Тіркеу нәтижесінде Қазақстан Республикасының азаматына Қазақстан Республикасынан тыс жерде тұрақты тұратындар үшін паспортқа қосымша парақ немесе уақытша тіркеу туралы хабарлама беріледі.
Қазақстан Республикасынан тыс жерде уақытша тұратын Қазақстан Республикасының азаматтарын тіркеу Қазақстан Республикасы азаматының паспортына қосымша парақ берусіз жүзеге асырылады.
Қазақстан Республикасынан басқа мемлекетке уақытша тұруға баратын Қазақтан Республикасының азаматтарына кімдер кіреді?
Шет елдерде уақытша еңбек ететін шетелдік мекеменің персоналы, ҚР азаматтары, халықаралық ұйымдар жанындағы лауазымдарға Қазақстан Республикасына бекітілген квоталарға сәйкес тағайындалған бітімгершілік борышын орындайтын әскери қызметшілер, сондай-ақ оқуда, емдеуде, туристік және жеке сапарда, ұйымдар мен жеке тұлғалардың шақыруы бойынша шет елдерде қызметтік іссапарда жүрген тұлғалар.