Меню
Бүгінде Қазақстанда 122 жоғары оқу орны жұмыс істейді, оның ішінде ұлттық университеттер – 12, мемлекеттік – 31, азаматтық емес – 14, АОО – 1, халықаралық – 1, акционерлік – 11 және жекеменшік – 52.
Білім алушылар контингенті 724 107 адамды құрайды (2024 ж. – 680 156, 2023 ж. – 642 588, 2022 ж. – 606 394, 2021 ж. – 614 739, 2020 ж. – 623 839 адам); мемлекеттік тапсырыс бойынша: 298 743 (2024 ж. – 287 048, 2023 ж. – 255 685, 2022 ж. – 245 347, 2021 ж. – 233 473, 2020 ж. – 228 121 адам).
Профессор-оқытушылар құрамының жалпы саны – 45,5 мың адам, ғылыми дәрежелілік – 47,7% (ғылым кандидаттары – 10 374 адам, ғылым докторлары – 2 714 адам, PhD докторлары – 4 841 адам).
2025 жылы жоғары және жоғары оқу орнынан кейінгі білімі бар кадрларды даярлауға 93 232 грант бөлінді, оның ішінде жоғары білімге – 77 084 грант.
2024 жылдың қыркүйегінен бастап стипендия мөлшері артты: бакалавриат бағдарламасы бойынша 20%-ға: 52 372 теңге (2024 ж. – 47 135 тг, 2023 ж. – 41 898 тг); педагогикалық ғылымдар бойынша: 84 000 теңге (2024 ж. – 75 600 тг, 2023 ж. – 67 200 тг); магистранттар мен докторанттарға – 15%-ға: 117 098 теңге (2024 ж. – 107 061 тг, 2023 ж. – 97 024 тг); докторанттарда – 262 500 теңге (2024 ж. – 240 000 тг, 2023 ж. – 217 500 тг).
2025 жылғы 1 қыркүйектен бастап стипендия мөлшері 2020 жылмен салыстырғанда екі есеге артты.
Білім туралы құжаттарды тану қағидаларының 9-тармағына (Қазақстан Республикасы Ғылым және жоғары білім министрінің 2023 жылғы 12 маусымдағы № 268 бұйрығы) сәйкес құжаттарды тануға басқа мемлекеттерде және халықаралық немесе шетелдік білім беру ұйымдары, оның ішінде олардың филиалдары, сондай-ақ ғылыми орталықтар мен зертханаларда білім алған жеке адамдардың жоғары және жоғары оқу орнынан кейінгі білімі туралы құжаттар жатады.
Білім беру қызметіне қойылатын біліктілік талаптары "Білім беру қызметіне қойылатын біліктілік талаптарын және оларға сәйкестікті растайтын құжаттардың тізбесін бекіту туралы" Қазақстан Республикасы Білім және ғылым министрінің 2015 жылғы 17 маусымдағы № 391 бұйрығында көрсетілген.
Басқа мемлекеттерде білім алған тұлғалардың білім туралы құжаттарын тану тәртібі Қазақстан Республикасы Ғылым және жоғары білім министрінің 2023 жылғы 12 маусымдағы № 268 бұйрығымен бекітілген білім туралы құжаттарды тану қағидаларымен (бұдан әрі – Қағидалар) айқындалған.
Аталған Қағидалардың 9–тармағында шетелдік білім беру ұйымдарында берген білім туралы құжаттардың иегерлері Қазақстан Республикасында кәсіби қызметке қол жеткізу немесе оқуды жалғастыру мақсатында тану рәсімінен өтуі тиістілігі белгіленген.
Қазақстан Республикасы Ғылым және жоғары білім министрінің 2023 жылғы 12 маусымдағы № 268 бұйрығымен бекітілген Білім туралы құжаттарды тану Қағидаларының 9-тармағына сәйкес құжаттарды тануға басқа мемлекеттерде және халықаралық немесе шетелдік білім беру ұйымдары, оның ішінде олардың филиалдары, сондай-ақ ғылыми орталықтар мен зертханаларда білім алған жеке адамдардың жоғары және жоғары оқу орнынан кейінгі білімі туралы құжаттар жатады.
Осыған орай, сізге білім туралы құжатты тану рәсімінен өту қажет.
«Білім туралы құжаттарды тану» мемлекеттік қызметін Қазақстан Республикасы Ғылым және жоғары білім министрлігінің «Жоғары білім беруді дамыту ұлттық орталығы» шаруашылық жүргізу құқығындағы республикалық мемлекеттік кәсіпорны жүзеге асырады.
Өтініштерді қабылдау және мемлекеттік қызмет көрсету нәтижелерін беру «Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы жүзеге асырылады.
Білім туралы құжаттарды тану бойынша қосымша ақпаратты Орталықтың сайтынан білуге болады https://enic-kazakhstan.edu.kz/ru/, «Білім туралы құжаттарды тану» бөлімінде немесе 8 (7172) 28-75-21, 28-75-27 телефондары бойынша.