Қаржы нарығын реттеу және дамыту агенттігінің Төрағасы Мәдина Әбілқасымова ұлттық мереке – Республика күні қарсаңында Агенттік қызметкерлеріне Мемлекет басшысының атынан мемлекеттік наградалар табыс етті.
Салтанатты рәсім барысында қаржы нарығын реттеу мен дамыту жүйесін жетілдіруге және қаржылық қызметтерді тұтынушылардың құқықтарын қорғауды күшейтуге елеулі үлес қосқан Агенттік қызметкерлері «Ерен еңбегі үшін» медалімен марапатталды.
Агенттік Төрағасы үйлесімді жұмыс пен ұжымның жоғары кәсібилігінің арқасында банк секторының орнықтылығын арттыруға, сақтандыру нарығы мен бағалы қағаздар нарығын дамытуға, қадағалау тетіктерін жетілдіруге және азаматтардың қаржы институттарына деген сенімін нығайтуға бағытталған ауқымды реформалар мен қайта құрулар дәйекті түрде іске асырылып жатқанын атап өтті.
Агенттік басшысы адам капиталына ерекше назар аударып, реформалардың тиімділігі мен сапасы көбінесе мамандардың құзыреттілігіне, кәсіби деңгейіне және тартылуына байланысты екенін атап өтті.
Іс-шара соңында Агенттік Төрағасы ұжымға адал еңбегі және еліміздің қаржы нарығын дамытуға қосқан үлесі үшін алғысын білдірді, сондай-ақ қызметкерлерге ел игілігі үшін кәсіби қызметте табыс тіледі.
Сыртқы коммуникациялар басқармасы
Қаржы нарығын реттеу және дамыту агенттігінің Төрағасы Мәдина Әбілқасымованың төрағалық етуімен азаматтардың жолданымдарын қарау сапасын арттыру, проблемалық берешекті реттеу және қаржы омбудсманының жұмысын ұйымдастыру мәселелері бойынша кеңес өтті.
Кеңес қорытындысы бойынша барлық банктер үшін үш бағыт бойынша жеке сандық және сапалық негізгі көрсеткіштер айқындалды. Олар азаматтардың жолданымдарын қарау сапасын, проблемалық қарыздар санын азайтуды және берешекті реттеудің нәтижелілігін қамтиды.
Банктердің жұмысын бағалау жолданымдардың уақтылы және толық қаралуын, қайталанған және негізделген шағымдар, көмек алған қарыз алушылар санының қысқаруын және олардың төлем тәртібін қалпына келтірілуін ескеретін болады. Finkelisim платформасында азаматтардың бірнеше кредитор алдындағы берешегін ұжымдық реттеуге ерекше назар аударылатын болады.
«1 шілдеден бастап біз іс-қимылды бақылауға көштік. Біз үшін қаржы ұйымдарының қаржы нысана кредит берудің барлық кезеңінде қарыз алушылармен қалай жұмыс істейтіні, қаржы өнімдерінің шарттары қаншалықты әділ екендігі және кредитті өтеуде қиындықтар туындаған кезде азамат қандай көмек алатыны өте маңызды. Бүгінгі күні Агенттіктің негізгі басымдықтары – мерзімі өткен берешекті реттеу және қаржылық алаяқтықтан зардап шеккен қарыз алушылардың құқықтарын қорғау. Жұмыстың нәтижесі жолданымға дұрыс жауап беру емес, қарыз алушының проблемасын нақты шешу болуға тиіс», – деп атап өтті Мәдина Әбілқасымова.
Бұл жұмысты үйлестіру үшін азаматтардың жолданымдарын қарау сапасын арттыру, проблемалық қарыздар санын азайту, проблемалық берешекті реттеу және қаржы омбудсманының жұмысын ұйымдастыру жөніндегі жедел Штаб құрылатын болады. Белгіленген көрсеткіштердің орындалуына мониторингтеу және банктер жұмысының нәтижелерін қарау ай сайын жүргізілетін болады.
