Жиі қойылатын сұрақтар
«Сындарлы қоғамдық диалог — Қазақстанның тұрақтылығы мен өркендеуiнiң негiзi» Қазақстан Республикасының Халқына Жолдауына сәйкес Қазақстан Президентi Қ. Тоқаевтың тапсырмасы бойынша ағымдағы жылдың басынан бастап АӘК алатын отбасылардан шыққан балаларға кепiлдендiрiлген әлеуметтiк пакет ұсынылады. 1 жастан 6 жасқа дейiнгi балалар тамақ өнiмдерiмен және тұрмыстық химия тауарларымен қамтамасыз етiледi. Азық-түлiк жиынтығы балалардың жас санатына байланысты құрамы бойынша ерекшеленедi: 1 жастан 3 жасқа дейiн және 3 жастан 6 жасқа дейiн.
1 жастан 6 жасқа дейiнгi балаларға арналған азық-түлiк себетiнiң құрамы ҚР Денсаулық сақтау министрлiгiнiң ұсынымдары бойынша әзiрленген, жиынтықтар физиологиялық ерекшелiктердi, өнiмдердiң азық-түлiк және энергетикалық құндылықтарының арақатынасын және жасына сәйкес оларды пайдалану нормаларын ескере отырып қалыптастырылған. Жинақтар өсiп келе жатқан ағзадағы дәрумендердiң жетiспеушiлiгiн өтеуге арналған. Азық-түлiк пакетi әр балаға айына бiр рет, атаулы әлеуметтiк көмек тағайындау кезеңiне, гигиеналық құралдар — тоқсанына бiр рет берiледi.
«Мемлекеттiк атаулы әлеуметтiк көмек туралы» Қазақстан Республикасының 2001 жылғы 17 шiлдедегi № 246 Заңына сәйкес өмiрлiк қиын жағдайға тап болған отбасылар мемлекеттiк атаулы әлеуметтiк көмек көрсетуге өтiнiш бере алады.
Атаулы әлеуметтiк көмек (бұдан әрi — АӘК) — жан басына шаққандағы орташа табысы шектi мәннен аспайтын адамға немесе отбасына ақшалай нысанда берiлетiн төлем.
Қазiргi уақытта Солтүстiк Қазақстан облысында АӘК көрсету үшiн шектi мән ең төменгi күнкөрiс деңгейiнiң 70%-ын құрайды.
Көмек өтiнiш берген айдан бастап ағымдағы тоқсанға тағайындалады және ай сайын төленедi.
Отбасының әлеуметтiк жағдайына байланысты әлеуметтiк қолдаудың бұл түрi 2 түрге бөлiнедi: шартсыз және шартты.
Шартсыз ақшалай көмек объективтi себептер бойынша (жасы, денсаулық жағдайы, мүгедектiгi, 3 жасқа дейiнгi балаларды күту) өздерiн табыспен қамтамасыз ете алмайтын отбасыларға ғана ұсынылады.
Шартты ақшалай көмек құрамында кем дегенде бiр еңбекке қабiлеттi отбасы мүшесi бар аз қамтылған отбасыларға әлеуметтiк келiсiмшарт жасасқан және барлық еңбекке қабiлеттi азаматтар жұмыспен қамтуға жәрдемдесу шараларына мiндеттi түрде қатысқан жағдайда берiледi.
МӘМ-ге мұқтаж азаматтарды жолдау Қазақстан Республикасы Денсаулық сақтау және әлеуметтiк даму министрiнiң 2015 жылғы 26 наурыздағы № 165 бұйрығымен бекiтiлген Халықты әлеуметтiк қорғау саласында стационар жағдайында арнаулы әлеуметтiк қызметтер көрсету стандартына және Қазақстан Республикасы Еңбек және халықты әлеуметтiк қорғау министрiнiң 2018 жылғы 29 тамыздағы № 379 бұйрығымен бекiтiлген Арнаулы әлеуметтiк қызметтер көрсететiн ұйымдар қызметiнiң қағидаларына сәйкес жүзеге асырылады.
Стандартқа сәйкес стационарлық үлгiдегi медициналық-әлеуметтiк мекемеде тұруға:
- психоневрологиялық патологиясы бар мүгедек балалар (үш жастан он сегiз жасқа дейiн);
- тiрек-қимыл аппараты бұзылған мүгедек балалар (үш жастан он сегiз жасқа дейiн);
- он сегiз жастан асқан психоневрологиялық аурулары бар 1, 2 топтағы мүгедектер;
- бiрiншi, екiншi топтағы мүгедектер және зейнеткерлiк жасқа толған, өзiне қызмет көрсете алмайтын және денсаулық жағдайы бойынша Арнаулы әлеуметтiк қызмет көрсетуге мұқтаж, өздерiнiң еңбекке жарамсыз көмекке мұқтаж ата-аналарын, жұбайын (ММ) күтiп-бағуға және оларға қамқорлық жасауға мiндеттi еңбекке қабiлеттi кәмелетке толған балалары (жұбайы) жоқ немесе объективтi себептер бойынша оларға тұрақты көмек пен күтiмдi қамтамасыз ете алмайтын жақын туыстары бар (егде жасына байланысты жұбайы (зайыбы) үшiн бiрiншi, екiншi топтағы мүгедектiгi бар, онкологиялық, психикалық аурулары бар, бас бостандығынан айыру орындарында тұрған, психикалық денсаулық орталығында есепте тұрған немесе елден тыс жерлерге тұрақты тұруға кеткен).
