— Атаулы әлеуметтік көмекті қалай алуға болады
— Сіз сәбиіңіздің дүниеге келуін күтудесіз
— Жақындарынан айырлуы мен жерлеу рәсімі
— Үйде арнайы әлеуметтік қызметтерді кім алады?
— Зейнеткерлікке мерзімінен бұрын шығу мүмкін бе
— Бала тууды қалай есептеу керек
— Зейнетақы қорын құру үшін қандай жарналар қолданылады
— Зейнетақы жинақтарын сенімгерлік басқаруға қалай беріледі
— Бірлескен зейнетақы аннуитетін қалай алуға болады?
— Бизнес грантын қалай алуға болады?
— Кибербуллингтің алдын-алу әдісі
— Штатты қысқарту кезінде жұмыс беруші нені білу керек
Халықаралық еңбек ұйымының өкілімен кездесу
2025 жылғы 26 ақпанда Қазақстан Республикасы Еңбек және халықты әлеуметтік қорғау министрлігі Халықаралық еңбек ұйымының (ХЕҰ) маманы Д.Дочинскиймен әкімшілік, инспекция, қауіпсіздік және еңбек гигиенасы мәселелері бойынша кездесуді өткізді.
Тараптар «Қазақстанның тау-кен өндіру секторындағы әлеуметтік диалог арқылы еңбек қауіпсіздігі мен гигиенасын қамтамасыз етуге жәрдемдесу» жобасын іске асыру, Халықаралық Еңбек күнін бірлесіп мерекелеу (2025 жылғы 28 сәуір), мемлекеттік инспекторлар, жұмыс берушілер мен кәсіподақтар үшін еңбек қауіпсіздігі және еңбекті қорғау бойынша онлайн-оқыту, сондай-ақ саладағы зорлық-зомбылық пен қудалауды жою бойынша тренинг өткізу мәселелерін талқылады.
Кездесу қорытындысы бойынша тараптар 2025 жылға жоспарланған міндеттер шеңберінде белсенді ынтымақтастықты жалғастыру ниетін растады.
Астанадағы ХЕҰ үшжақты семинары
27 ақпанда Астанада Халықаралық еңбек ұйымы «Қауіпсіз және салауатты өндірістік орта негізгі қағидат және құқық ретінде – еңбекті қорғау жөніндегі басты халықаралық құралдар» тақырыбында үшжақты семинар ұйымдастырды. Іс-шараға әлеуметтік әріптестер мен мемлекеттік органдардың өкілдері қатысты.
Семинарда ХЕҰ-ның іргелі конвенциялары талқыланды:
* Еңбек қауіпсіздігі және еңбекті қорғау және өндірістік орта туралы Конвенция (C155, 1981);
* Еңбек қауіпсіздігі мен гигиенасына ықпал ететін негіздер туралы Конвенция (C187, 2006).
Семинардың негізгі мақсаты стратегияларды әзірлеуге, заңнаманы қалыптастыруға және еңбекті қорғау саласындағы құқық қолдануға жауапты мемлекеттік қызметшілердің хабардарлығын арттыру болды. Әлеуметтік диалогтың маңыздылығына және барлық тараптардың белсенді қатысуына ерекше назар аударылды.
Семинар нәтижелі өтті және әлеуметтік әріптестер мен мемлекеттік құрылымдардың еңбек қауіпсіздігі және еңбекті қорғау мәселелеріндегі өзара іс-қимылын нығайтуға ықпал етті.
2025 жылғы 7 наурызда Қазақстан Республикасы Еңбек және халықты әлеуметтік қорғау министрлігі Дүниежүзілік банк мамандарымен кездесуді өткізді.
Талқылау барысында банк өкілдері әлеуметтік-экологиялық қағидаттар (ЭҮП) саласында шолу бағалау және әлеуетті арттыру мүмкіндіктерін ұсынды. Бұл қағидаттар Банктің тұрақты даму мақсаттарына деген ұмтылысын көрсетеді және кедейлікті жоюға және жалпы әл-ауқатты арттыруға ықпал ететін жобаларды жүзеге асыруда әлеуетті қарыз алушыларды қолдауға бағытталған саясат пен әлеуметтік-экологиялық стандарттарды қамтиды.