Қаржы омбудсманының жұмысын ұйымдастыру шеңберінде цифрлық платформа – FinOtinish де орнатылуда. Жүйе азаматтардың жолданымдарын қабылдауды және сүйемелдеуді, қаржы ұйымдарымен өзара іс-қимылды және шешімдердің орындалуын бақылауды қамтамасыз етуге мүмкіндік береді.
Қабылданған шешімдер банктердің жолданымдармен жұмыс істегені үшін жауапкершілігін арттыруға, азаматтарды реттеу шараларымен қамтуды кеңейтуге және проблемалық берешекті тұрақты төмендетуге бағытталған.
Сыртқы коммуникациялар басқармасы
Қаржы нарығын реттеу және дамыту агенттігі еске салады: қаржылық қиындықтар туындаған кезде қарыз алушы заңнамада көзделген берешекті реттеу тетіктерін пайдалана алады.
Бүгінгі күні қарыз алушылардың банктермен, микроқаржы ұйымдарымен (МҚҰ) және коллекторлық агенттіктермен өзара іс-қимылының бірыңғай тәртібі қолданылады. Сонымен қатар, 2026 жылғы 1 шілдеден бастап азаматтарға «бір терезе» қағидаты бойынша бір мезгілде бірнеше кредитор алдындағы берешекті реттеуге мүмкіндік беретін inkelisim.kz бірыңғай цифрлық платформасы жұмыс істейді.
Төлем мерзімі өткен кезде не істеу керек?
Егер қарыз алушы қаржылық қиындықтарға тап болса, бірінші кезекте кредиторға – банкке, МҚҰ-ға немесе коллекторлық агенттікке міндеттемелерді орындау шарттарын өзгерту туралы өтінішпен жүгіну қажет.
Өтінішке қаржылық жағдайдың нашарлауын немесе кешіктірудің себептерін растайтын құжаттар қоса берілуі керек. Бұл жұмыссыз ретінде тіркелгені туралы анықтама, жұмыс берушінің еңбек шартын тоқтату не жалақысы сақталмайтын демалыс беру туралы актісі, еңбекке уақытша жарамсыздық туралы анықтама, оның ішінде жақын туыстарының немесе жұбайының (зайыбының) ауруын растайтын анықтама, жақын туыстарының немесе жұбайының (зайыбының) қайтыс болғаны туралы куәлік немесе анықтама, жазатайым оқиға немесе үшінші тұлғалардың құқыққа қайшы әрекеттері салдарынан материалдық шығынның келтірілгенін растайтын құжаттар, мүгедектік туралы анықтама, сот актілері және қарыз алушының қаржылық жағдайының нашарлауын растайтын басқа да құжаттар болуы мүмкін.
Кредитор жолданымды қарайды және күнтізбелік 15 күн ішінде шешім қабылдайды.
Егер кредитор бас тартса немесе ұсынылған шарттарға көңілі толмаса.
Егер қарыз алушы кредитордың шешімімен келіспесе, ол банк немесе микроқаржы омбудсманына жүгінуге құқылы.
Банктік қарыз бойынша өтініш bank-ombudsman.kz сайты арқылы беріледі. МҚҰ-ға қарыздар бойынша өтініш mfombudsman.kz сайты арқылы беріледі.
Банк және микроқаржы омбудсмандарының қызметтері тегін. Олардың шешімдерін банктер мен МҚҰ орындауға міндетті.
Маңызды: омбудсманға кредиторға ресми түрде жүгініп, оның жауабын алғаннан кейін ғана жүгінуге болады.
Қарыз алушыға ақылы «делдалдар» қызметін пайдалануы талап етілмейді – кредиторға және омбудсманға өз бетінше жүгінуге болады.
Бірнеше кредитор алдындағы берешекті реттеу
Бір мезгілде бірнеше кредитор алдында мерзімі өткен берешегі бар азаматтар үшін Агенттік Бірінші кредиттік бюромен бірлесіп Тұтынушылық кепілсіз кредиттер бойынша берешекті реттеуге арналған Finkelisim.kz бірыңғай цифрлық платформасын әзірледі. Платформа 2026 жылғы 1 шілдеден бастап банк және микроқаржы омбудсмандарының базасында «бір терезе» қағидаты бойынша және медиация тәртібімен жұмыс істейді.
