Итті қалай асырау және серуендету керек

Егер жануар өліп қалған болса, бұл туралы иттер мен мысықтарды бірдейлендірудің бірыңғай базасынан шығару үшін ветклиникға хабарлау қажет.

Иттер және/немесе мысықтардың өліктерін лақтырып тастауға, Астана қаласының аумағына көмуді жүзеге асыруға рұқсат берілмейді

Иттер мен мысықтардың өліктерін үй жануарларын аулайтын және жоюмен айналысатын мамандандырылған ұйымға тиісті құжаттар алумен әрі қарай жоюға тапсырылады.

Әрбір облыста және Республикалық маңызы бар қалаларда мәслихаттың шешімімен иттер мен мысықтарды ұстау және серуендету Қағидалары бекітіледі. Егер жануарларды басқа облыстар мен қалалар бойынша ұстау ережелері қызықтырса, мұнда таныса аласыз.

1. Астана қ.
2. Алматы қ.
3. Шымкент қ.
4. Акмола облысы
5. Атырау облысы
6. Ақтөбе облысы
7. Алматы облысы
8. ШҚО
9. Жамбыл облысы
10. БҚО
11. Қарағанды облысы
12. Қостанай облысы
13. Қызылорда облысы
14. Павлодар облысы
15. СҚО
16. Түркістан облысы
17. Абай облысы
18. Жетісу облысы
19. Ұлытау облысы

Иттерді және/немесе мысықтарды зоогигиеналық және ветеринариялық-санитариялық талаптарға сәйкес жағдайда ұстау қажет.

Көп пәтерлі тұрғын үйлерде иттерге және/немесе мысықтарға арналған паналау және ұстау орындарын ұйымдастыруға жол берілмейді.

Иттерді және/немесе мысықтарды көпшілік пайдаланатын орындарда ұстауға тиым салынады :

• баспалдақ алаңдарында,
• жертөлелерде,
• шатырларда,
• шектес қылтималарда немесе лоджияларда,
• басқа да көпшілік пайдаланатын қосалқы үй-жайларда,
• үй ауласының маңында.

Иттерді және/немесе мысықтарды жатақханалардың асүйлері мен дәліздерінде ұстауға болмайды. Жануарларды өзінің тұрғын алаңында және жатақханадағы тұратын көршілердің жазбаша келісімімен ұстауға рұқсат етіледі.

Итті кәсіпорындар, ұйымдар, мекемелер, азаматтардың саябақ шаруашылықтары мен коммерциялық емес саяжайлар бірлестіктері аумағында, демалыс орындарында байлаулы түрде (бұл ретте ит тамақ пен суға еркін қол жеткізе алуы тиіс, байлау жануардың табиғи қажеттіліктеріне кедергі келтірмеуі тиіс) немесе жабық темір торда (вольерде) ұстауға болады. Аумақта иттің бар екендігі туралы кіре берісте тиісті тақтайшамен ескертілуі тиіс.

Кәдімгі иттің иесі 18 жасқа толған адам болуы мүмкін. Жануарлар саны бойынша ұстауға шектеу жоқ.

Егер сізде ит немесе мысық бар болса, барлық жануарларды иттер мен мысықтарды бірыңғай бірдейлендіру базасында тіркеу керек (мамандандырылған ұйымда немесе ветеринарлық емханаларда).

Жаңадан туған жануарларды 3 айлық жаснан бастап тіркейді.

Қолға ветеринарлық паспорт беріледі. Жануарды басқа адамға берген немесе олармен басқа жерге көшкен жағдайда, ветклиникке хабарлау қажет. Егер үй жануары өліп қалған жағдайда ветеринарлық паспорт бұрын жануар тіркелген ұйымға тапсыруға жатады.

Иттер және/немесе мысықтар үш айлық жасынан бастап, міндетті түрде құтыруға қарсы вакцинациялауға жатады.

Иттер мен мысықтарға кем дегенде тоқсанына бір рет тері паразиттері мен гельминттерге қарсы профилактикалық өңдеу жүргізу қажет.

Иттерді (жіпсіз және тұмылдырықсыз) еркін серуендетуге рұқсат етіледі:

• еркін серуендету алаңдарында,
• иттерге арналған жаттығу алаңдарына.

Иесі итке тұмылдырықты үнемі кигізбеуіне болады, бірақ қажет болған жағдайда кигізу үшін өзімен бірге алып жүруі керек.

Серуендеу кезінде аулаларды, кіреберістерді, баспалдақ алаңдарын, лифттерді, балалар алаңдарын, жолдарды, тротуарларды, скверлерді, саябақтарды, демалыс аймақтарын ластауға болмайды. Меншік иесі өзімен бірге пакеттер алып, қажет болған жағдайда экскременттерді бірден алып тастау керек, пакетті қоқыс жәшігіне тастау керек.

