Қуанышты жаңалық! ✅Көкбай ауылдық округіне қарасты шаруа қожалықтардың электр желілеріне жөндеу жұмыстары жүргізіледі Көкбай ауылдық округіне қарасты 31 шаруа қожалығының электр желілерінде жиі ақау орын алып, жарықтың тұрақты түрде өшуі тіркелген. Осыған байланысты маусым айында «Абай облысының энергетика және тұрғын үй-коммуналдық шаруашылық басқармасына» бюджеттік өтінім жолданып, кезекті облыстық мәслихат сессиясында жөндеу жұмыстарына қажетті қаржы бөлінді. Сонымен қатар, тағы 12 шаруа қожалықтың электр желілерінің мәселесі шешіліп, күз мезгізіліне дейін жөндеу жұмыстары толық аяқталады деп күтілуде. Осы бойынша тиісті сметалық құжаттама әзірленіп, қаражат маусым айында облыстық мәслихаттың кезекті сессиясында қарастырылып, қолдау тапты. Бұл жұмыстар жайлаудан оралған халық үшін үлкен қуаныш пен қолайлы жағдай туғызары сөзсіз. Жақын күндері жөндеу жұмыстары басталады.