Қарыз алушыға әрбір кредиторға жеке жүгінудің қажеті жоқ. Платформада бір өтініш беру жеткілікті, одан кейін ақпарат қарыз алушының міндеттемелері бар барлық кредиторларға жіберіледі.
Қарыз алушының ұжымдық реттеу рәсіміне қатысуы тегін болып табылады. 2027 жылғы 1 қаңтарға дейін медиатордың көрсететін қызметтеріне арналған шығыстар банктік және микроқаржы омбудсмандары есебінен өтеледі.
Платформаны кім пайдалана алады?
Қарыз алушы бір мезгілде мынадай шарттарға сәйкес келетін өтініш бере алады:
- екі және одан да көп кредитор алдында 90 және одан да көп күнтізбелік күн мерзімі өткен берешегі бар;
- жиынтық берешек 150 АЕК-тен 1 600 АЕК-ке дейін құрайды;
- берешек бойынша өндіріп алу туралы сот актілері, нотариустың атқарушылық жазбалары және өзге де мәжбүрлеп өндіріп алу шаралары жоқ.
Бұл ретте ұжымдық реттеу ипотекалық қарыздар бойынша берешекке, автокредиттерге, банктік қарыздарға және кәсіпкерлік қызметпен байланысты микрокредиттерге, алаяқтық жолымен ресімделген кредиттерге, мерзімді әскери қызметті өткеруге байланысты төлемдерді кейінге қалдыруға берілген кредиттер, дауды медиация тәртібімен реттеу туралы келісім қолданылып жүрген кредиттерге, төлем қабілеттілігін, соттан тыс немесе соттың банкроттығын қалпына келтіру рәсімдері қолданылатын берешектерге қолданылмайды.
Берешекті өтеу мүмкін болмаған жағдайда не істеу керек?
Егер қарыз алушының өз міндеттемелерін орындауға объективті түрде мүмкіндігі болмаса, ол заңнамада белгіленген шарттарға сәйкес келген жағдайда соттан тыс банкроттық рәсімін қолдану мәселесін қарастыра алады.
Банкроттық заңда көзделген тәртіппен борыш міндеттемелерін тоқтатуға мүмкіндік береді, алайда жүгінбес бұрын оның салдарын бағалап алу қажет.
Атап айтқанда, рәсім аяқталғаннан кейін 5 жыл ішінде азамат жаңа кредиттер мен микрокредиттер ала алмайды, 3 жыл бойы оның қаржылық жағдайына мониторинг жүргізіледі, ал қайта банкроттыққа өтініш беру тек 7 жылдан кейін ғана мүмкін болады.
Жеке тұлғаның соттан тыс банкроттығына өтініш берудің егжей-тегжейлі тәртібі электрондық үкімет порталында орналастырылған:
Маңызды: Қаржылық қиындықтар туындаған кезде қарыз алушы үшін мерзімін өткізіп алуды елеусіз қалдырмай, кредиторға уақтылы жүгіну маңызды.
Көбірек пайдалы материал Fingramota.kz. сайтында қолжетімді.
Сыртқы коммуникациялар басқармасы
Орынов Азат Сайлавканович согласован на должность Руководителя исполнительного органа в банковском секторе (протокол №75/БВУ/Т от 15.10.2026 года).
Чалмерс Джеффри Моррис (Chalmers Geoffrey Morris) согласован на должность Члена органа управления в Корпоративный фонд «KMF- Демеу» (протокол № 76/БВУ/П от 20.10.2026 г.).
Фрайз Роберт Джозеф (Fries Robert Joseph) согласован на должность Члена органа управления в Корпоративный фонд «KMF- Демеу» (протокол № 77/БВУ/П от 20.10.2026 г.).
Агенттік мерзімді әскери қызметке шақырылған азаматтарға банктік қарыздар мен микрокредиттер бойынша төлемді кейінге қалдыру тәртібі туралы еске салады.
