Белгіленген қағидаларға сәйкес туроператордың шығындарын өтеу механизмі мынадай жолмен жұмыс істейді: туристер демалыстан оралғаннан кейін, туроператор өтінім береді. Шығындарды өтеу туралы өтінішке мынадай құжаттар пакеті қоса беріледі:
- заңды тұлғаның құрылтай құжаттарының немесе жеке кәсіпкер ретінде қызметін бастауды растайтын құжаттар көшірмесі;
- алдыңғы айдың бірінші күніне салық берешегінің болмауы (болуы) туралы мәліметтер;
- кіру және ішкі туризм саласындағы туристік операторлық қызметті жүзеге асыруға лицензиялардың көшірмесі;
- туроператор мен турист арасында жасалған туристік қызмет көрсету шартының көшірмесі;
- нотариалды куәландырылған сенімхаттың көшірмесі (егер бала жақын туысымен ұшатын болса);
- Қазақстан Республикасында тұрақты тұруға рұқсат берудің көшірмесі (азаматтағы жоқ тұлға болып табылатын бала үшін);
- кәмелет жасқа толмаған жолаушыға билеттің немесе жолаушылар купонының (отыру талоны) көшірмесі;
- кәмелет жасқа толмаған жолаушыларға арналған туристік қызметтерді көрсету туралы мәліметтер (нысаны Қағидаларда көрсетілген).
Қағидаларға сәйкес туроператордың өтінімі екі жұмыс күні ішінде қаралады, тағы жеті жұмыс күні субсиядия төлеу немесе бас тарту туралы шешім қабылданады және өтінім мақұлданған жағдайда қаражат 25 жұмыс күні ішінде төленеді.
Туристік операторларға қаражат «Kazakh Tourism» арқылы өтелетін болады
Қабылданған шешім туралы ақпарат Ұйымның интернет-ресурсында орналастырылады.
Орналасу мекенжайы: Астана қаласы, Мәңгілік Ел даңғылы, 55/14, 222 кеңсе.
Электрондық мекенжай: info@qaztourism.kz, g.sakhmetova@qaztourism.kz