Қостанай қалалық мәслихаты

Қостанай қалалық мәслихаты - Қазақстан Республикасының заңнамасына сәйкес қала халқының ерік-жігерін білдіретін және жалпымемлекеттік мүдделерді ескере отырып, оны іске асыру үшін қажетті шараларды айқындайтын, олардың орындалуын бақылайтын өкілді орган. Ағымдағы құрамда өткен шақырылымға қарағанда бір депутатқа артық.

Бұған дейін мәслихат құрамына 19 депутат болды, қазіргі уақытта 20 депутат. Бір мандатты сайлау округтері бойынша 20 депутаттың 14-і "AMANAT" партиясынан, 3-і "Ауыл" партиясынан, 2-і "Ақ Жол" ҚДП партиясынан және 1-і "Respublica" партиясынан. Жаңа шақырылған мәслихат құрамында 11 ер адам және 9 әйел бар. Ең жас депутат-29 жаста, ең үлкені-63 жаста. Депутаттардың орташа жасы-45 жас (алдыңғы шақырылымда – 49 жас).

Жиырма депутаттың алтауы алдыңғы шақырылымда жұмыс істеді. Депутатардың құрамы 70% өзгерді. Жалпы, жаңа құрам бұрынғыдан айтарлықтай ерекшеленеді. Әйелдер санының өсуінен басқа, қалалық мәслихатта бизнес өкілдерінің саны да айтарлықтай өсті. Егер бұрын 7 кәсіпкер болса, қазір 9. Қалалық мәслихат депутаттары өз функцияларын босатылған негізде орындайтын қалалық мәслихат төрағасын қоспағанда, өз функцияларын босатылмаған негізде орындайды. Мәслихат өз құзыреті шегінде тиісті аумақты дамытудың жоспарларын, экономикалық және әлеуметтік бағдарламаларын, жергілікті бюджетті және олардың орындалуы туралы есептерді бекітеді; жергілікті әкімшілік-аумақтық құрылыстың оның қарауына жатқызылған мәселелерін шешуді, Қазақстан Республикасының жер заңнамасына сәйкес жер қатынастарын реттеуді, сондай-ақ Қазақстан Республикасының қолданыстағы заңнамасына сәйкес өзге де мәселелерді жүзеге асырады.

Сессиялардың қарауына енгізілетін мәселелерді алдын ала қарау, мәслихат шешімдерін іске асыруға жәрдемдесу және бақылау функцияларын жүзеге асыру үшін мәслихатта 2 тұрақты комиссия құрылды:

-бюджет, экономика, басқару және өзін-өзі басқару мәселелері бойынша,

-әлеуметтік мәселелер, отбасылық-демографиялық саясат және қоғамдық бірлестіктермен заңдылық, құқықтық тәртіп және жұртшылықпен жұмыс мәселелері бойынша байланыс.

Ең маңызды және қоғамдық маңызы бар мәселелерді талқылау мақсатында депутаттардың, атқарушы органдардың, ұйымдардың, бұқаралық ақпарат құралдарының және азаматтардың қатысуымен Жария тыңдаулар өткізіледі. Бұдан басқа, комиссиялар мәслихат шешімдерінің, қабылданған бағдарламалардың және мемлекеттік билік пен басқару органдарының басқа да актілерінің орындалуын бақылауды жүзеге асырады. Тұрақты комиссиялар оларды сайлаған мәслихат алдында жауапты және жылына кемінде бір рет өз қызметі туралы есеп береді.

Депутаттар өз округтерінде халықпен жұмыс істеуге ерекше назар аударады. Қолданыстағы заңнамаға сәйкес мәслихат депутаттары сайлаушылармен тұрақты байланыста болуға, оларды мәслихаттың жұмысы, оның тұрақты комиссияларының қызметі, мәслихат шешімдерінің орындалуы туралы үнемі хабардар етуге міндетті. Депутаттар азаматтарды жеке мәселелері бойынша да қабылдайды. Мәслихат сессияларын, оның органдарының отырыстарын өткізу, оларға мәселелерді енгізу және қарау, мәслихат органдарын құру және сайлау тәртібі және басқа да ұйымдастырушылық және рәсімдік мәселелер сессияда бекітілетін мәслихат регламентінде айқындалады.

Ереже (сілтеме)