Төлемді кейінге қалдыру мерзімді қызметтің барлық кезеңіне және ол аяқталғаннан кейін тағы күнтізбелік 60 күнге автоматты түрде беріледі.
Төлемдік кейінге қалдыру кезеңінде негізгі борыш пен сыйақы бойынша төлемдер тоқтатыла тұрады. Бұл ретте кейінге қалдыру кезеңі үшін сыйақы есептелмейді.
Банкке немесе микроқаржы ұйымына (МҚҰ) жеке жүгіну, өтініш беру, әскери комиссариаттан анықтама беру не кредиттік шартқа қосымша келісімге қол қою талап етілмейді.
Мерзімді қызметке шақыру және одан босату туралы мәліметтер Қорғаныс министрлігінің, кредиттік бюролардың және қаржы ұйымдарының ақпараттық өзара іс-қимылы шеңберінде кредиторларға беріледі.
Төлемді кешіктіру әскерге шақырғанға дейін болса, не істеу керек?
Өндіріп алу рәсімдері басталған берешекке қатысты заңнамада белгіленген жағдайларда мерзімді қызметті өткеру кезеңіне тиісті рәсімдерді тоқтата тұру да көзделген.
Әскери қызмет аяқталғаннан кейін берешек сақталады. Сондықтан әскерге шақырылғанға дейін кредиттік міндеттемелеріңіздің жай-күйін тексеріп, қажет болған жағдайда оларды реттеу бойынша шаралар қабылдау ұсынылады.
Мерзімді қызмет кезінде жаңа кредиттер берілмейді
2025 жылғы 31 тамыздан бастап мерзімді қызметтің әскери қызметшілеріне жаңа банктік қарыздар мен микрокредиттер беруге тыйым салынады. Өтінімді қарау кезінде банк немесе МҚҰ кредиттік бюро арқылы азаматтың мәртебесін тексереді. Кредиттік есепте мерзімді қызметті өткеру туралы ақпарат болған кезде кредитор жаңа қарыз немесе микрокредит бермейді.
Төлемді автоматты түрде кейінге қалдыру тетігі 2024 жылғы тамыз айынан бастап қолданылатынын еске саламыз. «Мемлекеттік кредиттік бюро» АҚ-тың деректері бойынша 2024 жылғы тамыздан бастап 2026 жылғы 1 маусымға дейін жалпы сомасы 23,5 млрд теңгеге қарыздар бойынша мерзімді қызметтің 82,1 мың әскери қызметшісінің төлемдері кейінге қалдырылды.
2026 жылғы бірінші жартыжылдықтда 30 мың әскери қызметшінің жалпы сомасы 7,5 млрд теңгеге қарыздары бойынша төлемдері кейінге қалдырылды.
Әскерге шақырар алдында әскери қызметшілерге барлық кредиттік міндеттемелер туралы ақпараттың бар-жоғын және өзектілігін тексеру үшін кредиттік есебін тексеру ұсынылады.
Маңызды: Төлемді кейінге қалдыру берешекті есептен шығаруды білдірмейді. Белгіленген кезең аяқталғаннан кейін кредит бойынша міндеттемелер сақталады және қарыз алушы оларды орындауды жалғастыруы керек.
Барынша пайдалы материал Fingramota.kz.сайтында қолжетімді.
Сыртқы коммуникациялар басқармасы
Касенов Канат Маратович «Нұрбанк» АҚ басқарма мүшесі лауазымына келісілді (12.10.2026 ж. №73/БВУ/Т хаттама).
Санжар Еркебайұлы Жамалов «Отбасы банк» АҚ Директорлар кеңесінің төрағасы қызметіне бекітілді (15.10.2026 ж. №74/БВУ/T хаттама).
2026 жылғы 13 – 16 қазан аралығында Қазақстан Республикасы Қаржы нарығын реттеу және дамыту агенттігінің Төрағасы Мәдина Әбілқасымова бастаған делегациясы Бангкок қаласында (Таиланд) Халықаралық валюта қорының (ХВҚ) және Дүниежүзілік банк (ДБ) Тобының Жыл сайынғы кездесулеріне қатысты.
