«Болашақ» халықаралық стипендиясы Қазақстан Республикасының Тұңғыш Президенті Н.Ә. Назарбаевтың 1993 жылғы 5 қарашадағы Жарлығымен құрылған.
«Болашақ» бағдарламасы қазақстандықтарға шетелдік компаниялар мен университеттерде академиялық білім алуға (бакалавриат, магистратура, резидентура, докторантура), сондай-ақ тағылымдамадан өтуге бірегей мүмкіндік береді. «Болашақ» халықаралық стипендиясы жеке берілетінін және бір рет қана тағайындалатынын ескеру маңызды: тағылымдамадан өту үшін, әрбір академиялық дәрежені (бакалавр, магистр, философия докторы (PhD), бейіндік доктор) алу үшін, резидентурада оқу үшін.
Сондықтан барлық бағыттар мен іріктеу критерийлерін мұқият зерттеу өте маңызды. Бұл материал сізге дұрыс таңдау жасауға көмектеседі деп үміттенеміз.
«Болашақ» халықаралық стипендиясы аясында ҚР азаматтары келесі бағдарламалар бойынша оқуға түсе алады: бакалавриат, магистратура, резидентура, докторантура және тағылымдамадан өту.
Аталған білім беру бағдарламаларына төмендегілер үміткер бола алады:
Тағылымдамадан өту санаттары:
– Инженерлік-техникалық қызметкерлер, агроөнеркәсіп кешені саласының қызметкерлері;
– Жасанды интеллект жүйесін пайдаланушылар;
– Мектепке дейінгі, орта, техникалық және кәсіптік білім беру ұйымдарының педагогтары, жоғары және (немесе) жоғары оқу орнынан кейінгі білім беру ұйымдарының педагогтары мен қызметкерлері;
– Медициналық қызметкерлер;
– Мемлекеттік қызметшілер;
– Бұқаралық ақпарат құралдарының қызметкерлері;
– Мәдениет, туризм және спорт саласының қызметкерлері;
– Судьялар және сот қызметкерлері;
– Атом саласының қызметкерлері.
Аталған әрбір санат белгілі бір талаптармен сипатталады.
«Бакалавр дәрежесін алуға өз бетінше түскен үміткерлер» санаты бойынша талаптар:
– тізімге енгізілген жетекші шетелдік жоғары оқу орнына академиялық оқуға (қаржылық шарттарды қоспағанда) сөзсіз қабылдануы;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– соңғы 3 жыл ішінде алынған жалпы білім беретін пәндер бойынша халықаралық олимпиадалардың I, II және III дәрежелі дипломдарының, ғылыми жобалар бойынша халықаралық конкурстардың және орындаушылардың халықаралық конкурстарының дипломдарының болуы (олардың тізбесі Республикалық комиссиямен айқындалады), бұл ретте таңдалған мамандық олимпиада немесе конкурс пәніне сәйкес келуі тиіс.
«Магистр дәрежесін алуға өз бетінше түскен үміткерлер» санаты бойынша талаптар:
– тізімге енгізілген ұсынылатын шетелдік жоғары оқу орнынан қаржылық шарттарды қоспағанда, сөзсіз шақырудың (қабылдау хатының) болуы;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– бакалавр немесе маман дипломының қосымшасы бойынша орташа балл ескерілмейді.
«Магистр дәрежесін алуға ауылдық елді мекеннен келген үміткерлер» санаты бойынша талаптар:
– Қазақстан Республикасының ауылдық елді мекенінде тіркелген және соңғы 2 жыл бойы сол жерде еңбек қызметін атқарып жүрген болуы;
– бакалавр немесе маман дипломының қосымшасы бойынша орташа балл GPA 3.00-ден (4.00/4.33-тен) төмен болмауы немесе 5.00-ден 4.00 болуы керек;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– шет тілі бойынша емтихан тапсырғаны туралы сертификаттың болуы, ол белгіленген ең төменгі талаптарға сәйкес келуі;
– бакалавр/маман дипломы бойынша мамандықтың таңдалған мамандыққа туыстас мамандықтар тізбесіне сәйкес келуі.
«Магистр дәрежесін алуға инженерлік-техникалық қызметкерлер» санаты бойынша талаптар:
– бакалавр немесе маман дипломының қосымшасы бойынша орташа балл GPA 3.00-ден (4.00/4.33-тен) төмен болмауы немесе 5.00-ден 4.00 болуы керек;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– шет тілі бойынша емтихан тапсырғаны туралы сертификаттың болуы, ол белгіленген ең төменгі талаптарға сәйкес келуі;
– бакалавр/маман дипломы бойынша мамандықтың таңдалған мамандыққа туыстас мамандықтар тізбесіне сәйкес келуі.