Сонымен қатар кездесу барысында негізгі мәселелер қаралды:
* қауіпсіз және салауатты еңбек жағдайларын қамтамасыз ету;
* әділ қарым-қатынас кепілдіктері, кемсітушілікке жол бермеу және жұмыскерлер үшін тең мүмкіндіктерді қамтамасыз ету;
* жұмыскерлердің осал санаттарын қорғау (әйелдер, мүмкіндігі шектеулі адамдар, еңбекке қабілетті балалар, мигранттар және т. б.);
* мәжбүрлі және балалар еңбегін пайдалануға тыйым салу;
* бірлестіктер мен ұжымдық келіссөздер еркіндігін қолдау;
* қызметкерлердің еңбек дауларын шешу тетіктеріне қол жеткізуі.
Кездесу сындарлы және ақпараттық атмосферада өтті.
«Еңбек қызметін жүзеге асыру үшін шетелдік жұмыс күшін тартуға жергілікті атқарушы органдардың рұқсаты талап етілмейтін адамдардың тізбесін айқындау туралы» Қазақстан Республикасы Үкіметінің 2023 жылғы
24 қарашадағы № 1041 қаулысына өзгеріс енгізу туралы» Қазақстан Республикасы Үкіметінің қаулысының жобасы 2024 жылғы 26 қарашада ашық нормативтік құқықтық актілердің интернет-порталында орналастырылды. Жобаны көру үшін мына сілтемеге өту керек https://legalacts.egov.kz/npa/view?id=15310429.
Жария талқылау мерзімі а. ж. 10 желтоқсанда аяқталады.
ҚР Еңбек және халықты әлеуметтік қорғау бірінші вице-министрі Ақмәди Сарбасов «Адами өлшем жөніндегі диалог алаңы» атты консультативтік-кеңесші органның отырысына қатысып, оның барысында БҰҰ-ның экономикалық, әлеуметтік және мәдени құқықтар туралы халықаралық пактісінің ҚР орындалуы туралы екінші баяндамасын қорғау қорытындылары бойынша ұсынымдардың орындалуы туралы хабардар етті.
Іс-шараға ҚР Президенті жанындағы Адам құқықтары жөніндегі комиссия төрағасының орынбасары Тастемір Әбішев, ҚР Парламенті Мәжілісінің депутаты Айгүл Құспан, Ұлыбритания және Солтүстік Ирландия Біріккен Корольдігінің ҚР-дағы Төтенше және Өкілетті Елшісі Кэти ЛИЧ, мүдделі мемлекеттік органдардың өкілдері, Еуропадағы қауіпсіздік және ынтымақтастық ұйымының сарапшысы және үкіметтік емес ұйымдар қатысты.
Отырыста сөз сөйлеген Ақмәди Сарбасов ҚР Еңбек және халықты әлеуметтік қорғау министрлігі (бұдан әрі – Министрлік) Қазақстан Республикасының экономикалық, әлеуметтік және мәдени құқықтар туралы халықаралық пактіні (бұдан әрі – Пактіні) орындау туралы Ұлттық баяндамаларды ұсыну жөніндегі халықаралық міндеттемелерді орындауы шеңберінде БҰҰ-ның комитетімен ынтымақтастықты жүзеге асыратынын атап өтті.
Пактінің орындалуы туралы алғашқы ұлттық баяндама 2007 жылы БҰҰ-ның комитетіне жіберілді және 2010 жылғы 10-11 мамырда өткен отырыста қаралды, оның қорытындысы бойынша Үкіметке 37 ұсыныс берілді. Пактіні орындау жөніндегі Екінші ұлттық баяндама 2019 жылғы 27-28 ақпанда БҰҰ-ның комитетінің отырысында қаралды, қорғау қорытындысы бойынша Үкіметке 30 ұсыныс берілді. Пактіні орындау жөніндегі үшінші мерзімді баяндама ағымдағы жылдың сәуір айында БҰҰ-ның комитетіне жолданды.