Қатысу бағдарламасы қаржы секторын дамыту, қаржылық тұрақтылық, макроэкономикалық даму және өңірлік ынтымақтастық мәселелеріне арналған екіжақты кездесулер мен көпжақты пікірталастар сериясын қамтыды.
Агенттік басшысы ХВҚ-ның Кавказ, Орталық Азия және Моңғолия үшін әлеуетін дамытудың өңірлік орталығының (CCAMTAC) 2027-2032 жылдарға арналған қызметтің екінші бағдарламалық кезеңіне дайындыққа арналған кездесуіне қатысты. Қатысушылар жаңа техникалық көмек бағдарламасының негізгі бағыттарын, сондай-ақ білім беру жобаларын талқылады.
ХВҚ басқарушы директоры Кристалина Георгиевамен кездесу өтті. Тараптар Қазақстанның қаржы секторының ағымдағы жай-күйін, оны одан әрі дамыту перспективалары мен реформалау бағыттарын, қаржылық тұрақтылық пен екіжақты өзара іс-қимыл мәселелерін талқылады. Агенттік Төрағасы Банктер туралы жаңа заңды әзірлеу аясында ХВҚ-ның сындарлы ынтымақтастығы мен техникалық көмегін атап өтті.
Мәдина Әбілқасымова ХВҚ басқарушы директорының орынбасары Бо Лидің қатысуымен Кавказ және Орталық Азия елдерінің министрлері мен орталық банктері басшыларының кездесуіне қатысты. Тараптар өңірлік интеграция үшін орнықты қаржы секторының маңыздылығын, банктерді реттеуді жетілдіруді және озық қадағалау практикаларын енгізуді талқылады.
ХВҚ өкілдерімен кездесулер барысында капитал нарығында және сақтандыру секторында тәуекелге бағдарланған толыққанды қадағалауды енгізу мәселесі де қаралды. Тараптар секторларды реформалауға бағытталған капитал нарығы және сақтандыру туралы жаңа заңдарды әзірлеу кезіндегі одан әрі сараптамалық өзара іс-қимылды талқылады.
ХВҚ-ға мүше елдер мен Дүниежүзілік банктің Швейцариялық тобының отырысында швейцариялық кіші топ елдерінің экономикалық дамуы қаралды. Жаңа сын-тегеуріндерге қарсы іс-қимыл шаралары, сондай-ақ ЖИ дамуы және оның осы аймақтағы экономикалық процестерге әсер ету деңгейі талқыланды.
Жыл сайынғы кездесулер аясында Агенттік Төрағасы Еуропа Қайта құру және даму банкінің (ЕҚДБ) Президенті Одиль Рено-Бассомен кездесу өткізді. Қазақстанның қаржы нарығында іске асырылған ауқымды заңнамалық және реттеушілік қайта құрулардың негізгі нәтижелері талқыланды. Капитал нарығын және сақтандыру секторын дамытудың дайындалған бағдарламаларының негізгі бағыттарына, сондай-ақ аталған салаларда жоспарланған заңнамалық бастамаларға ерекше назар аударылды.
ЕҚДБ-ның капитал нарығы мен сақтандыру нарығын реттейтін жаңа заңдар шеңберінде халықаралық стандарттар мен үздік халықаралық практикаларды енгізудегі маңызды рөлі атап өтілді.
Агенттік Төрағасының орынбасары Нұржан Тұрсынханов Ұлттық Банк басшылығымен бірлесіп JP Morgan және Citibank алаңдарында бірқатар кездесулер өткізді. Мемлекет басшысының тапсырмасын орындау үшін Агенттік Ұлттық Банкпен бірлесіп әзірлеген Капитал нарығын дамытудың 2030 жылға дейінгі бағдарламасының негізгі бағыттары ұсынылды. Бағдарлама бизнес үшін қаржыландыру тарту мүмкіндіктерін кеңейтуге, бағалы қағаздарға орнықты ішкі сұранысты қалыптастыруға, нарықтың өтімділігін арттыруға және инвесторларды қорғауды күшейтуге бағытталған.
