Қазақстан Республикасы Қаржылық мониторинг агенттігінің Қоғамдық кеңесі құрамына қосымша конкурс өткізу туралы хабарландыру

Құрметті азаматтар және коммерциялық емес ұйымдардың өкілдері!
«Қоғамдық кеңестер туралы» Қазақстан Республикасының 2015 жылғы 2-қарашадағы Заңының 8-бабына және Қоғамдық кеңес туралы Үлгілік ережеге (АҚДМ 2021 жылғы 26 ақпандағы №69 бұйрығымен бекітілген) сәйкес Қазақстан Республикасының Қаржылық мониторинг агенттігі (бұдан әрі-Агенттік) Агенттік жанындағы Қоғамдық кеңестің құрамына қосымша конкурстық іріктеуді жариялайды.

Конкурсқа қатысуға ниет білдірген азаматтар, коммерциялық емес ұйымдардың өкілдері конкурс өткізу туралы осы хабарландыру жарияланған күннен кейінгі он күн ішінде «Қоғамдық кеңестер туралы» 2015 жылғы 2-қарашадағы ҚР Заңының 10-бабы 1) және 2) тармақтарына сәйкес пошта немесе электрондық мекенжайға қажетті құжаттарды қоса бере отырып, ұсыныстар береді:

Қазақстан Республикасының он сегіз жасқа толған азаматы Қоғамдық кеңес мүшелігіне үміткер бола алады.

1. Қоғамдық кеңес мүшелігіне кандидат:

1) Қазақстан Республикасының заңнамасында белгіленген тәртіппен өтелмеген немесе алынбаған соттылығы болмауы;

2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымауы;

3) психикалық денсаулық саласында психикалық, мінез-құлық бұзылуларға (ауруларға), оның ішінде психикаға белсенді әсер ететін заттарды қолдануға байланысты медициналық көмек көрсететін ұйымдарда есепте тұрмауға тиіс.

2. Конкурсқа қатысу үшін ұсынылады:

1) кандидатураны Қоғамдық кеңестің құрамына ұсыну туралы Коммерциялық емес ұйымның жазбаша ұсынысы және (немесе) азаматтың өтініші;

2) кандидаттың өмірбаян деректерін көрсете отырып, кәсіптік және (немесе) қоғамдық қызметі туралы мәліметтер;

3) соттылықтың болуы немесе болмауы туралы анықтама;

4) психикалық, мінез-құлықтық бұзылулардың (аурулардың), оның ішінде психикаға белсенді әсер ететін заттарды қолдануға байланысты бұзылулардың болуы немесе болмауы туралы анықтама.

Кандидаттар келесі жағдайлардың бірінде сайлау үшін конкурсқа жіберілмейді:

1) осы баптың 1-тармағында белгіленген талаптарға сәйкес келмеуі;

2) осы баптың 2-тармағында көрсетілген құжаттарды және (немесе) мәліметтерді ұсынбау;

3) дәйексіз ақпаратты қамтитын құжаттарды және (немесе) мәліметтерді ұсыну.

 

Құжаттар 2022 жылғы 10 қаңтарына дейін (қоса алғанда) қолма-қол мына мекенжай бойынша қабылданады: 010000, Нұр-Сұлтан қ., Бейбітшілік көш., 10, немесе электронды адреске: Zh.alashbaeva@afmrk.gov.kz
Қоғамдық кеңестің сандық құрамы 15-тен 30 мүшеге дейін, Қоғамдық кеңестегі азаматтық қоғам өкілдерінің саны оның мүшелері жалпы санының кемінде үштен екісін құрауға тиіс.

 

Құқықтық актілерге сілтемелер:
«Қоғамдық кеңестер туралы» Қазақстан Республикасының Заңы
https://adilet.zan.kz/rus/docs/Z1500000383
Қоғамдық кеңес туралы Үлгілік ереже
https://adilet.zan.kz/rus/docs/V2100022264