Ұсынымдарды орындау мақсатында елге білікті кадрлардың келуін ынталандыруға, шетелде жұмыс істейтін қазақстандықтардың құқықтарын қорғауға, ел өңірлері арасындағы демографиялық теңгерімсіздіктерді жоюға және тұтастай алғанда көші-қон саясатын «қайта жүктеуге» бағытталған 2027 жылға дейінгі (2022 жылғы 30 қарашада) Көші-қон саясатының тұжырымдамасы қабылданды.
Сонымен қатар, көші-қон заңнамасын жетілдіру бойынша жұмыс жандандырылды, визалық режим, шақыруды ресімдеу, келетін шетел азаматтарының келуі мен тіркелу тәртібі жеңілдетілді, визалық-көші-қон порталы жаңғыртылды. Сондай-ақ, тұрғылықты жері бойынша тіркеу рәсімі барынша жеңілдетілді және «Электрондық үкімет» порталы арқылы автоматтандырылды.
Әлеуметтік, оның ішінде зейнетақымен қамсыздандыру мәселелерінде Қазақстанда тұрақты тұратын шетелдіктердің де Қазақстан азаматтарымен бірдей құқықтары, оның ішінде мектепалды, бастауыш, негізгі орта және жалпы орта білім алу құқықтары болады.
2021 жылғы 12 қазандағы «Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы» ҚР Заңы қабылданды, онда әйелдердің еңбегі шектелетін жұмыстардың тізімі жойылды.
Бұл шара қауіпті және зиянды еңбек жағдайларына жататын барлық жұмыстарға, оның ішінде өнеркәсіп (мұнай-газ, тау-кен өндіру, өңдеу), көлік және құрылыс салаларындағы жұмыстарға қол жеткізуді қамтамасыз ету жолымен әйелдерді жұмысқа орналастыру мүмкіндіктерін кеңейтуге мүмкіндік берді.
Қазақстан Республикасында 2024-2030 жылдарға арналған Қауіпсіз еңбек тұжырымдамасы қабылданды, ол жұмыс орындарындағы кәсіптік тәуекелдерді бағалау негізінде еңбекті қорғауды басқарудың ұлттық жүйесін дамытуға бағытталған. Бұл жұмыс еңбекті қорғау саласын толық көлемде цифрландырумен сүйемелденетін болады. Кәсіпорындардың цифрлық картасы құрылды, ол нақты уақыт режимінде еңбек жағдайларына мониторинг жүргізуге және теріс өзгерістерге уақтылы жауап беруге мүмкіндік береді. Мониторинг үшін мәліметтерді мемлекеттік еңбек инспекторларымен қатар кәсіподақтар да енгізетін болады.
Қызметкерлерді қауіпсіз еңбек жағдайларымен қамтамасыз ету бойынша шаралар қабылданатын тағы бір стратегиялық құжат Қазақстан Республикасының еңбек нарығын дамытудың 2024-2029 жылдарға арналған тұжырымдамасы болып табылады. Тұжырымдама аясында сапалы жұмыс орындарын қамтамасыз ету үшін бәсекеге қабілетті, болжамды және оңай бейімделетін еңбек нарығын құру жоспарлануда.
Сондай-ақ, ағымдағы жылы Министрлік жанынан еңбек қатынастары, оның ішінде еңбек қауіпсіздігі және еңбекті қорғау, халықты жұмыспен қамту саласындағы іске асыру және бақылау функцияларын жүзеге асыратын мемлекеттік еңбек инспекциясы комитеті (6.08.24 ж.ҚРРК) құрылды.
Сонымен қатар, ағымдағы жылдың 12 маусымында Министрлік, әлеуметтік әріптестер және халықаралық еңбек ұйымы лайықты еңбекке жәрдемдесу жөніндегі 2024-2025 жылдарға арналған жол картасына қол қойды.