Магистр дәрежесін алуға инженерлік-техникалық қызметкер – өндірістік процесті (өндіріс, дайындау, сақтау, тасымалдау, өңдеу/қайта өңдеу) ұйымдастыру және басқаруды жүзеге асыратын, жоғары техникалық білімі бар (оның ішінде ақпараттық-коммуникациялық технологиялар саласында), сондай-ақ ұйымда тікелей өндірістік қызмет атқаратын жеке тұлға. «Болашақ» стипендиясы аясында техникалық бағыттағы мамандықтар бойынша оқу үшін таңдалған мамандық саласындағы жалпы жұмыс өтілі кемінде 1 жыл болуы тиіс.
«Магистр дәрежесін алуға медициналық қызметкерлер» санаты бойынша талаптар:
– бакалавр немесе маман дипломының қосымшасы бойынша орташа балл GPA 3.00-ден (4.00/4.33-тен) төмен болмауы немесе 5.00-ден 4.00 болуы керек;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– шет тілі бойынша емтихан тапсырғаны туралы сертификаттың болуы, ол белгіленген ең төменгі талаптарға сәйкес келуі;
– бакалавр/маман дипломы бойынша мамандықтың таңдалған мамандыққа туыстас мамандықтар тізбесіне сәйкес келуі.
Магистр дәрежесін алуға медициналық қызметкер – медициналық бағыттағы мамандықтар бойынша магистр дәрежесін алуға үміткер тұлға. Ол конкурсқа құжат тапсыру сәтінде медициналық ұйымдарда еңбек қызметін атқарып, тікелей медициналық көмек көрсететін, жоғары медициналық білімі бар және жалпы медициналық еңбек өтілі кемінде 1 жыл болатын жеке тұлға.
«Магистр дәрежесін алуға мемлекеттік қызметшілер» санаты бойынша талаптар:
– бакалавр немесе маман дипломының қосымшасы бойынша орташа балл GPA 3.00-ден (4.00/4.33-тен) төмен болмауы немесе 5.00-ден 4.00 болуы керек;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– шет тілі бойынша емтихан тапсырғаны туралы сертификаттың болуы, ол белгіленген ең төменгі талаптарға сәйкес келуі;
– бакалавр/маман дипломы бойынша мамандықтың таңдалған мамандыққа туыстас мамандықтар тізбесіне сәйкес келуі.
Магистр дәрежесін алуға мемлекеттік қызметші – магистр дәрежесін алуға үміткер тұлға, ол конкурсқа құжат тапсыру сәтінде мемлекеттік қызметші болып табылады (саяси мемлекеттік қызметшілерді қоспағанда) және мемлекеттік қызметтегі жалпы еңбек өтілі кемінде 3 жыл болуы тиіс, оның ішінде соңғы 12 айы жолдаушы мемлекеттік органда жұмыс істеуі қажет.
«Магистр дәрежесін алуға атом саласының қызметкерлері» санаты бойынша талаптар:
– бакалавр немесе маман дипломының қосымшасы бойынша орташа балл GPA 3.00-ден (4.00/4.33-тен) төмен болмауы немесе 5.00-ден 4.00 болуы керек;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– шет тілі бойынша емтихан тапсырғаны туралы сертификаттың болуы, ол белгіленген ең төменгі талаптарға сәйкес келуі;
– бакалавр/маман дипломы бойынша мамандықтың таңдалған мамандыққа туыстас мамандықтар тізбесіне сәйкес келуі.
Магистр дәрежесін алуға атом саласының қызметкері – мемлекеттік атом энергиясын реттеу ұйымдарында, жер қойнауын пайдалану (уранды барлау және өндіру), атом өнеркәсібі саласындағы ұйымдарда, сондай-ақ атом энергетикасы саласындағы инженерлік ізденістер, техникалық кеңес беру, ғылыми зерттеулер жүргізетін ұйымдарда еңбек қызметін жүзеге асыратын жеке тұлға. Сондай-ақ бұл санатқа атом энергетикасы инфрақұрылымын және базалық қондырғыларды жобалау, салу және пайдалану, перспективалы технологиялар мен өндірістерді дамыту және енгізу, атом энергетикасы саласына инвестициялар тартумен айналысатын ұйымдар, сондай-ақ радиофармацевтикалық препараттар, радиоактивті изотоптар мен көздерді өндіретін, электрондық үдеткіштер негізінде радиациялық технологияларды қолданатын, ядролық-физикалық талдау әдістерін әзірлейтін және пайдаланатын ұйымдар кіреді. Жалпы еңбек өтілі кемінде 3 жыл болуы тиіс, оның ішінде құжат тапсыру сәтінде таңдалған мамандық саласында соңғы 6 айда нақты жұмыс істеген болуы қажет. Бұл талаптар «Болашақ» стипендиясы аясында академиялық оқу және тағылымдамадан өту үшін қойылады.
