Өңір басшысы Мәртөк ауданына барды

Облыс әкімі Асхат Шахаров жұмыс сапарымен Мәртөк ауданында болды. Сапар аясында өңір басшысы бірқатар әлеуметтік маңызы бар нысандарды аралап, тұрғындармен кездесті. Атап айтқанда, білім беру, денсаулық сақтау және инфрақұрылым салаларындағы нысандардың жай-күйімен танысып, атқарылып жатқан жұмыстардың барысын тексерді.

Кездесу барысында аудан тұрғындары өздерін толғандырған мәселелерді ортаға салып, ұсыныс-пікірлерін білдірді. Облыс әкімі көтерілген әрбір мәселе назардан тыс қалмайтынын айтып, жауапты сала басшыларына нақты тапсырмалар жүктеді.

Сапар қорытындысында Асхат Шахаров ауданды әлеуметтік-экономикалық тұрғыдан дамыту бағытындағы жұмыстар жалғасын табатынын атап өтті.