Барлық материал

Көкбай ауылдық округінде 17-21 маусым аралығында «AMANAT» партиясының «Қарызсыз қоғам» партиялық жобасы аясында халықтың қаржылық сауаттылығын арттыру курсы өтті. Курска ауылымыздың 50 азаматы қатысып, сертификат алды. Ауыл тұрғындарының қаржылық сауаттылығын арттыру арқылы қолдағы қаражаттарын тиімді игеруге, инвестициялық жобаларға қатысуға, депозит ашуға бағыт бағдар берген Қанат Оханұлына (@ka.sharipov86) алғыс білдіреміз.

Құрметті жерлестер! 24 маусым 2024 жылы аудан әкімі Мейіржан Серікбосынұлы Көкбай ауылдық округі тұрғындарымен кездесті. Жиын барысында аудан әкімі Абай ауданы бойынша 2024 жылдың І жартыжылдығында атқарылған жұмыстар туралы есеп берді. Тұрғындар тарапынан апаттық жағдайда тұрған тұрғын үй және тұрақты жұмыс мәселелері бойынша сұрақтар қойылды. Жиын соңында аудан әкімі ауыл тұрғындарына мәселелері бойынша жеке қабылдау өткізді. Тиісті сала басшыларына тұрғындардың мәселері негізінде тапсырмалар берді. Көкбай ауылдық округінде салынып жатқан спорт кешенінің құрылыс жұмыстарын көрді.

Құнанбай Өскенбайұлының 220 жылдық мерейтойы

«БЖЗҚ туралы өзекті сауалдар»

Көкбай ауылдық округінде "Таза аула. Таза өлке. Таза ел" экологиялық акциясы аясында Қарауыл- Көкбай, Көкбай-Құндызды автомобиль жолдарының бойын жинау, қоқыстарды тазалау жұмыстары жүргізілді.

Көкбай орта мектебінде Ұлы Отан соғысының ардагері Қуантқан Иманғалиұлы атындағы Акт залының заман талабына сай абаттандырылуына орай ашылу салтанаты өтті. Шараға аудан әкімі Мейіржан Серікбосынұлы, ауыл әкімі Шарыпқазы Санбайұлы, Қуантқан Иманғалиұлының ұрпақтары мен мектеп ұжымы, ауыл тұрғындары қатысты. Ашылу салтанатында лента қию құрметі ауылымыздың ақсақалдары Жақыпұлы Амантай мен Түсіпов Сайлаубекке берілді. Шара барысында аудан әкімі Мейіржан Серікбосынұлы құттықтау сөз сөйлеп, Көкбай ауылының дамуына үлес қосып, игі шараларға демеушілік жасап жүрген азаматқа ауыл тұрғындарының ұсынысымен Бақытжан Қуантқанұлына «Ел алғысы» медалін табыстады. Ауыл әкімі Шарыпқазы Санбайұлы алғыс хат табыстаса, мектеп директоры Жарқын Тұрсынғалиұлы шапан жапты. Шара ауыл азаматтарының қатысуымен өткен кіші футбол жарысымен жалғасын тапты.

9 мамыр - Жеңіс күні. Ұлы Жеңістің 79 жылдығына орай ауылымыздың ақсақалдары Жақыпұлы Амантай мен Түсіпов Сайлаубек Азалы ана басына мәңгілік алауға гүл шоқтарын қойып, ауыл әкімі Ш.Жылқайдар құттықтау сөз сөйледі.

22 наурыз Ұлыстың ұлы күні ауылымызда 1983 жылы туылған азаматтарымыздың демеушілігімен « Қош келдің, Әз Наурыз» тақырыбымен мерекелік іс- шара өтті. 1983 жылғы азаматтар, әкімшілік, мектеп, балабақша, дәрігерлік амбулатория, мәдениет үйі қазақ үй, алтыбақан құрып, дастархан жайса, интернат ұжымы ыстық бауырсақ пен наурыз көже пісіріп таратты. Спорттық ойындардан қол күрес, арқан тартыс (ерлер, әйелдер), тай жарысы және жасөспірімдер арасында күрестен «КӨКБАЙ БАРЫСЫ-2024» өтті. Кіші топтан «КӨКБАЙ БАРЫСЫ-2024» Жұмағалиев Бекзат болса, үлкен топтан «КӨКБАЙ БАРЫСЫ-2024» Шәкебай Әлем болды. Спорттық ойындарда орын алған командаларға, оқушыларға ақшалай қаражаттар таратылды. Мектептен атты оқушылар, балабақша, интернат ұжымдары шеру жасап, орталық алаңда жүріп өтті. 1983 жылғы туылған азаматтарымызға, мерекелік іс-шараға ат салысқан мекемелерімізге, ауыл тұрғындарына алғыс білдіреміз.

16 наурыз күні Көкбай ауылдық округінде ашамайға байланысты іс-шара өтті. Белсенді қатысқан балаларға сыйлықтар таратылды.

5 наурыз күні "Ұлы дала ұлағаты" тақырыбымен аудандық көркемөнерпаздардың өнер байқауы өтті. Байқаудың басты тақырыбы Құнанбай Өскенбайұлының туғанына 220 жыл және Жәнібек Кәрменовтың 75 жыл толуы күніне арналады.