«Доктор дәрежесін алу және резидентурада оқу үміткерлері» санаты бойынша талаптар:
– тізімге енгізілген ұсынылатын шетелдік жоғары оқу орнынан қаржылық шарттарды қоспағанда, сөзсіз шақырудың болуы;
– докторантура бағдарламасы бойынша оқу үшін жетекші шетелдік жоғары оқу орнымен келісілген жеке оқу жоспарының болуы;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– атом саласының қызметкерлері үшін философия докторы (PhD), бейіндік доктор дәрежесін алу мақсатында – жұмыс орнын сақтау шартымен маман даярлауға жұмыс берушінің өтінімінің болуы.
««Болашақ» бағдарламасы бойынша тағылымдамадан өту үміткерлері» санатына қойылатын талаптар:
– тағылымдаманы қабылдайтын шетелдік ұйымнан қаржылық шарттарды қоспағанда, сөзсіз шақырудың болуы;
– шет тілі бойынша емтихан тапсырғаны туралы сертификаттың болуы, ол белгіленген ең төменгі талаптарға сәйкес келуі;
– мемлекеттік тіл бойынша емтихан тапсырғаны туралы сертификаттың болуы, нәтижесі кемінде В1 деңгейінен төмен болмауы;
– жалпы еңбек өтілі кемінде 3 жыл болуы, оның ішінде таңдалған мамандық саласында соңғы 12 айда жұмыс істеуі;
– «Жасанды интеллект жүйесін пайдаланушылар» және «Атом саласының қызметкерлері» санаттары үшін – жалпы еңбек өтілі кемінде 3 жыл, оның ішінде таңдалған мамандық саласында соңғы 6 айда жұмыс істеуі.
Оқу үшін мамандық пен оқу орнын таңдау үшін сізге:
Бағдарламаға Қазақстан Республикасының кез келген азаматы қатыса алады, ол келесі мақсаттардың біріне үміткер бола алады: бакалавр, магистр, философия докторы (PhD), бейіндік доктор дәрежесін алу, резидентурада оқу және тағылымдамадан өту.
Құжаттарды қабылдау мерзімдері мен конкурс іріктеуін өткізу туралы ақпарат www.bolashak.gov.kz ресми сайтында орналастырылады.
Конкурс 3 турдан тұрады.
Бірінші және екінші турларды Қазақстан Республикасының ұйымдарымен және сарапшыларымен бірлесіп Әкімші ұйымдастырады және өткізеді.
Бірінші турда кешенді тестілеу өткізіледі, ол келесі турға жіберілетін іріктеу туры болып табылады. Бірінші турда жұмыс органы белгілеген шекті балды жинамаған үміткер екінші турға қатысуға жіберілмейді.
Екінші тур үміткерлердің тәуелсіз сараптамалық комиссия мүшелерімен дербес анонимді әңгімелесуін ұйымдастыру арқылы өткізіледі. Тәуелсіз сараптамалық комиссияның құрамын, жұмыс тәртібі мен оны ұйымдастыруды Жұмыс органы – Қазақстан Республикасының ғылым және жоғары білім министрлігі бекітеді.
Екінші турда үміткердің кәсіптік дайындық деңгейі, теориялық білімі және таңдаған мамандану саласы бойынша кәсіптік құзыреттерінің болуы анықталады.
Жұмыс органы үміткерлердің материалдарын үшінші турға енгізеді, онда олар шетелде кадрларды даярлау жөніндегі Республикалық комиссияның қарауына ұсынылады. Бұл қарау кешенді тестілеу нәтижелерін, Тәуелсіз сараптамалық комиссияның ұсынымдарын, сондай-ақ жұмыс органы бекіткен конкурстық іріктеудің саралау кестесіне сәйкес жүргізілген саралауды қамтиды.
Республикалық комиссия бірінші және екінші кезеңдердің нәтижелерін қарайды және «Болашақ» стипендиясын беру не беруден бас тарту туралы түпкілікті шешім қабылдайды, ол туралы үміткерге ақпаратты Әкімшінің ресми интернет-ресурсында 3 (үш) жұмыс күні ішінде орналастыру арқылы хабарланады.
Сізге «Болашақ» стипендиясын тағайындау туралы Республикалық комиссия шешім қабылдаған күннен бастап 90 күнтізбелік күн ішінде «Халықаралық бағдарламалар орталығы» АҚ-мен оқыту/ тағылымдама туралы келісім жасайсыз.
Келісім оқытуды / тағылымдаманы ұйымдастыруға арналған барлық шығындарды төлеуге байланысты қаражат аудару үшін негіз болып табылады.
Оқу/тағылымдамадан өту және кепіл туралы келісім-шарт жасасу үшін Сіз «Халықаралық бағдарламалар орталығы» АҚ-ның Нормативтік құқықтық және шарттық қамтамасыз ету басқармасына келуіңіз керек (Астана қаласы, Сығанак көшесі, 70, 5 қабат).
