Біржолғы төлем кімге төленеді
Жерлеу үшін біржолғы төлем қайтыс болған адамдардың тума-туыстарына не болмаса жерлеуді жүзеге асырған адамдарға төленеді
Жерлеу үшін біржолғы төлем қай жағдайда төленеді
- Жасына байланысты зейнетақы төлемдерін алушы, мемлекеттік базалық зейнетақы төлемін немесе мемлекеттік арнайы жәрдемақыларды алушы қайтыс болған жағдайда 35 АЕК төленеді.
- Ұлы отан соғысына қатысушы/мүгедегі қайтыс болған жағдайда төленетін сома 36,6 АЕК.
- Мемлекеттік әлеуметтік жәрдемақы алушы қайтыс болған жағдайда 15,7 АЕК мөлшерінде жерлеуге біржолғы төлем төленеді.
- БЖЗҚ-да зейнетақы жинақтары бар адам қайтыс болған жағдайда 94 АЕК төленеді. Бұл жағдайда төлемді алуға құжаттар БЖЗҚ-ға ұсынылуы керек.
Зейнетақы жинақтары бар қайтыс болған адамның отбасы мүшесінің жерлеуге біржолғы төлемін алу үшін БЖЗҚ-ға жеке өзі жүгінген кезде мынадай құжаттар ұсынылады:
- өтініш;
- зейнетақы жинақтары бар қайтыс болған адамның отбасы мүшесінің жеке басын куәландыратын құжат (сәйкестендіру үшін);
- мемлекеттік органдардың ақпараттық жүйелерінде зейнетақы жинақтары бар адамның қайтыс болуы туралы мәліметтер болмаған жағдайда, қайтыс болу туралы куәліктің түпнұсқасы немесе зейнетақы жинақтары бар қайтыс болу туралы куәліктің нотариат куәландырған көшірмесі ұсынылады;
- мемлекеттік органдардың ақпараттық жүйелерінде өтініш жасаған адамның қайтыс болған адаммен туыстық байланысын растайтын мәліметтер болмаған жағдайда, өтініш жасаған адамның қайтыс болған адаммен туыстық байланысын растайтын құжаттың түпнұсқасы ұсынылады;
- зейнетақы жинақтары бар қайтыс болған адамның отбасы мүшесінің банктік шоты туралы мәліметтер.
Өтінішті қайтыс болған адамның отбасы мүшесі Мемлекеттік органдардың ақпараттық жүйелерінде Қағидалардың осы тармағының 2)-4) тармақшаларында көзделген құжаттар туралы мәліметтер болған жағдайда, БЖЗҚ – ның ішкі құжатында көзделген тәртіппен БЖЗҚ интернет-ресурсы арқылы электрондық нысанда БЖЗҚ-ға бере алады.