2020 жылғы 12 қазаннан бастап пилоттық режимде Қазақстан Республикасының бүкіл аумағында өлімді тіркеуге байланысты қызметтер көрсетудің оңтайландырылған процесі іске қосылды.
Бірлескен бұйрықта перинаталдық өлім туралы қағаз медициналық куәліктерді, өлімді мемлекеттік тіркеу туралы куәліктерді беруді алып тастау және азаматтардың осы құжаттарды ұсыну міндеттілігі бөлігінде талаптарды алып тастау көзделеді. Өлімді мемлекеттік тіркегеннен кейін қайтыс болу фактісін растау үшін өлімді тіркеу туралы электрондық хабарлама беріледі.
Өлімді мемлекеттік тіркеу Қазақстан Республикасының аумағындағы кез келген тіркеуші органда жүргізіледі.
Мемлекеттік қызметтің нәтижесі электрондық түрде түседі.