МӘМ-де азаматтарды ресiмдеу адамның тұрғылықты жерi бойынша аудандық (қалалық) жұмыспен қамту және әлеуметтiк бағдарламалар бөлiмдерi арқылы, жеке өтiнiшi және «медициналық-әлеуметтiк мекемелерде арнаулы әлеуметтiк қызметтер көрсетуге құжаттар ресiмдеу» мемлекеттiк көрсетiлетiн қызмет стандартында көзделген құжаттар негiзiнде жүзеге асырылады.
Азаматтардың еңбек күшi көп өңiрлерден Солтүстiк Қазақстан облысына ерiктi түрде қоныс аударуы Нәтижелi жұмыспен қамтуды және жаппай кәсiпкерлiктi дамытудың 2017-2021 жылдарға арналған «Еңбек» мемлекеттiк бағдарламасына (бұдан әрi — «Еңбек» бағдарламасы) сәйкес жүзеге асырылады.
«Еңбек» бағдарламасы шеңберiнде көшуге субсидия төлеу түрiнде отбасының әрбiр мүшесiне 70 АЕК мөлшерiнде материалдық қолдау көрсету көзделген. Сондай-ақ, жалға берiлетiн тұрғын үйге орналастырылған жағдайда он екi ай iшiнде тұрғын үйдi жалдау бойынша шығыстарды өтеуге субсидиялар төлеу көзделген, төлемдердiң мөлшерi отбасының құрамына және елдi мекенге байланысты болады.
Сонымен қатар, қоныс аударушыларға жұмысқа орналасуға және кәсiпкерлiктi дамытуға жәрдемдесу, қысқа мерзiмдi кәсiптiк курстарға жiберу көзделген.
Облыс аудандары туралы ақпарат (бос орындар, әкiмдiктердiң байланыс деректерi және басқалар) жұмыспен қамтуды үйлестiру және әлеуметтiк бағдарламалар басқармасының сайтында орналастырылған.
Петропавл қаласында 2016 жылдан бастап «СҚО әкiмдiгiнiң мәдениет, тiлдердi дамыту және архив iсi басқармасының тiлдердi оқыту орталығы» КММ жұмыс iстейдi. Бұл мекемеде сiз мемлекеттiк тiлдi тегiн оқи аласыз. Мекенжайы: Абай көшесi, 64, анықтама үшiн тел. 8 (7152) 46-38-40, 46-35-84.
Қазақстан Республикасы Мәдениет және спорт министрiнiң 2014 жылғы 22 қарашадағы №106 бұйрығына сәйкес балалар мен жасөспiрiмдер спорт мектебiне қабылдау үшiн келесi құжаттарды тапсыру қажет:
Көрсетiлетiн қызметтi берушiнiң кеңсесiне:
1) нұсқа БЖСМ кеңсесiне:
- оқуға түсушiнiң ата-анасынан немесе заңды өкiлдерiнен еркiн нысандағы өтiнiш;
- оқуға түсушiнiң жеке сәйкестендiру нөмiрi бар туу туралы куәлiгi (сәйкестендiру үшiн);
- ата-анасының немесе заңды өкiлiнiң жеке басын куәландыратын құжат (сәйкестендiру үшiн);
- таңдаған спорт түрi бойынша сабақтарға жiберiлгенi туралы учаскелiк дәрiгер берген медициналық анықтама;
- «Денсаулық сақтау саласындағы есепке алу құжаттамасының нысандарын бекiту туралы» Қазақстан Республикасы Денсаулық сақтау министрiнiң мiндетiн атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтiк құқықтық актiлердi мемлекеттiк тiркеу тiзiлiмiнде № 21579 болып тiркелген) бекiтiлген 031/е (Медициналық-әлеуметтiк сараптамаға қорытындыны мүгедектер ұсынады) нысандағы медициналық құжаттама.
