Жиі қойылатын сұрақтар
Бәсекелестікті қорғау және дамыту агенттігі Қазақстан Республикасының бәсекелестікті қорғау саласындағы заңнамасының сақталуына мемлекеттік бақылауды жүзеге асырады.
"Тұтынушылардың құқықтарын қорғау туралы" Заңға сәйкес, тұтынушы — бұл кәсіпкерлік қызметпен байланысты емес тек жеке, отбасылық, үйге арналған тауарға (жұмысқа, көрсетілетін қызметке) тапсырыс беретін, сатып алатын және (немесе) пайдаланатын ниеті бар жеке тұлға.
Жеке тұлғалардың тағамдары мен сусындарын алып кіруге тыйым салынған қоғамдық тамақтану (мейрамханалар, дәмханалар, фастфудтар, барлар және т.б.), ойын-сауық кешендеріне (аквапарктер, кинопарктер және т. б.) қатысты арыздары тұтынушылардың құқықтарын қорғау саласының блогына жатады.
Осылайша, тұтынушылардың құқықтарын қорғау мәселелері бойынша уәкілетті орган – Қазақстан Республикасы Сауда және интеграция министрлігінің Тұтынушылардың құқықтарын қорғау комитетіне жүгіну қажет (Қазақстан Республикасының Тұтынушылардың құқықтарын қорғау туралы заңнамасының сақталуына мемлекеттік бақылауды жүзеге асырады).
Қазақстан Республикасы Бәсекелестікті қорғау және дамыту агенттігінің Алматы қаласы бойынша департаменті «Еуразиялық банк» АҚ-ға қатысты монополияға қарсы заңнаманы бұзу бөлігінде тергеп-тексеру жүргізді. Тергеп-тексеру нәтижелері бойынша тұтынушылар банктен банктік қарыз алған кезде олар өмірді жазатайым оқиғадан сақтандыру қызметін күштеп таңғаны анықталды. Нәтижесінде «Еуразиялық банк» АҚ әкімшілік жауапкершілікке тартылып, бұзушылықты тоқтату туралы нұсқама шығарылды. Сізге қаржы қызметтерін тұтынушы ретінде өз құқықтарыңызды қалпына келтіру үшін Қазақстан Республикасының Қаржы нарығын реттеу және дамыту агенттігіне немесе сотқа жүгінуге кеңес береміз.
2020 жылдың соңында сауда-саттықты 2021 жылдың наурызынан бастап іске қоса отырып, Биржалық тауарлар тізбесіне бензинді қоса алғанда, мұнай өнімдері тобы енгізілді.
Ағымдағы жылғы 31 наурызда ҚР МӨЗ өндірісіндегі бензинмен биржалық сауда-саттық басталды, онда сауда-саттық ашылған күні бастапқы баға нарықтағы ең ірі алыс-берістердің ең төменгі бағалары деңгейінде қалыптасты 174 000 – 178 000 тг / тн өндіруші зауытына байланысты ҚҚС есебімен (130-134 тг/л бағдарланған).
Аи-92 бензинінің сауда-саттығы 2021 жылғы 31.03-06.04. аралығында өтті, оның қорытындысы бойынша орташа өлшенген баға:
АМӨЗ-202 000 тг/тн
ПМХЗ-212 000 тг/тн
ПКОП-215 000 тг/тн
Биржалық сауда-саттықта бағаның өсуі тұтастай алғанда елімізде, салалық уәкілетті органның ақпараты бойынша АИ-92 бензині қорының ағымдағы деңгейі қолайлы деңгейде тұрғанына қарамастан, Атырау МӨЗ-де жүргізіліп жатқан жөндеу жұмыстарына және бензин өндірісінің жоспарлы көлемінің төмендеуіне байланысты сұраныстың артуына негізделеді. Осыны ескере отырып, дүрлікпе сұраныс пен бағалардың өсуінің алдын алу үшін халықаралық тәжірибеге сәйкес жөндеу жұмыстары аяқталғанға дейін және бензин көлемімен ахуал тұрақтанғанға дейін сауда-саттық тоқтатыла тұрды.
Кәсіпкерлік кодекстің (бұдан әрі – Кодекс) 201-бабының 2-тармағына сәйкес егер мәміле бір тұлғалар тобының ішінде жасалса, оны жүзеге асыру экономикалық шоғырлану деп танылмайды. Өз кезегінде тұлғалар тобын айқындау үшін Кодекстің 165-бабында регламенттелген белгілер қолданылады. Осылайша, Сатушы мен Сатып алушы бір тұлғалар тобына жатқызылған жағдайда, мәміле экономикалық шоғырлану белгілеріне жатпайды.