Новобаженово ауылдық округі Семей қаласынан 62 шақырым жерде орналасқан. Ауылдық округ аумағына 4 ауылдық елді мекен: Новобаженово, Баженово, Бұлақ, Климентьевка ауылдары орналасқан,онда 2024 жылдың 1 қаңтарына 1991 тұрғын, Новобаженово 1352, Баженово 79, Бұлақ 484, Климентьевка 76 тұрғын. Новобаженово ауылдық округінде 964 аула тіркелген (Новобаженово ауылында – 766, Баженово ауылында – 35, Бұлақ – 138, Климентьевка - 25 аула). Округтегі халықтың этникалық құрамы: қазақтар – 90 %, орыстар - 8 %, басқа ұлттар – 2% құрайды.
Жер көлемі 88679,9 га. Ауыл шаруашылық жерлері – 63454,8 га. Елді мекен жері – 15986,0 га. Қордың жерлері – 2358 га. Өзге де жерлер – 4356 га. Жердің құнарлығы 15 балл бонитет.
Округтің негізгі бағыты – егін және мал шаруашылығы
Бүгінгі күні барлық әлеуметтік нысандар: мектеп, дәрігерлік амбулаториясы, 2 фельдшерлік пункт, ауылдық клуб, ветеринарлық пункт, пошта қызметкері, Новобаженово,Бұлақ ауылдарында су құбыры қалыпты жұмыс істеп тұр.
Ауылда «Қазпошта» АҚ-ы бөлімшесінің операторы Ахметбаева Г.Ж. 2000 жылдың қаңтар айынан бастап қызмет атқарады.
Новобаженово ауылындағы мемлекеттік мекемелерге (әкімшілік, мектеп, дәрігерлік амбулатория) «Талшықты оптикалық байланыс желісі» арқылы сапалы және қол жетімді байланыс желісімен қамтамасыз етілген, бүгінгі күні ғаламтор жоғарғы жылдамдықта істеп тұр.
Бүгінгі күнде су құбыры қалыпты жұмыс істеп тұр, 4 слесарь, 1 контролер -оператор ,1 дәнекерлеуші, 4 машинист, 1 трактор жүргізушісі қызмет етеді.
Білім саласы.
Новобаженово ауылдық округінің территориясында екі жалпы білім беру орта мектебі бар. Бұлақ ауылының жалпы орта білім беретін мектеп директоры Заманбекова Айтолқын Асеновна, 20 мұғалім қызмет етеді. 2023 - 2024 оқу жылына 1-11 сыныпта 83 оқушы. Новобаженово ауылында А.Ибраева атындағы орта білім мектебінің директоры Бектыбаева Раулия Оразхановна,32 мұғалім қызмет етеді. 2023 - 2024 оқу жылына 1-11 сыныпта 237- оқушы.Мектептерде техникалық мүмкүндіктер бар. Бұлақ ауылында 37, А.Ибраева атындағы орта мектебінде 75 компьютермен қамтамасыз етілген.
Медицина саласы
Ауылдық округте Новобаженово ауылында дәрігерлік амбулатория орналасқан. Бұлақ, Климентьевка ауылдарында фельдшерлік пункт жұмыс істейді, бас дәрігер Паук Юрий Филиппович. Округ территориясында тұрғындарға дәрігерлік қызмет көрсету саласында 2 дәрігер шұғылданады, оның ішінде: жоғары білімді дәрігер - 2, арнаулы орта білімді мед. персонал - 10 адам. Скринингтер, оқушыларды тексеруден өткізу жоспарлы түрде жүргізілуде.
Мәдени – көпшілік, спорттық шаралар:
Новобаженово ауылдық округінде 2007 жылдан бастап ауылдық клуб жұмыс істеуде (клуб директоры Хасим Алия.), қызметкерлер саны – 7 адам. Клуб мәдени – ағарту саласында өндірістік-шаруашылық қызмет көрсету, ұлтық мәдениетті дамыту мақсатында құрылған. Мекеме мақсаты, көпшілік ойын-сауық шараларын (фестивал, байқау, сайыс) ұйымдастыру; мәдени-көпшілік спорттық шараларды ұйымдастыру, көпшілік ірі мәдени іс-шараларды өткізу.
Құқықтық қорғау
2023 жылдың 1 қазан айынан бастап, ауылдық округте учаскелік инспекторы - полиция майоры Муслимов Серикхан Маратович қызмет атқарады. Жылдың қорытындысы бойынша 157 әкімшілік құқық бұзушылық, 6 қылмыстық құқық бұзушылық фактісі,оның ішінде 4 қылмыстық құқық бұзушылық ашылды, 2 қылмыстық бұзушылық ашылмады. Жемқорлық фактісі бойынша іс тіркелмеген.
Кіші бизнес
Ауылдық округте 11 азық-түлік дүкендері тіркелген.
Әлеуметтік қорғау
Еңбекке жарамды экономикалық белсенді тұрғындар саны 886 адам. Өзін – өзі жұмыспен қамтушылар саны 280 адам. Ауылдық округтің территориясында Ұлы Отан соғысына қатысқандар жоқ, Ұлы Отан соғысына қатысқандарға теңестірілген 4 тыл еңбеккерлері бар.
2023 жылы Новобаженово ауылдық округі бойынша 10 көпбалалы отбасы атаулы әлеуметтік көмек(АӘК) алды, 2024 жылы АӘК алушылар 3 отбасы тіркелді.