Қазақстан Республикасының Бәсекелестікті қорғау және дамыту агенттігінде сыбайлас жемқорлық тәуекелдеріне ішкі талдау жүргізудің кейбір мәселелері туралы
«Сыбайлас жемқорлыққа қарсы күрес туралы» Қазақстан Республикасы Заңының 8-бабының 5-тармағына және Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2012 жылғы 19 қазандағы № 201 бұйрығымен бекітілген «Сыбайлас жемқорлық тәуекелдеріне ішкі талдау жүргізудің үлгілік қағидаларына» сәйкес БҰЙЫРАМЫН:
- 1-қосымшаға сәйкес Қазақстан Республикасының Бәсекелестікті қорғау және дамыту агенттігінде (бұдан әрі – Агенттік) және оның аумақтық департаменттерінде сыбайлас жемқорлық тәуекелдеріне ішкі талдау жүргізу үшін жұмыс тобы құрылсын.
- 2-қосымшаға сәйкес сыбайлас жемқорлық тәуекелдеріне ішкі талдау жүргізу кестесі бекітілсін.
- Сыбайлас жемқорлық тәуекелдерін ішкі талдаумен қамтылатын кезең 2025 жыл болып айқындалсын.
- Жұмыс тобы 2026 жылғы 13 наурызға дейін Агенттікте және оның аумақтық департаменттерінде сыбайлас жемқорлық тәуекелдеріне ішкі талдау жүргізсін.
- Жұмыс тобы сыбайлас жемқорлық тәуекелдерiне және жұмыс нәтижелерiне iшкi талдау жүргiзу жөнiндегi жұмысты үйлестiруге жауапты тұлғаға анықталған сыбайлас жемқорлық тәуекелдерi туралы ақпарат берудi қамтамасыз етсін.
- Сыбайлас жемқорлық тәуекелдеріне ішкі талдау жүргізу жөніндегі жұмысты үйлестіру үшін жауапкершілік Агенттіктің әдеп жөніндегі уәкілі М.Т. Асылбековаға жүктелсін.
- Сыбайлас жемқорлық тәуекелдерін ішкі талдау нәтижелері Агенттіктің ресми интернет-ресурсында орналастырылсын.
- Осы бұйрықтың орындалуын бақылауды өзіме қалдырамын.
Аппарат басшысы М. Дәрібаев