Сізде келесі құжаттар болуы керек:
Оқу туралы шартта көзделген міндеттемелердің орындалуын қамтамасыз ету мақсатында Стипендиат кепіл ретінде бағалау құны Стипендиаттың оқуына жұмсалатын жалпы шығыннан кем болмайтын жылжымайтын мүлікті ұсынады. Жылжымайтын мүлікті кепілге қою туралы шарт Қоғам мен жылжымайтын мүлік иесі арасында жасалады.
Бұл ретте «Болашақ» халықаралық стипендиясы тағайындалған күннен бастап Стипендиаттың және (немесе) оның жақын туыстарының шарттық міндеттемелердің орындалуын қамтамасыз ету ретінде ұсынылған жылжымайтын мүлікті иеліктен шығаруға жол берілмейді.
Жылжымайтын мүлікті кепілге қою туралы шарттың нысанасы – құқықты тіркеуге ешқандай шектеулер мен ауыртпалықтар қойылмаған, меншік құқығы тіркелген кез келген жылжымайтын мүлік болып табылады.
Бұл ретте жылжымайтын мүліктің салынған жылы кепіл шартын жасасу күніне қарай 50 жылдан аспауы тиіс.
Жылжымайтын мүлікті кепілге қою туралы шартты жасасу келесі құжаттар тізбесіне сәйкес жүзеге асырылады:
– жылжымайтын мүлік иесінің (кепіл берушінің) жеке басын куәландыратын құжат (түпнұсқа және көшірме). Түпнұсқа салыстырып тексерілгеннен кейін иесіне қайтарылады;
– әділет органдары берген жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама;
– егер кепілге ұсынылатын жылжымайтын мүліктің құны оқу шартының сомасын жаппайтын жағдайда, Стипендиаттың және оның барлық отбасы мүшелерінің (ата-анасы, жұбайы, балалары) Қазақстан Республикасының бүкіл аумағы бойынша жылжымайтын мүліктің болуы (болмауы) туралы әділет органынан анықтамалар;
– жылжымайтын мүлікті бағалау туралы есеп (кепіл шарты жасалған сәтке дейін 6 айдан ерте емес мерзімде берілген), бағалау қызметін жүзеге асыруға лицензиясы бар кез келген тәуелсіз бағалаушы берген (түпнұсқа);
– егер жылжымайтын мүлік сатып алынған кезде меншік иесі некеде болған жағдайда, меншік иесінің жұбайының (зайыбының) жылжымайтын мүлікті кепілге беруге және оны соттан тыс өткізуге келісімі туралы нотариалды куәландырылған өтініші, сондай-ақ неке қию туралы куәліктің нотариалды куәландырылған көшірмесі және меншік иесінің жұбайының (зайыбының) жеке басын куәландыратын құжаттың көшірмесі;
– егер жылжымайтын мүлік сатып алынған кезде меншік иесі некеде болмаған жағдайда, жылжымайтын мүлікті сатып алу кезіндегі отбасылық жағдайы туралы нотариалды куәландырылған өтініш;
– егер жылжымайтын мүлік сатып алынған кезде меншік иесі некеде болған, бірақ кепіл шартын жасасу сәтінде некеде тұрмайтын (ажырасқан) жағдайда – азаматтық хал актілерін тіркеу органдарының (АХАТ) некені бұзу туралы куәлігі (нотариалды куәландырылған көшірме), сондай-ақ меншік иесінің қазіргі уақытта некеде тұрмайтыны туралы нотариалды куәландырылған өтініші;
– егер жылжымайтын мүлік иелерінің бірі кәмелетке толмаған болса, онда жылжымайтын мүлікке қатысты мәміле жасауға қорғаншылық және қамқоршылық органдарының жазбаша келісімі, кәмелетке толмаған меншік иесінің туу туралы куәлігі, сондай-ақ егер оның атынан қорғаншы/қамқоршы әрекет етсе, кәмелетке толмаған меншік иесінің заңды өкілі мәртебесін растайтын құжаттар ұсынылады. 14 жасқа толмаған кәмелетке толмаған меншік иесінің атынан жылжымайтын мүлік кепілі туралы шарт жоғарыда көрсетілген талаптар сақталған жағдайда оның ата-анасы/асырап алушылары/қорғаншылары арқылы қол қойылады. 14 пен 18 жас аралығындағы кәмелетке толмаған меншік иелері жылжымайтын мүлікті кепілге қою туралы шартты ата-анасының/асырап алушыларының/қамқоршыларының жазбаша келісімімен өздері жасайды;
– ата-анасының/асырап алушыларының/қамқоршыларының келісімі кәмелетке толмаған меншік иесінің қолының жанында жылжымайтын мүлікті кепілге қою туралы шартта олардың қол қоюы арқылы расталады;
– егер жылжымайтын мүлікті кепілге қою туралы шарт сенімхат негізінде жасалса, меншік иесінің жылжымайтын мүлікті кепілге беруге және оны соттан тыс өткізу құқығын беруге келісімі туралы нотариалды куәландырылған өтініші ұсынылады.