2) нұсқа «электрондық үкiметтiң» веб-порталында www.egov.kz
- көрсетiлетiн қызметтi алушының (ата-анасының немесе заңды өкiлiнiң) ЭЦҚ-мен куәландырылған электрондық құжат нысанындағы сұрау салу;
- таңдаған спорт түрi бойынша сабақтарға жiберiлгенi туралы учаскелiк дәрiгер берген медициналық анықтамасының электрондық көшiрмесi;
- «Денсаулық сақтау саласындағы есепке алу құжаттамасының нысандарын бекiту туралы» Қазақстан Республикасы Денсаулық сақтау министрiнiң мiндетiн атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтiк құқықтық актiлердi мемлекеттiк тiркеу тiзiлiмiнде № 21579 болып тiркелген) бекiтiлген 031/е (Медициналық-әлеуметтiк сараптамаға қорытындыны мүгедектер ұсынады) нысандағы медициналық құжаттаманың электрондық көшiрмесi.
Қазақстан Республикасы Жер кодексiнiң 37-бабының 2-тармағына сәйкес «Өз мiндеттерiн тиiсiнше орындаған уақытша өтеулi жер пайдаланушының (жалға алушының), егер Қазақстан Республикасының заңдарында немесе жалға алу шартында өзгеше белгiленбесе, осы Кодекстiң 43-бабы 1-тармағының 2), 3), 4), 5) және 8) тармақшаларында белгiленген талаптарды қоспағанда, жер учаскесiнiң шекаралары өзгермеген жағдайда, ал шаруа немесе фермер қожалығын, ауыл шаруашылығы өндiрiсiн жүргiзу үшiн берiлген ауыл шаруашылығы мақсатындағы жер учаскесi үшiн шаруа немесе фермер қожалығын, ауыл шаруашылығы өндiрiсiн жүргiзу үшiн берiлген ауыл шаруашылығы мақсатындағы жердi пайдалану мониторингiнiң нәтижелерi де болған кезде, осы Кодекстiң 43-бабында көзделген тәртiппен жаңа мерзiмге шарт жасасуға құқығы бар. Уақытша өтеулi жер пайдаланушы (жалға алушы) осындай шарт жасасу ниетi туралы жалға берушiнi жалға алу шартында көрсетiлген мерзiмде, егер шартта мұндай мерзiм көрсетiлмесе, онда жалға алу шартының қолданылу мерзiмi аяқталғанға дейiн үш ай мерзiмде жазбаша хабардар етуге мiндеттi».
Қазақстан Республикасы Жер Кодексiнiң 43-бабы 1-тармағына сәйкес, 44-1-бапта көзделген жағдайды қоспағанда, мемлекеттiк меншiктегi жерден, сондай-ақ сауда-саттыққа (конкурстарға, аукциондарға) шығарылатын жерлерден жер учаскесiне құқық беру мынадай тәртiппен жүргiзiледi:
- жер учаскесiне тиiстi құқық беру туралы өтiнiштi (өтiнiмдi) қарауға қабылдау;
- сұралып отырған жер учаскесiн аумақтық аймақтарға бөлуге сәйкес мәлiмделген нысаналы мақсаты бойынша пайдалану мүмкiндiгiн айқындау жатады;
- жер учаскесiн алдын ала таңдау (елдi мекен шегiнде объектiлер салуды қоспағанда, объектiлер салу үшiн жер учаскесi сұралған кезде);
- жер комиссиясының қорытынды дайындауы;
- жерге орналастыру жобасын әзiрлеу және бекiту;
- облыстың, республикалық маңызы бар қаланың, астананың, ауданның, облыстық маңызы бар қаланың жергiлiктi атқарушы органының, аудандық маңызы бар қала, кент, ауыл, ауылдық округ әкiмiнiң жер учаскесiне құқық беру туралы шешiм қабылдауы;
- сатып алу-сату немесе уақытша (қысқа мерзiмдi, ұзақ мерзiмдi) өтеулi (өтеусiз) жер пайдалану шартын жасасу;
- жергiлiктi жерде жер учаскесiнiң шекараларын белгiлеу;
- елдi мекен шегiнде объектiлер салуға арналған жер учаскесiн қоспағанда, жер учаскесiне сәйкестендiру құжатын дайындау және беру.
Жер учаскесiн беру бойынша Сiзге жер учаскесiнiң орналасқан жерi бойынша жергiлiктi атқарушы органға жүгiну қажет.
Бастауыш бiлiм берудiң жалпы бiлiм беретiн оқу бағдарламаларын iске асыратын бiлiм беру ұйымдары даярлық деңгейiне қарамастан, бiлiм беру ұйымының қызмет көрсету аумағында тұратын барлық балалардың қолжетiмдiлiгiн қамтамасыз ете отырып, алты жастағы балаларды және ағымдағы күнтiзбелiк жылы алты жасқа толатын балаларды бiрiншi сыныпқа қабылдауды қамтамасыз етедi. («Бастауыш, негiзгi орта және жалпы орта бiлiм берудiң жалпы бiлiм беретiн оқу бағдарламаларын iске асыратын бiлiм беру ұйымдарына оқуға қабылдаудың үлгiлiк қағидалары» Қазақстан Республикасы Бiлiм және ғылым министрiнiң 2018 жылғы 12 қазандағы № 564 бұйрығы.)