Жер учаскесін алу кезегі келгенде, сізге жер учаскесінің орналасқан жері бойынша әкімдікте жер учаскесін таңдаудың түпкілікті актісін келісу және жер-кадастрлық жұмыстар қызметі үшін ақы төлеу қажет болады.
Осыдан кейін Мемлекеттік корпорация жер-кадастрлық жоспар дайындайды және әкімдік жер учаскесіне жалдау құқығын беру туралы шешім қабылдайды.
Әрі қарай сіз әкімдікпен бөлінген жер телімін жалға алу шартын жасауыңыз керек.
Содан кейін жер учаскесінің шекарасын белгілеу бойынша жұмыстар жүргізу қажет, ол үшін жерге орналастыру жұмыстарын орындайтын субъектілерге немесе "Азаматтарға арналған үкімет" МК жүгіну қажет. Сіз жерге орналастыру жұмыстары мен жер-кадастрлық жоспар үшін ақы төлеуіңіз керек екенін ескеруіңіз керек.
Жер учаскесіне жер-кадастр жоспарын дайындау құны "Азаматтарға арналған үкімет" мемлекеттік корпорациясы өндіретін және (немесе) өткізетін тауарлардың (жұмыстардың, көрсетілетін қызметтердің) бағаларын бекіту туралы бұйрыққа сәйкес есептеледі.
Жер учаскесін жалға беру құқығын берген сәттен бастап үш жылдан кейін жеке тұрғын үйдің құрылысы аяқталған кезде сізге салынған объектіні пайдалануға қабылдау рәсімінен өту қажет.
Осыдан кейін сіз әкімдікке жер учаскесін жеке меншікке беру туралы өтініш бере аласыз. Егер үш жыл ішінде үй салынбаса, әкімдікке жер учаскесін жаңа мерзімге беруге өтініш беру қажет. Егер жер учаскесі берілген сәттен бастап үш жыл ішінде ол мақсаты бойынша пайдаланылмаса – яғни құрылыс жұмыстары немесе жеке тұрғын үйді пайдалану болмаса, мемлекет оны Жер кодексінің 92 және 94-баптарына сәйкес алып қоюға құқылы.