Егер оқу құнын жабатын ауыртпалығы жоқ жылжымайтын мүлік болмаған жағдайда немесе оның құны жеткіліксіз болса, Стипендиаттың, оның отбасы мүшелерінің (ата-анасы, жұбайы, балалары), сондай-ақ үшінші тұлғалардың меншігіндегі ауыртпалығы жоқ барлық жылжымайтын мүлік кепілге қабылданады.
Егер Стипендиаттың академиялық оқуына жұмсалатын жалпы шығындар кепіл мүліктің құнымен толық өтелмеген жағдайда, қамтамасыз етілмеген қалған сомаға кепілдік шарты жасалады.
Қамтамасыз ету сомасының мөлшеріне байланысты кепілгерлер саны төмендегідей анықталады:
– оқу құнының жетпіс пайыздан астамы кепілмен қамтамасыз етілген жағдайда – бір кепілгер;
– оқу құнының елу мен жетпіс пайыз аралығы кепілмен қамтамасыз етілген жағдайда – екі кепілгер;
– оқу құнының отыз бен елу пайыз аралығы кепілмен қамтамасыз етілген жағдайда – үш кепілгер;
– оқу құнының отыз пайыздан аз бөлігі кепілмен қамтамасыз етілген жағдайда – төрт кепілгер.
Академиялық оқуға жіберілетін, соңғы 3 жыл бойы ауылдық елді мекендерде тұратын және соңғы 2 жыл бойы ауылдық елді мекендерде жұмыс істейтін Стипендиаттар үшін шарттық міндеттемелердің орындалуын қамтамасыз ету ретінде оқу құнының кепілмен жабылу пайызына қарамастан екі кепілгер ұсынылады.
Стипендиаттың, оның отбасы мүшелерінің (ата-анасы, жұбайы, балалары) меншігінде ауыртпалығы жоқ жылжымайтын мүлік болмаған жағдайда, оқу туралы шартта көзделген міндеттемелердің орындалуын қамтамасыз ету мақсатында Стипендиат бес кепілгер ұсынады.
Тағылымдамадан өтуге жіберілетін Стипендиаттар міндеттемелердің орындалуын қамтамасыз ету мақсатында екі кепілгер ұсынады.
Кепілгер ретінде Қазақстан Республикасының 50 жасқа толмаған азаматы танылады, ол соңғы 12 күнтізбелік ай ішінде тұрақты табысқа ие болуы тиіс, бұл жұмыс берушінің анықтамаларымен және зейнетақы аударымдарының төленгенін растайтын құжаттармен (оның ішінде зейнетақы қорынан үзінді көшірмемен) расталады.
Кепіл шарты жасасу үшін келесі құжаттар қажет:
– кепілгердің жеке басын куәландыратын құжат (нотариалды куәландырылған көшірме);
– кепілгердің жұмыс орнынан берілетін анықтама, онда лауазымы, жұмысқа қабылданған күні және кепіл шарты жасасу күніне дейінгі соңғы 12 күнтізбелік айдағы табысы көрсетілуі тиіс. Кепілгер ретінде өзін-өзі жұмыспен қамтыған азаматтар қатысқан жағдайда: жеке кәсіпкер ретінде мемлекеттік тіркеу туралы куәлік (нотариалды куәландырылған көшірме); кепіл шарты жасасу күніне дейінгі соңғы 12 күнтізбелік айдағы табысын растайтын құжаттар;
– кепіл шарты жасасу күніне дейінгі соңғы 12 күнтізбелік ай ішінде зейнетақы аударымдарының төленгенін растайтын құжаттар (оның ішінде зейнетақы қорынан берілген үзінді көшірме).
Қоғамның кепілінде тұрған жылжымайтын мүліктен ауыртпалықты алып тастау Стипендиат барлық шарттық міндеттемелерін тиісінше орындағаннан кейін жүзеге асырылады.
Шартқа қол қойылғаннан кейін сізге куратормен байланысу қажет: Америка, ТМД және Океания басқармасы (тел. +7 (7172) 76 90 76 (ішкі 120, 121, 122, 123)), Еуропа және Азия басқармасы (тел. +7 (7172) 76 90 76 (ішкі 130, 131, 133, 134)).
Одан әрі кепілдік хатты (КХ) алу үшін өтініш беру қажет — бұл виза алуға және шетелдік оқу орнына демеушілікті растау ретінде ұсынуға қажетті ресми құжат. Кепілдік хат мемлекеттік қызмет болып табылатындықтан, өтінішті жеке өзі Қоғамға немесе сенімхат бойынша уәкілетті тұлға арқылы беруге болады;
Шетелге шыққанға дейін мультивалюталық төлем банктік картасын рәсімдеп, карта-шот туралы мәліметтерді Қаржылық қамтамасыз ету басқармасына жіберу қажет;
Виза алғаннан кейін оның сканерленген көшірмесін кураторға жіберіп, сондай-ақ виза, медициналық сақтандыру, әуе билеттері бойынша шығындарды өтеу және аванстық төлемді рәсімдеу үшін Қаржылық қамтамасыз ету басқармасына +7 (7172) 76 90 76 (ішкі 200, 223) телефоны арқылы хабарласу қажет.