Кәсіподақтардың құқықтары жөніндегі ұсынымды іске асыруға қатысты ағымдағы жылы Үкімет, Республикалық жұмыс берушілер бірлестіктері және республикалық кәсіподақтар бірлестіктері арасында ХЕҰ-ның тоғыз конвенциясының тізбесі көзделген 2024-2026 жылдарға арналған жаңа
Бас келісімге қол қойылды.
Әлеуметтік қорғаудың ең төменгі деңгейлері туралы ұсынымды іске асыру шеңберінде Қазақстанда іске асырылып жатқан жаңа әлеуметтік саясат ауқымды өзгерістердің маңызды аспектісі болып табылады. Бұл қайта құрулардың негіздері Әлеуметтік кодексте көрсетілген.
2024 жылғы 19 қарашада Қазақстан Республикасының Президенті
Қ.К. Тоқаевтың Сербия Республикасына ресми сапары барысында Қазақстан Республикасының Еңбек және халықты әлеуметтік қорғау министрлігі мен Сербия Республикасының Еңбек, жұмыспен қамту, ардагерлер және әлеуметтік істер министрлігі арасындағы ынтымақтастық туралы Меморандумға қол қойылды.
Меморандум мыналарға бағытталған:
а) еңбек қатынастары мен еңбек нарығындағы саясатты дамыту, сондай-ақ еңбек көші-қоны саласындағы екіжақты ынтымақтастықты жандандыру;
б) жұмыссыздық деңгейін төмендету және түрлі тәуекел тобындағы халықты, оның ішінде жастар мен мүгедектер арасында жұмыспен қамтуға жәрдемдесу жөніндегі іс-шараларды өткізу саласында тәжірибе алмасу;
в) жұмыссыздар мен тәуелсіз қызметкерлердің кәсіпкерлік қызметін дамытуға жәрдемдесу саласында тәжірибе алмасу;
г) әлеуметтік қамсыздандыру саласындағы мүгедектерді қолдау жүйесін, оның ішінде әлеуметтік қорғау жүйесін дамыту;
д) әлеуметтік қамсыздандыру жүйесін жетілдіру;
е) әлеуметтік қорғауға мұқтаж отбасыларды қолдау қызметтерін қамтамасыз ету, жетілдіру және дамыту және кедейлікпен күрес.
«Қазақстан Республикасының аумағында еңбек қызметін жүзеге асыру үшін шетелдік жұмыс күшін тартуға 2025 жылға арналған квота белгілеу туралы» Қазақстан Республикасы Халықты әлеуметтік қорғау АЖ Еңбек министрі бұйрығының
(бұдан әрі – бұйрықтың жобасы) жобасына
БАСПАСӨЗ РЕЛИЗІ
«Қазақстан Республикасының аумағында еңбек қызметін жүзеге асыру үшін шетелдік жұмыс күшін тартуға 2025 жылға квота белгілеу туралы» бұйрықтың жобасы «Халықтың көші-қоны туралы» Қазақстан Республикасы Заңының 11-бабының 4) тармақшасын орындау үшін әзірленді.
Көрсетілген бұйрық жобасын қабылдаудың мақсаты 2025 жылға арналған Қазақстан Республикасының аумағында еңбек қызметін жүзеге асыру үшін шетелдік жұмыс күшін тартуға квота белгілеу болып табылады.
Бұйрық жобасын қабылдау теріс әлеуметтік-экономикалық және/немесе құқықтық салдарға әкеп соқпайды.
Бұйрықтың жобасы «Электрондық үкімет» порталында жария талқылау үшін ашық НҚА бөлімінде орналастырылған.
Әлеуметтік серіктестік шеңберіндегі ынтымақтастыққа шақыру
Қазақстан Республикасының Еңбек және халықты әлеуметтік қорғау министрлігі арнаулы әлеуметтік қызметтер көрсету орталықтарының (АӘҚКО) қызметін трансформациялау жобасын іске асыру үшін үкіметтік емес ұйымдарды, бизнесті және азаматтық бастамаларды ынтымақтастыққа шақырады. Жобаның мақсаты – АӘҚКО бизнес-процестерін кезең-кезеңімен цифрландыру және автоматтандыруды жүзеге асыру болып табылады.
