Глубокое ауданының әкімдігі

Глубокое ауданы Шығыс Қазақстан облысының солтүстік –батысында орналасқан, 1964 жылы құрылған. Ол Шемонаиха, Ұлан және Зырян аудандарымен, Өскемен және Риддер қалаларымен шектеліп жатыр. Жалпы көлемі 7,3 мың шаршы км, оның үштен екі бөлігі таулы жерді алып тұр (Шығыс Қазақстан облысы аумағының 2,6%).
Глубокое ауданында 40 ауылдық елді мекен бар, оның ішінде 5 кент және 35 ауыл, 17 ауылдық округ және кенттер кіреді.
Әкімшілік орталығы – Глубокое кенті, халқы – 9,5 мың тұрғын, ауданның халық санының 15,4% құрайды.
Демографиялық жағдайға әсер ететін негізгі факторлар туу деңгейінің төмендігі болып табылады – 10,74 (ШҚО – 15,83), өлім деңгейінің жоғары болуы –13,96 облыстық көрсеткіштен артық (ШҚО – 10,29).
Аудан экономикасының құрылымы
Өндірілген өнім, тауар және қызмет негізгі үлесі 35,5% өнеркәсіп саласына келеді. Экономиканың өсуінің факторлары болып жоғары тұтынушылық сұраныс және аудандағы инвестициялық белсенділіктің жандануы болды.