Стипендия Стипендиаттың жеке оқу жоспарына сәйкес, оқу еліндегі нақты орналасқан жері мен оқу, тағылымдамадан өту немесе тілдік курстардан өту кезеңіндегі шығын нормалары бойынша есептеліп тағайындалады. Тұрғын үй мен тамақтануға арналған ай сайынғы төлемдер алдыңғы айдың 25-інен ағымдағы айдың 5-іне дейін жүзеге асырылады;
Оқу еліне келгеннен кейін Стипендиат кураторға Release Form (білім беру ұйымындағы мәртебесі мен академиялық үлгерімі туралы ақпарат беруге рұқсат беру құжаты) және оқу еліндегі өзекті байланыс деректері көрсетілген анкетаны жіберуі қажет;
Оқу басталған күннен бастап 15 күнтізбелік күн ішінде Стипендиат болу еліндегі Қазақстан Республикасының шетелдік мекемесінде есепке тұруы қажет және бұл туралы тіркелген күннен бастап 7 жұмыс күні ішінде Қоғамды хабардар етуі тиіс;
Оқу басталған күннен бастап 60 күнтізбелік күн ішінде Стипендиат Қоғамға бекіту үшін жеке оқу жоспарын ұсынуы қажет. Оқу барысында әрбір оқу орны белгілеген аралық оқу кезеңінің (семестр, триместр немесе оқу жылы) қорытындысы бойынша Қоғамға академиялық үлгерім туралы үзінді, аралық есеп және тағылымдама жетекшісінің пікірін ұсыну қажет.
Оқу аяқталған күннен бастап 30 күн ішінде Қазақстан Республикасына қайтып келу, Қоғамға Қазақстан Республикасына кіргені туралы белгісі бар паспорттың көшірмесін, оқуды аяқтау туралы өтінішті, сондай-ақ бүкіл оқу кезеңі бойынша дәрежені беру туралы диплом мен транскрипттің мемлекеттік немесе орыс тіліне нотариалды куәландырылған аудармаларын ұсыну қажет.
«Болашақ» стипендиясы аясында алынған мамандық бойынша Қазақстан Республикасының аумағында (Қазақстан Республикасынан тыс жерде еңбек қызметін жүзеге асыратын тұлғаларды қоспағанда) оқу/тағылымдамадан өту туралы шартта көрсетілген мерзімдер ішінде үздіксіз еңбек қызметін жүзеге асыру қажет.
Құжаттарды қабылдау және конкурс өткізу мерзімдерін Қазақстан Республикасы Ғылым және жоғары білім министрлігі жыл сайын бекітеді және Қазақстан Республикасының барлық аумағына таралатын Қазақстан Республикасының бұқаралық ақпарат құралдарында құжаттарды қабылдау мерзімі басталғанға дейін күнтізбелік 10 (он) күн бұрын орналастырылады. Егер «Болашақ» стипендиясын алуға үміткер болуды жоспарласаңыз, онда сізге асығыста маңызды сәттерді жіберіп алмас үшін құжаттар пакетін ерте дайындау керек болады. Сонымен, Сізге қажет:
Бакалавр дәрежесін алуға өз бетінше түскен үміткерлер:
– белгіленген нысан бойынша толтырылған анкета;
– жеке куәлік және паспорт;
– жалпы орта, техникалық және кәсіптік немесе орта білімнен кейінгі білім туралы мемлекеттік үлгідегі құжаттың қосымшасымен бірге көшірмесі;
– соңғы 3 жыл ішінде алынған жалпы білім беретін пәндер бойынша халықаралық олимпиадалардың I, II және III дәрежелі дипломдарының, ғылыми жобалар бойынша халықаралық конкурстардың және орындаушылардың халықаралық конкурстарының дипломдарының көшірмесі (олардың тізбесін Республикалық комиссия айқындайды), бұл ретте таңдалған мамандық олимпиада немесе конкурс пәніне сәйкес келуі тиіс;
– белгіленген талаптарға сәйкес келетін нәтижемен қазақ тілі бойынша емтихан тапсырғаны туралы белгіленген нысандағы қолданыстағы ресми сертификат;
– шетелге шығатын тұлғалар үшін 072/у нысаны бойынша денсаулық жағдайы туралы медициналық анықтама;
– академиялық оқуға сөзсіз қабылданғанын (қаржылық шарттарды қоспағанда) растайтын құжаттардың көшірмелері, онда оқу бағдарламасы, мамандығы және оқу мерзімі көрсетілуі тиіс, мемлекеттік немесе орыс тіліне нотариалды куәландырылған аудармасымен бірге;
– кәмелетке толмаған (18 жасқа толмаған) үміткерлер үшін шетелде оқуға жіберуге заңды өкілінің нотариалды келісімінің көшірмесі (ата-анасы, асырап алушы, қорғаншы немесе қамқоршы, патронат тәрбиеші және Қазақстан Республикасының заңнамасына сәйкес баланың құқықтары мен мүдделерін қорғауды, тәрбиелеуді, білім беруді жүзеге асыратын өзге де тұлғалар);
– тізімге енгізілген жетекші шетелдік жоғары оқу орны немесе басқа шетелдік және/немесе қазақстандық ұйымдар тарапынан академиялық оқуға ақысыз негізде қабылданғанын растайтын, оқу ақысын қоса алғанда бүкіл оқу кезеңіндегі шығындардың толық өтелетінін көрсететін құжаттардың көшірмелері (бар болған жағдайда мемлекеттік немесе орыс тіліне нотариалды куәландырылған аудармасымен);
– мотивациялық хат.