Жобаның қысқаша сипаттамасы: Жоба арнайы әлеуметтік қызметтерді алушылардың, соның ішінде аз қамтылған отбасылар мен мүмкіндігі шектеулі жандардың өмір сүру сапасын жақсартуға және әлеуметтік қорғалуын арттыруға бағытталған. АӘҚКО қызметін кезең-кезеңімен цифрландыру, бизнес-процестерді автоматтандыру арқылы қызмет алушыларға сапалы әлеуметтік қызметтерді, дәрілік заттарды, қойма қорларын есепке алу, тамақтануды есепке алу, мамандардың жұмысын және олардың тиімділігін есепке алу сияқты және басқа да мәселелерді шешуді қамтамасыз етеді.
Жобаны тиімді іске асыру үшін келесі модульдерді енгізу көзделген:
«Жеке кабинет» модулі – ҚР қызметкерлері, мемлекеттік органдар және азаматтары арасындағы тиімді өзара іс-қимыл платформасын құрып, АӘҚКО ақпараттық ресурстарына қол жеткізуді қамтамасыз етеді.
«АӘҚКО есебі» модулі – арнаулы әлеуметтік қызмет көрсету орталықтарының барлық тіркелген мекемелерінің толық және құрылымдалған есебін жүргізуді қолдайды.
«Кадрлық есеп» модулі – кадрлық есепті жеңілдету үшін әлеуметтік қызмет көрсету жүйесінің қызметкерлерінің дерекқорын қалыптастырады.
«Шарттар» модулі – АӘҚКО жасалатын шарттар, қаржылық жоспарлар және келісімдерді тіркеу және есепке алу процесін автоматтандырады.
«Қызмет алушылардың қозғалысын есепке алу» модулі – АӘҚКО қызметтерін алу кезінде қызмет алушылардың қозғалыс тарихы мен мәртебесіне қатысты ашықтық пен бақылауды қамтамасыз етеді.
«Тамақ өнімдерін есепке алу» модулі – әрбір қызмет алушыға тамақ өнімдерін тұтыну мен есептен шығару бойынша дараланған есеп жүргізуге арналған.
«Қызмет алушылар үшін сатып алынатын тауарларды есепке алу» модулі – қызмет алушыларды қамтамасыз ету үшін қажетті сатып алынатын тауарлардың нақты есебін жүргізуге мүмкіндік береді.
«Инвентарьды есепке алу» модулі – АӘҚКО-ның мүліктері мен материалдық қорларын жинау және есепке алуды автоматтандырады.
«Дәрілік заттар және медициналық бұйымдарды есепке алу» модулі – дәрілік заттар мен медициналық бұйымдарды дараланған есепке алуды қолдайды.
«Тарифті қалыптастыру» модулі – арнаулы әлеуметтік қызметтер бойынша тарифтерді есептеу үшін деректерді жинақтайды.
«Төлемдер» модулі – көрсетілген әлеуметтік қызметтер үшін төлем құжаттарын қалыптастырады, төлем процесін оңтайландырады.
«Индикаторларды есептеу» модулі – белгіленген параметрлер бойынша негізгі тиімділік көрсеткіштерін жинауды және есептеуді автоматтандырады.
«Көрсеткіштер мен рейтингтер» модулі – АӘҚКО қызметін бағалау мен антирейтингтерді қалыптастыру арқылы сапаны арттырады.
«Қызмет көрсету сапасын мониторингілеу» модулі – АӘҚКО әрқайсысының көрсетілетін қызметтерінің тиімділігін бақылап, талдайды.
«Төлемдерді бақылау» модулі – көрсетілген қызметтер мен шарттық міндеттемелердің орындалуын бақылайды.
«Есеп беру және статистика» модулі – таңдалған кезең бойынша стандартты есептер мен статистиканы қалыптастырып, аналитикалық деректерге қол жеткізуді қамтамасыз етеді.
«Хабарламалар» модулі – АӘҚКО қызметіне қатысты хабарламалар мен ескертулерді жіберу мен бақылауды ұйымдастырады.
