істеу |
50 |
|
7 |
Ядролық материалдарды, радиоактивті заттарды, иондаушы сәулеленудің радиоизотоптық көздерін, радиоактивті қалдықтарды транзиттік тасымалдауды қоса алғанда, Қазақстан Республикасы аумағының шегінде тасымалдау |
50 |
|
8. |
Бұрынғы ядролық сынақ полигондарының аумақтарындағы және жүргізілген ядролық сынақтар нәтижесінде ластанған басқа да аумақтардағы қызмет |
10 |
Атом энергиясын пайдалану саласындағы қызметтің түрлері мен кіші түрлері «Рұқсаттар және хабарламалар туралы» Заңына 1-қосымшаның 17-26-тармақтарында келтірілген.
Егер Сіз қызмет түрінің және/немесе онымен айналысуға ниет білдірген қызметтің кіші түрінің атауын анықтаумен қиындыққа тап болсаңыз, онда Сіз Қазақстан Республикасы Атом энергиясы жөніндегі агенттігінің Атомдық қадағалау мен бақылау комитетіне келесі нөмірлер бойынша қоңырау шалып, сұрақ қоя аласыз: 8(7172)-57-16-14, 8(7172)-57-16-11, 8(7172)-57-16-18.
«Лицензияны және (немесе) лицензияға қосымшаны беру шарттары» бөлімінде «Рұқсаттар және хабарламалар туралы» Қазақстан Республикасының Заңының 29-бабына сәйкес қызметтің барлық түрлері үшін лицензия алуға арналған құжаттардың жалпы тізімі берілген:
- Электрондық құжат нысанындағы өтініш (лицензияны және (немесе) лицензияға қосымшаны алу үшін).
- Өтініш заңды немесе жеке тұлғаның атынан электронды түрде беріледі.
- Егер сіз қызметтің бірнеше түріне лицензия алғыңыз келсе, онда әрбір қызмет түріне жеке өтініш толтыру қажет. Өтінішке негіздеуші құжаттар пакеті әрбір қызмет түріне жеке болуы тиіс.
- «Электрондық үкіметтің» төлем шлюзі арқылы төленген жағдайларды қоспағанда, жекелеген қызмет түрлерімен айналысу құқығы үшін лицензиялық алымның төленгенін растайтын құжаттың электрондық көшірмесі;
- Лицензияны алу және (немесе) қайта ресімдеу үшін лицензиялық алым «Салық және бюджетке төленетін басқа да міндетті төлемдер туралы (Салық кодексі)» Қазақстан кодексі 554-бабының 4-тармағына сәйкес көрсетілетін қызметті алушының орналасқан жері бойынша мемлекеттік кірістер басқармасына төленеді.
- Лицензиялық алымды төлеу қолма-қол және қолма-қол емес нысандарда екінші деңгейдегі банктер және банк операцияларының жекелеген түрлерін жүзеге асыратын ұйымдар арқылы, сондай-ақ «электрондық үкіметтің» төлем шлюзі арқылы жүзеге асырылады.
- Біліктілік талаптарына сәйкес мәліметтер мен құжаттар.
- Біліктілік талаптары бойынша құжаттар қарапайым сканерленген көшірмелер түрінде (нотариалды куәландырусыз) ұсынылады. Құжаттардың түпнұсқалары талап етілмейді.
- Құжаттар біліктілік талаптарында көрсетілген атауларға қатаң сәйкестікте ұсынылуы қажет.
Лицензияларды алуға, қайта ресімдеуге арналған құжаттар «электрондық үкіметтің» веб-порталы www.egov.kz, www.elicense.kz арқылы қабылданады.
Сіздің өтінішіңіздің мәртебесін білу үшін сізге қажет:
- «Е-лицензиялау» порталындағы жеке кабинетіңізге кіру.
- Жеке кабинетте «Менің рұқсат құжаттарым» немесе «Менің өтініштерім»-ді таңдау және кіру қажет.
Өтініш мәртебесі келесідей өзгереді: «Қаралуда», «Берілді» немесе «Бас тартылды».
Сондай-ақ, лицензияны және/немесе оған қосымшаны алу үшін қадамдық бейне нұсқаулықпен мына сайтта танысуға болады www.gov.kz → Мемлекеттік органдар → Басқалар → Қазақстан Республикасының Атом энергиясы жөніндегі агенттігі → Қазақстан Республикасы Атом энергиясы жөніндегі агенттігінің Атомдық қадағалау мен бақылау комитеті → Қызметі → Атом энергиясын пайдалану саласындағы мемлекеттік қызметтер → Медиагалерея → атом энергиясын пайдалану саласында лицензия алуға өтініш беру жөніндегі бейне нұсқаулық.
"Иондаушы сәулелену көздерін мемлекеттік есепке алу қағидаларын бекіту туралы" Қазақстан Республикасы Энергетика министрінің м.а. 2016 жылғы 12 ақпандағы № 59 Бұйрығына сәйкес есепті жылдан кейінгі 31 қаңтардан (қоса алғанда) кешіктірмей тапсыру керек.
"Иондаушы сәулелену көздерін мемлекеттік есепке алу қағидаларын бекіту туралы" Қазақстан Республикасы Энергетика министрінің м.а. 2016 жылғы 12 ақпандағы № 59 Бұйрығына сәйкес иондаушы сәулелену көздерін әрбір алғаннан немесе бергеннен кейін он жұмыс күні ішінде ұсынуы керек.