Мас күйінде жүрген адамдарға иттерді серуендетуге және олармен қоғамдық орындарда және көлікте болуға тыйым салынады.

Иттерді серуендетуге рұқсат етілмейді:

• қоршалған балалар мен спорт алаңдарында,
• мектепке дейінгі балалар және мектеп мекемелерінің аумақтарында,
• емдеу мекемелерінің аумақтарында,
• тыйым салу белгілері орнатылған жерлерде,
• адамдар шомылуға рұқсат етілген аумақтарда. Жануарды тоғандарда, субұрқақтарда және су жинағыштарда шомылдыруға және жууға болмайды.

Иттердің қоғамдық тамақтандыру кәсіпорындарында, сервистік қызмет көрсететін азық-түлік дүкендерінің сауда және өндірістік залдарында, мәдени мекемелерде болуына тыйым салынады..      

Тыйым салған ескерту белгісі жоқ мекемелер мен азық-түлік сатпайтын дүкендерде, поштада және тағы басқа орындарда иелері иттерін қысқа мойын жіпте және тұмылдырықта ертіп жүруге рұқсат етіледі

Иттер мен мысықтарды ұстау және серуендету қағидаларын бұзу ескерту жасауға немесе 3 АЕК мөлшерінде айыппұл төлеуге әкеп соқтырады.

Егер іс-әрекеттер жеке тұлғалардың денсаулығына немесе мүлкіне зиян келтіруге әкеп соқса, 10 АЕК мөлшерінде айыппұл салынады.

Жануарлардың өлуіне немесе мертігуіне әкеп соққан қатыгездігі үшін иесі қылмыстық жауапкершілікке тартылады. Қатыгездік танытқаны үшін жазаланады

• 200 АЕК дейінгі мөлшерде айыппұл салу,
• сол мөлшерде түзеу жұмыстарына,
• 180 сағатқа дейінгі мерзімге қоғамдық жұмыстарға тарту,
• 60 тәулікке дейінгі мерзімге қамауға алу

Адамдар тобының немесе адамдар тобының алдын ала сөз байласуымен немесе бірнеше рет жасаған іс-әрекеттері үшін жазаланады

• 500 АЕК дейінгі мөлшерде айыппұл салу,
• сол мөлшерде түзеу жұмыстарына,
• 300 сағатқа дейінгі мерзімге қоғамдық жұмыстарға тарту
•  90 тәулікке дейінгі мерзімге қамауға алу.

Иттер, жай иттерден басқа, және иесінің ерекше жауапкершілігін талап ететін иттер ретінде Қағидаға сәйкес мынадай  болып бөлінеді.

Ондай иттерге келесі тұқымды иттер жатады:

• американдық питбультерьер;
• американдық стаффордшир терьер;
• бультерьер;
• стаффордшир бультерьері;
• ротвейлер;
• жоғарыда аталғандардың будандастырылған түрлері.

Мұндай иттер үшін қысқа жіппен және тұмылдырықпен, тек еркін серуендетуге арналған алаңдарда немесе жаттықтыру алаңдарында серуендетуге рұқсат етіледі. Қала аумағында еркін серуендеуге тыйым салынады. Иттің иесі ретінде тек 21 жастан асқан адам болуы мүмкін.

Иттер және / немесе мысықтардың иелері келесі талаптарды сақтауы тиіс:

• иттерді және / немесе мысықтарды олардың физикалық және физиологиялық қажеттіліктеріне сәйкес ұстау,
• оларға ізгілікпен қарау және қатыгез қарауға жол бермеу,
• жануарларға қажетті азық-түлік пен ауыз суға үнемі қол жеткізу,
• иттер және/немесе мысықтар ауырған жағдайда ветеринарлық клиникаға хабарласу,
• иттерді және/немесе мысықтарды ұстау мүмкін болмаған жағдайда жануарларды басқа иелерге, ұйымдарға беру немесе үй жануарларын аулау жөніндегі мамандандырылған ұйымға тапсыру,
• иттер мен мысықтардың мазасыздық тудырмайтын және айналасындағыларға қауіп тудырмайтын мінез-құлқын қамтамасыз ету, қоғамдық қауіпсіздік талаптарын сақтау
• адамдарды немесе жануарларды тістеген иттерді, мысықтарды және басқа да жануарларды (құтырудың айқын белгілері бар жануарларды қоспағанда) иесі немесе қараусыз қалған иттер мен мысықтарды аулайтын арнайы бригада осы аумаққа қызмет көрсететін ветеринариялық емдеу ұйымына күнтізбелік 10 күн ішінде дереу жеткізуі тиіс.
• иттер мен мысықтардың терісін және етін сату, өңдеу және тұтыну үшін одан әрі пайдалану мақсатында аулауға жол бермеу,
• ит ұрыстарын ұйымдастыруға және өткізуге жол бермеу.