«Әкімшілік» модулі – деректердің қорғалуын жақсарту үшін пайдаланушыларға кіру құқықтарын бөлуді реттейді.
«НАА» (нормативтік-анықтамалық ақпарат) модулі – анықтамалықтарды, жіктеушілерді және каталогтарды біртұтас деректер басқару үшін жүйелейді.
«Сыртқы және ішкі өзара әрекеттестік» модулі – қызметке бағытталған архитектура негізінде әртүрлі АЖ арасында хабар алмасуды қамтамасыз етеді.
«Деректерді талдау» модулі – жинақталған деректердегі жасырын заңдылықтарды анықтайды және болжау үшін модельдер жасайды.
«Журналдау» модулі – жүйедегі барлық пайдаланушылар әрекеттері мен операцияларды тіркейді, процестердің ашықтығы мен бақылауын жақсартады.
Аталған модульдер Министрлікке АӘҚКО трансформациялау мақсаттарына жетуге, қызметтердің сапасын арттыруға, процестерді жеңілдетуге және қызмет алушылардың әлеуметтік қорғалуын қамтамасыз етуге мүмкіндік береді. Бұдан бөлек, ынтымақтастық үшін келесі мүмкіндіктер ұсынылады:
- Ұйымдастырушылық және ақпараттық қолдау;
- Жобаны ілгерілетуге көмек көрсету және консультациялық қолдау;
- Іс-шаралардың тиімді өткізілуін қамтамасыз ету үшін өзара іс-қимыл.
Серіктестерге қойылатын талаптар:
- Әлеуметтік саладағы түрлі АТ жобаларды іске асыру тәжірибесі;
- Ұсынылған бастаманы өз бетінше іске асыру үшін білікті мамандар мен ресурстардың болуы;
- Жобаның бюджет қаражатынсыз жүзеге асырылуына үлес қосу мүмкіндігімен өзара тиімді ынтымақтастыққа дайындық.
Қатысуға өтінімдер 2024 жылдың 31 желтоқсанына дейін қабылданады. Өтінім беру немесе қосымша ақпарат алу үшін бізбен байланысыңыз:
Телефон: 8(7172)-95-43-18 (вн.165/305); 74-28-66
Email: Zh.nauryzbaev@enbek.kz; n.azbergenov@enbek.gov.kz
Осы шақыруға қосымша ретінде арнайы әлеуметтік қызмет көрсету орталықтарында енгізуге арналған ақпараттық жүйелерді іріктеу критерийлерінің кестесі ұсынылады, онда осы жобаны жүзеге асыруға арналған ақпараттық жүйелерге қойылатын негізгі талаптар қамтылған.
Арнаулы әлеуметтік қызметтер көрсету орталықтарында енгізуге арналған ақпараттық жүйелерді
іріктеу өлшемшарттары
Талаптар кестелерінде келесі санаттар (түрлер) немесе талаптар қолданылады:
- M — минималды міндетті талап; бұл талапқа ұсынылған шешім міндетті түрде сәйкес келуі керек; осы талаптың толық немесе ішінара орындалмауы қатысушының ұсынысын қабылдамауға әкелуі мүмкін.
- D — қалаулы талаптар; осы талапқа сәйкессіздік қатысушының ұсынысын қабылдамауға әкелмейді, бірақ сәйкестік ұсыныстың бәсекеге қабілеттілігін арттырады.
Бұл критерийлер арқылы ұсыныстардың сапасын бағалап, ең тиімді шешімдерді таңдауға мүмкіндік береді.
