Аудан әкімі Талғат Байедиловтың - Рамазан айының басталуымен құттықтауы!
Құрметті аудан тұрғындары!
Сіздерді қасиетті Рамазан айының басталуымен шын жүректен құттықтаймын!
Рамазан – мейірім мен кешірімнің, сабыр мен шүкіршіліктің айы. Бұл – адам баласын ізгілікке, қайырымдылық пен жанашырлыққа үндейтін ерекше кезең. Осы қасиетті айда әр шаңыраққа амандық, молшылық пен береке тілеймін.
Еңбекшіқазақ ауданы – бірлігі бекем, ынтымағы жарасқан өңір. Рамазан айы ауданымыздағы татулық пен өзара сыйластықты одан әрі нығайтып, игі істердің артуына себепші болсын.
Әрбір ораза ұстаған жанның ниеті қабыл болып, дұға-тілектері орындалсын. Жаратқан елімізге тыныштық, әр отбасына бақыт пен шаттық нәсіп етсін!
Ізгі тілекпен,
Байедилов Талғат Ескендірұлы
Еңбекшіқазақ ауданының әкімі