#ОЧС

Азаматтық қорғаудың құлақтандыру жүйесіне Республикалық тексеруді дайындау және жүргізу жөніндегі ұйымдастыру нұсқауларына сәйкес, 2022 жылғы 13 қыркүйек күні сағат 12:55 - те,  теле арналардың («Хабар», «Қазақстан», «31 арна», «24 KZ», «Евразия», «КТК», «НТК») хабарларын таратуды ұстап қалу аппараттарын жұмылдыра отырып және электр дабылдарын қосу арқылы, Абай облысы құлақтандыру жүйесін тексеру жүргізіледі.

Тұрғындардан сабырлықты сақтап дүрбелеңге түспеуді өтінеміз.

Төтенше жағдайлардың туындау қатері немесе туындауы кезінде халықтың назарын аудару үшін электр дабылдары немесе басқа да сигналдық құралдар қосылады, бұл «Баршаның назарына!» бірыңғай құлақтандыру сигналының берілетінін білдіретінін естеріңізге саламыз.

Бұл сигнал бойынша не істеу керек?

Егер Сіз жұмыста, қоғамдық орында, көшеде болсаңыз және сирена дыбысын, яғни "БАРШАНЫҢ НАЗАРЫНА!" дыбыстық сигналын естісеңіз теледидарды жергілікті арналарына қосып, ақпаратты мұқият тыңдаңыз және диктордың нұсқауларын орындаңыз!

"БАРШАНЫҢ НАЗАРЫНА!» дыбысы  бұл сирена дыбысы екенін барлық ересектер білуі қажет  және балаларға түсіндіруі қажет. Оны естігенде қорқудың қажеті жоқыбірақ оның себебін түсіндіруді күту керек.  Подъезд және тұрғылықты жері бойынша көршілерге хабарлаңыз-олар берілген ақпаратты естімеген болуы мүмкін. Кез-келген дүрбелең мен қауесетті дереу тоқтатыңыз.

Сиреналардың жаттығу қосылыстарына түсіністікпен қарап, келтірілген ұсыныстарға сүйене отырып, міндетті түрде өзіңіз жаттығыңыз.

Үржар ауданының ТЖБ

Үржар ауданында төтенше өрт қаупі сақталады. Халыққа ашық отты қолдануда өте сақ болу, үйлер мен мекен-жайлардың жанында от жақпау, құрғақ шөп өртемеу, қамысты өртемеу қажет. Автокөліктерден сөндірілмеген темекені, шыны ыдысты тастамаңыз. От жағуға болмайды!

Үржар ауданының ТЖ бөлімі

Көптен күткен шомылу маусымы келді. Ауданың жүздеген тұрғыны, әсіресе ата-анасының қарауынсызқалған балалар суға жақындайды. Таза ауа, күн, шомылу тек рахат қана емес, сонымен қатар денені қатайтудың жақсы құралы болып табылады. Сонымен бірге су адамдардың өмірін үнемі алып жүреді. Суда адам өлімінің шыңы шомылу кезеңінде орын алады. Осыған қарап Үржар ауданының ТЖБ қызметкерлері және ӨСБ-17,54 қызметкерлерімен бірлесіп «суда қауіпсіздік шараларын сақтау» профилактикалық нұсқама өткізеді.

Үржар ауданының ТЖБ.

Үржар ауданының Төтенше жағдайлар бөлімі азаматтарға суға шомылу үшін тек түбі тексерілген мен құтқарушылар кезекшілік ететін рұқсат етілген жағажайларды таңдау қажеттігің ескертеді.

Өміріңізді қауіпке тікпеңіз.

Үржар ауданының Төтенше жағдайлар бөлімі

         Азаматтық қорғаудың қулақтандыру жүйесіне Республикалық тексеруді  дайындау және өткізу жөніндегі нұсқауларына сэйкес, ағымдағы  жылдың 14  маусымында сағат 10-00-ден 11-00-ге дейін, электр дабылдарын іске қосу жэне телерадио хабарларын таратуды ұстап алу жолымен, халықты орталықтандырылған құлақтандыру Автоматтандырылған жүйесіне техникалық тексеру жүргізілетін болады

Үржар ауданының Төтенше жағдайлар бөлімі

Үржар аудан төтенше жағдайлар бөлімі ескертеді!

