Сіз Қазақстан азаматы болғыңыз келеме

«Қазақстан Республикасының азаматтығы туралы» Заңның талаптарына сәйкес келетін жаппай саяси қуғын-сүргіндердің ақталған құрбандары мен олардың ұрпақтары азаматтықты жеңілдетілген тәртіппен алу үшін өтініш бере алады.

Қайда жүгіну қажет?

Тұрақты тұрғылықты жері бойынша ішкі істер органдарының көші-қон қызметі бөлімшесіне.

Негізгі құжаттар:

• сауалнама-өтініш;

• бұрынғы азаматтығынан бас тарту туралы нотариат куәландырған өтініш;

• белгіленген өлшемдегі фотосуреттер;

• өмірбаян;

• азаматтық туралы заңнаманың талаптарын сақтау жөніндегі міндеттеме;

• жеке басын және азаматтығын куәландыратын құжат;

• ақтау туралы сот шешімі немесе ұрпақтардың тиісті санатына жататынын растайтын құжаттар;

• мемлекеттік баждың төленгенін немесе оны төлеуден босатылғанын растайтын құжат.

Қарау мерзімі — үш айға дейін.

Маңызды! Жеңілдетілген тәртіпті қолдану үшін заңнамада көзделген мән-жайларды растау қажет. Қуғын-сүргінге ұшыраған адаммен туыстық қатынасы бар екені туралы өтініштің өзі жеткіліксіз.