Магистр дәрежесін алуға өз бетінше түскен үміткерлер:
– белгіленген нысан бойынша толтырылған анкета;
– жеке куәлік және паспорт;
– бакалавр немесе маман дипломы қосымшасымен бірге, сондай-ақ шетелдік білім беру ұйымында оқыған жағдайда – білім туралы құжатты тану және/немесе нострификациялау туралы куәлік немесе Қазақстан Республикасының «Білім туралы» Заңының 39-бабы 8-тармағында белгіленген ерекшеліктерді ескере отырып, білім туралы құжатты тануды растайтын өзге де құжат;
– мемлекеттік тіл бойынша емтихан тапсырғаны туралы белгіленген үлгідегі қолданыстағы ресми сертификат;
– шетелге шығатын тұлғалар үшін 072/у нысаны бойынша денсаулық жағдайы туралы медициналық анықтама;
– академиялық оқуға сөзсіз қабылданғанын (қаржылық шарттарды қоспағанда) растайтын құжаттардың көшірмелері, онда оқу бағдарламасы, мамандығы және оқу мерзімі көрсетілуі тиіс, мемлекеттік немесе орыс тіліне нотариалды куәландырылған аудармасымен бірге;
– тізімге енгізілген жетекші шетелдік жоғары оқу орнында академиялық оқуда оқитын тұлғалар үшін – шетелдік жоғары оқу орны берген үлгерім туралы ресми құжат/белгіленген үлгідегі анықтама, онда мамандық, курс (оқу жылы), оқу орнында қолданылатын бағалау жүйесі туралы ақпарат және ағымдағы үлгерімнің орташа балы көрсетілуі тиіс, мемлекеттік немесе орыс тіліне нотариалды куәландырылған аудармасымен бірге (бар болған жағдайда);
– мотивациялық хат.
Ауылдық елді мекеннен келген үміткерлер, инженерлік-техникалық қызметкерлер, медициналық қызметкерлер, мемлекеттік қызметшілер, атом саласының қызметкерлері (магистр дәрежесін алу үшін):
– белгіленген нысан бойынша толтырылған анкета;
– жеке куәлік және паспорт;
– бакалавр немесе маман дипломы қосымшасымен бірге, сондай-ақ шетелдік білім беру ұйымында оқыған жағдайда – білім туралы құжатты тану және/немесе нострификациялау туралы куәлік немесе Қазақстан Республикасының «Білім туралы» Заңының 39-бабы 8-тармағында белгіленген ерекшеліктерді ескере отырып, білім туралы құжатты тануды растайтын өзге де құжат;
– Қазақстан Республикасының заңды тұлғасы, оның филиалы немесе өкілдігі (бұдан әрі – жұмыс беруші), үміткер Қазақстан Республикасының аумағында еңбек қызметін жүзеге асыру бойынша еңбек қатынастарында болатын жұмыс беруші тарапынан берілетін электрондық өтінімнің көшірмесі, онда жұмыс орнын сақтау шартымен маман даярлау туралы көрсетіледі (жұмыс органымен бекітілген нысан бойынша) – «мемлекеттік қызметшілер» және «атом саласының қызметкерлері» санаттары бойынша конкурсқа қатысатын үміткерлер үшін;
– еңбек қызметін растайтын құжаттар, сондай-ақ осы Қағидаларда белгіленген талап етілетін еңбек өтілі кезеңі үшін міндетті зейнетақы жарналары аударымдары туралы үзінді көшірме;
– мемлекеттік тіл бойынша емтихан тапсырғаны туралы белгіленген үлгідегі қолданыстағы ресми сертификат, нәтижесі кемінде В1 деңгейінен төмен болмауы;
– шет тілі бойынша емтихан тапсырғаны туралы белгіленген үлгідегі қолданыстағы ресми сертификат, ол белгіленген ең төменгі талаптарға сәйкес келуі;
– шетелге шығатын тұлғалар үшін 072/у нысаны бойынша денсаулық жағдайы туралы медициналық анықтама;
– ауылдық елді мекеннен келген үміткердің тұрғылықты жері туралы мәліметтер, оларды Әкімші тиісті мемлекеттік ақпараттық жүйелер мен деректер базаларынан алады;
– мотивациялық хат.