Жазғы ауа райының келуіне байланысты суға шомылуға, кезең келді. Өзендер мен су айдындары да қауіпсіздік ережелерін сақтайтын шомылушыларды жақсы көреді, «сақтансаң сақтайды» демекші, шомылу қағидаларын ескерген абзал. 

 Сонымен: Үржар аудандық төтенше жағдайлар бөлімі еске салады

-суда жүзе алсаңыз да жалғыз суға шомылуға болмайды;

-масыңқы күйде суға шомылуға түбегейлі тыйым салынады;

-суда «баттым» деп қалжыңдап ойнайтындарды қатаң жазалау қажет;

-белгіленген жағалық жолақтан асып шомылуға тыйым салынады;

-балаларды қараусыз қалдырмаңыздар.

Шомылу кезінде міндетті түрде сәбилерге сақ болыңыздар.   Олардың жағалаудан жырақтауына жол бермеңіздер. Бала жүзе алған жағдайда да қасынан табылған жөн. Суда балалардың аяғы тартылып қалған жағдайлар да болған. Балалардың өз беттерінше, ересектердің қадағалауынсыз үрлемелі дөңгелектер, матрастармен шомылуына жол бермеңіздер. Біріншіден, оларды үнемі толқын алып кетеді, екіншіден, үрлемелі құралдарынан аударылып қалып, су түбінде бала жалғыз қалып қойған жағдайлар да орын алған.

Үржар ауданның төтенше жағдайлар бөлімі

24 мамырда Шығыс Қазақстан облысының батысында, оңтүстігінде солтүстік-шығыстан жел соғады, екпіні 15-20 м/с. Түнде облыстың батысында, солтүстігінде топырақ бетінде 2 градус үсік күтіледі.

Ұлан ауданы ТЖБ-і

        Өндірістік, тұрмыстық қалдықтарды жинау және оларды өртеу кезінде ӨРТ ҚАУІПСІЗДІГІ  ЕРЕЖЕЛЕРІН БҰЗҒАНЫ үшін ҚР ӘҚ т К 336-БАБЫНА сәйкес 3-тен 20-ға дейінгі аек айыппұл көзделген.

Шөпті өртеу бұл ойын емес, бұл-қылмыс!

Үржар ауданының ТЖБ

Су тасқыны жылдың кез келген уақытында болуы мүмкін, алайда аса қауіпті кезең, көктем мезгілінде қардың күрт еруінен орын алады, салдарынан жұмыс істеп тұрған әлеуметтік нысандар, автокөлік жолдарын шайып кетуі, көпірлердің қирауы, кәсіпорындардың жұмысын тоқтату, егістік-алқаптарды шайып, жан-жануарлардың өлуіне әкелетін кері әсері, табиғи апатқа әкелуі мүмкін. Осы жағдайларды ескере отырып,Үржар аудандық төтенше жағдайлар бөлімінің қызметкерлері және № 17, 54 ӨСБ қызметкерлері, жергілікті атқарушы билікпен, еріктілермен бірлесіп, 2022 жылдың қаңтар айынан бастап, Үжар ауданы бойынша 6790  тұрғын үй араланып, 7049 адам қамтылып, өрт қауіпсіздігін сақтау және көктемгі су тасу қауіпті кезеңіне байланысты, су жүретін арықтарды, құбырларды тазалау іс-шаралары бойынша түсіндірме жұмыстарын жүргізіп, тұрғын үй иелеріне жадынамалар таратылды. Жиырма жеті ауылдық округі әкімдеріне коктемгі су-тасу қауіпті кезеңіне байланысты атқарылатын іс-шаралар бойынша, мекен жайларына электрондық нұсқада ақпарат жолданды.         

Аталған жұмыстар жалғасуда.                                                                                                                                                                               

Үржар ауданының ТЖБ

Үржар  ауылынын тұрғындардың назарына!

    1 наурызда сағат 10-00 ден 11-00 аралығында Азаматтық қорғаудың құлақтандыру жүйесіне Республикалық тексеру шеңберінде электр дабылдарын іске қосу жүргізілетіні жайында хабарлайды.

Үржар ауданының Төтенше жағдайлар бөлімі