BigTech and Ecosystems үшінші Еуразиялық дөңгелек үстелі өтті. Өңірдегі BigTech даму үрдістері, оның ішінде цифрлық экожүйелерді реттеу және олардың орнықтылығын қамтамасыз ету тәсілдері қарастырылды. Ірі банк топтарының азаматтар мен бизнестің цифрлық өнімдерге қолжетімділігін кеңейте отырып, қаржылық көрсетілетін қызметтерді, электрондық сауда мен күнделікті сервистерді біріктіретіні атап өтілді.
S&P, Fitch және Moody's рейтингтік агенттіктерінің өкілдерімен кездесулер өткізілді, банк секторын дамытудың ағымдағы көрсеткіштері талқыланды және қаржы секторын реформалаудың негізгі бағыттары белгіленді.
Мәдина Әбілқасымова Халықаралық бағалы қағаздар жөніндегі комиссиялар ұйымының (IOSCO) Бас хатшысы Родриго Буэнавентурамен кездесті. Тараптар Қазақстанның капитал нарығын дамыту перспективаларын, заңнаманы жетілдіруді және реттеудің халықаралық стандарттарын енгізу саласындағы одан әрі ынтымақтастықты талқылады.
Сондай-ақ Қазақстан, Түркия және Өзбекстан бойынша Халықаралық қаржы корпорациясының (IFC) өңірлік директоры Лиза Кестнермен, сондай-ақ Швейцария Ұлттық банкінің Төрағасы Мартин Шлегельмен келіссөздер өтті.
Агенттік делегациясының ХВҚ мен Дүниежүзілік банктің дәстүрлі Жыл сайынғы кездесулеріне қатысуы халықаралық ынтымақтастықты нығайтуға, қаржы секторындағы реформаларды ілгерілетуге және халықаралық институттар мен инвесторлардың тарапынан ұлттық қаржы жүйесіне деген сенімін арттыруға ықпал етеді.
Сыртқы коммуникациялар басқармасы
Агенттікпен бағалы қағаздар нарығындағы басшы қызметкерлері келісілді:
Халықаралық валюта қоры мен Дүниежүзілік банк тобының Бангкокта (Таиланд) өткен Жыл сайынғы кездесулері аясында Қазақстан Республикасы Қаржы нарығын реттеу және дамыту агенттігінің Төрағасы Мәдина Әбілқасымова «Жеке капиталды тарту үшін ішкі капитал нарықтарын дамыту: реттеушілер мен нарыққа қатысушылардың көзқарасы» (Deepening Domestic Capital Markets to Unlock Private Capital: High-Level Roundtable on Policy and Market Perspectives) атты жоғары деңгейдегі дөңгелек үстелге қатысты.
Іс-шараға қатысушылар экономиканы ұзақ мерзімді қаржыландыруды кеңейту, институционалдық инвесторлар базасын нығайту және ішкі нарықтарға жеке капитал тарту үшін қолайлы жағдайлар жасау шараларын талқылады.
Агенттік Төрағасы өз сөзінде капитал нарығын дамыту үшін институционалдық инвесторлардың орнықты базасын қалыптастыру қажет екенін атап өтті. Жеке басқарушы компаниялардың зейнетақы активтерін басқаруға қатысуын кеңейту инвестициялық стратегияларды әртараптандыруға және отандық бизнесті ұзақ мерзімді қаржыландыру мүмкіндіктерін арттыруға мүмкіндік береді.
Мемлекеттік бағалы қағаздар бойынша сенімді кірістілік деңгейін қалыптастыруға ерекше назар аударылды. Ол ішкі нарықтағы қарыз алу құнын бағалаудың негізгі бағдары болып табылады. Табиғи ресурстарға бай елдер үшін мемлекеттік қарыз қаражатына деген қажеттілік шектеулі болған жағдайда да бұл міндет өзектілігін сақтайды. Ұзақ мерзімді мемлекеттік облигацияларды тұрақты шығару корпоративтік эмитенттер мен инвесторлар үшін баға бағдарларын қалыптастыруға ықпал етеді.