|
№ |
Түрі |
Талап |
|
1. |
M |
Ақпараттық жүйе (бұдан әрі — Жүйе) лицензияланған болуы және Қазақстан Республикасының заңнамасының талаптарына сәйкес келуі тиіс. |
|
2. |
M |
Жүйе қызметтерді көрсету үшін қажет Қазақстан Республикасының Еңбек және халықты әлеуметтік қорғау министрлігінің ақпараттық жүйелерімен интеграциялану және өзара әрекеттесу мүмкіндігіне ие болуы тиіс. |
|
3. |
M |
Жүйе арнаулы әлеуметтік қызметтер көрсетуге арналған жеңілдіктер, құқықтар және субсидиялар туралы мәліметтерді қамтитын өзекті классификаторлар мен анықтамалықтарды қолдануды қолдауы тиіс. |
|
4. |
M |
Жүйе азаматтар туралы өзекті деректерге қол жеткізу үшін медициналық қызмет көрсету жүйелері, зейнетақы қоры, салық комитеті және басқа да мемлекеттік ақпараттық жүйелермен интеграциялану мүмкіндігіне ие болуы тиіс. |
|
5. |
M |
Жүйенің модульдері мен/немесе құрамдас бөліктері деректерді бір-бірімен http (s) - протоколдарын пайдаланып, деректерді беру үшін қауіпсіз байланыс қолдауымен алмасу мүмкіндігіне ие болуы тиіс. |
|
6. |
M |
Жүйе сыртқы ақпараттық жүйелермен интеграцияны қамтамасыз ететін, сонымен қатар ішкі модульдер мен сыртқы жүйелер арасындағы автоматтандырылған деректер алмасу мүмкіндігін беретін тәуелсіз интерфейстермен сервис-ориентирленген архитектураға ие болуы тиіс. |
|
7. |
M |
Жүйе әлеуметтік қызметкерлер, орталық мамандары, орташа персонал және басшылар сияқты түрлі пайдаланушы топтарына веб-қосымша арқылы қолжетімді минималды функционалға ие болуы тиіс: - Паспорттық деректерді жүргізу (мемлекеттік ақпараттық жүйелерден деректер алу); - Клиенттердің қажеттіліктері мен мәртебесі туралы ақпарат жүргізу; - Көрсетілген қызметтер туралы деректерді жүргізу; - Әлеуметтік-тұрмыстық көмек, оңалту қызметтері және консультациялар туралы деректерді жазу; - ерекше санаттағы адамдар (мүмкіндігі шектеулі, зейнеткерлер) үшін медициналық көрсеткіштерді, жазбаларды және тарихтарды жүргізу; - Әрбір клиент үшін іс-шаралар жоспарын жасау және басқару; - Есептік формаларды қалыптастыру; - Қызметкерлердің қосымша жазбаларын жүргізу. |
|
8. |
M |
Жүйе фактілік шығындар мен есептеулерді есепке алу үшін енгізілген бухгалтерлік жүйемен интеграцияны қамтамасыз етуі тиіс. |
|
9. |
M |
Жүйе жеке деректердің құпиялылығын қамтамасыз етуі тиіс: деректерді сақтау мен беру кезінде шифрлеу, деректер алмасу үшін қауіпсіз арналарды және қауіпсіз протоколдарды қолдану. |
|
10. |
M |
Жүйе құжаттарды аутентификациялау және қол қою үшін электрондық цифрлық қолтаңбаны (ЭЦҚ) пайдалануды қолдауы тиіс. ЭЦҚ қолдану жүйелік әкімші деңгейінде икемді түрде реттелуі керек. |
|
11. |
D |
Жүйе қызметкерлердің қолжетімділігін қамтамасыз ету үшін «жіңішке клиент» архитектурасын пайдалануы тиіс, қажет болған жағдайда — жабдықпен жұмыс істеу үшін «қалың клиентті» қолдануы тиіс. |
|
12. |
M |
Жүйе есептілікке қатысты келесі талаптарға жауап беруі тиіс: - Барлық аналитикалық және есептік формаларды .xls, .xlsx, .docx, .doc, .pdf, .csv, .html, .xml форматтарына экспорттау мүмкіндігі; - Есептік және талдамалық нысандарды кесте бойынша қалыптастыру функциясы; - Дайындалған есептерді көрсетілген электрондық пошта мекенжайларына жіберу мүмкіндігі. |
|
13. |
M |
Жүйе Қазақстан Республикасының «Ақпараттандыру туралы» заңына сәйкес ақпараттық қауіпсіздік талаптарына сәйкестігі бойынша аттестациядан өтуі тиіс. |