Доктор дәрежесін алу және резидентурада оқу үміткерлері:
– белгіленген нысан бойынша толтырылған анкета;
– жеке куәлік және паспорт;
– бакалавр немесе маман дипломы қосымшасымен бірге, сондай-ақ шетелдік білім беру ұйымында оқыған жағдайда – білім туралы құжатты тану және/немесе нострификациялау туралы куәлік немесе Қазақстан Республикасының «Білім туралы» Заңының 39-бабы 8-тармағында белгіленген ерекшеліктерді ескере отырып, білім туралы құжатты тануды растайтын өзге де құжат;
– мемлекеттік тіл бойынша емтихан тапсырғаны туралы белгіленген үлгідегі қолданыстағы ресми сертификат;
– шетелге шығатын тұлғалар үшін 072/у нысаны бойынша денсаулық жағдайы туралы медициналық анықтама;
– академиялық оқуға сөзсіз қабылданғанын (қаржылық шарттарды қоспағанда) растайтын құжаттардың көшірмелері, онда оқу бағдарламасы, мамандығы және оқу мерзімі көрсетілуі тиіс, мемлекеттік немесе орыс тіліне нотариалды куәландырылған аудармасымен бірге;
– тізімге енгізілген жетекші шетелдік жоғары оқу орындарында академиялық оқуда білім алатын тұлғалар үшін – шетелдік жоғары оқу орны берген үлгерім туралы ресми құжат/белгіленген үлгідегі анықтама, онда мамандық, курс (оқу жылы), оқу орнында қолданылатын бағалау жүйесі туралы ақпарат және ағымдағы үлгерімнің орташа балы көрсетілуі тиіс, мемлекеттік немесе орыс тіліне нотариалды куәландырылған аудармасымен бірге (бар болған жағдайда).
– тізімге енгізілген жетекші шетелдік жоғары оқу орнымен келісілген және сол оқу орны белгілеген мерзімдерден аспайтын, философия докторы (PhD), бейіндік доктор дәрежесін алу үшін арналған жеке оқу жоспары, мемлекеттік немесе орыс тіліне нотариалды куәландырылған аудармасымен бірге;
– атом саласының қызметкерлері үшін философия докторы (PhD), бейіндік доктор дәрежесін алу мақсатында – жұмыс орнын сақтау шартымен маман даярлауға жұмыс берушінің өтінімінің электрондық көшірмесі.
Тағылымдамадан өту үміткерлері:
– белгіленген нысан бойынша толтырылған анкета;
– жеке куәлік және паспорт;
– жұмыс орнын сақтау шартымен маман даярлау туралы жұмыс берушінің өтінімі;
– бакалавр немесе маман дипломы қосымшасымен бірге, сондай-ақ шетелдік білім беру ұйымында оқыған жағдайда – білім туралы құжатты тану және/немесе нострификациялау туралы куәлік немесе Қазақстан Республикасының «Білім туралы» Заңының 39-бабы 8-тармағында белгіленген ерекшеліктерді ескере отырып, білім туралы құжатты тануды растайтын өзге де құжат;
– еңбек қызметін растайтын құжаттар, сондай-ақ осы Қағидаларда белгіленген талап етілетін еңбек өтілі кезеңі үшін міндетті зейнетақы жарналары аударымдары туралы үзінді көшірме;
– шет тілі бойынша емтихан тапсырғаны туралы белгіленген үлгідегі қолданыстағы ресми сертификат, ол белгіленген ең төменгі талаптарға сәйкес келуі;
– мемлекеттік тіл бойынша емтихан тапсырғаны туралы белгіленген нысандағы қолданыстағы ресми сертификат;
– шетелге шығатын тұлғалар үшін 072/у нысаны бойынша денсаулық жағдайы туралы медициналық анықтама;
– тағылымдаманы қабылдайтын шетелдік ұйымның қаржылық шарттарды қоспағанда, сөзсіз шақыруын растайтын құжаттар, онда тағылымдама мерзімі, құны (есеп айырысуы толық көрсетілген) көрсетілуі тиіс, мемлекеттік немесе орыс тіліне нотариалды куәландырылған аудармасымен бірге;
– жұмыс органының талаптарына сәйкес әзірленген және жолдаушы әрі қабылдаушы ұйымдармен бекітілген тағылымдама бағдарламасы.
«Болашақ» бағдарламасы бойынша оқуға түскісі келетіндер қажетті құжаттарды «Электронды үкімет» порталы арқылы (www.egov.kz) онлайн-режимінде жібере алады.