Агенттік Төрағасы шетелдік инвестицияларды тарту үшін макроэкономикалық тұрақтылықты, болжамды реттеушілік ортаны және сенімді инфрақұрылымды қамтамасыз етудің маңыздылығын атап өтті. Қазақстанда орталық контрагентті қоса алғанда, заманауи нарық инфрақұрылымының негізгі элементтері қалыптастырылған. Халықаралық есеп айырысу байланыстарын одан әрі дамыту, оның ішінде Euroclear жүйесіне қосылу жөніндегі жоспар шетелдік инвесторлардың қазақстандық қаржы құралдарына қол жеткізу мүмкіндіктерін кеңейтуге бағытталған.
Отандық компаниялардың капитал нарығына шығуын ынталандыру мәселесі де талқыланды. Нарықтық инфрақұрылым мен реттеушілік базаның қалыптасқанына қарамастан, корпоративтік қаржы құралдары ұсынысының жеткіліксіздігі негізгі шектеулердің бірі болып отыр. Компаниялар акциялар мен облигациялар орналастыруға қарағанда, банктік кредиттерді пайдалануды әлі де басым көреді.
Капитал нарығы қазақстандық компаниялар үшін ұзақ мерзімді қаржыландырудың толыққанды көзіне айналуға тиіс екені атап өтілді. Ол үшін қор биржасына шығуды, бизнестің ашықтығын арттыруды және акциялар мен облигациялар шығару арқылы қаражат тартуды жеке сектор үшін тартымды ететін жағдайлар қалыптастыру маңызды.
Осыған байланысты Агенттік Дүниежүзілік банкпен және Халықаралық қаржы корпорациясымен (IFC) бірлесіп, Қазақстанның орта және ірі жеке компанияларын IPO-ға дайындау жұмыстарын жүргізуде. Сонымен қатар отандық эмитенттер үшін облигациялық қаржыландырудың тартымдылығын арттыру шаралары қарастырылуда.
Сыртқы коммуникациялар басқармасы
Халықаралық валюта қоры мен Дүниежүзілік банк тобының Бангкок қаласында (Таиланд) өткен жыл сайынғы кездесулері аясында Қазақстан Республикасы Қаржы нарығын реттеу және дамыту агенттігінің Төрағасы Мәдина Әбілқасымова Бағалы қағаздар жөніндегі комиссиялардың халықаралық ұйымының (IOSCO) Бас хатшысы Родриго Буэнавентурамен кездесу өткізді.
Тараптар Қазақстанның капитал нарығын дамыту перспективаларын, заңнаманы жетілдіру және реттеудің халықаралық стандарттарын енгізу саласындағы одан әрі ынтымақтастық мәселелерін талқылады.
Кездесу барысында отандық қор нарығын дамытудың негізгі нәтижелері мен алдағы жылдарға арналған басым міндеттер таныстырылды.
2026–2030 жылдарға арналған Капитал нарығын дамыту бағдарламасының жобасына және «Капитал нарығы туралы» жаңа Заң жобасына ерекше назар аударылды. Жоспарланған реформалардың негізгі бағыттарына нарықтық инфрақұрылымды жетілдіру, нарықтың ашықтығын арттыру және инвесторлардың құқықтарын қорғауды күшейту кіреді.
Сондай-ақ цифрлық қаржы активтерін, оның ішінде токендендірілген құралдарды реттеу тәсілдері қарастырылды. Реттеудің негізгі қағидаты — қолданылатын технологияларға қарамастан, қызмет түрлері мен тәуекелдері ұқсас салаларға бірыңғай тәсілді қолдану.
Тараптар реттеу мен қадағалау жүйесін жетілдіру, инвесторлардың сенімін арттыру және Қазақстанның капитал нарығын орнықты дамыту мақсатында IOSCO-мен одан әрі ынтымақтастық орнату мен тәжірибе алмасудың маңыздылығын баса атап өтті.
Сыртқы коммуникациялар басқармасы