Меню
Солтүстік Қазақстан облысы әкімдігінің кәсіпкерлік және индустриялық инновациялық даму басқармасының миссиясы Солтүстік Қазақстан облысын индустриялық-инновациялық дамыту және кәсіпкерлікті дамыту саласында мемлекеттік саясатты іске асыру болып табылады.
Негізгі міндеттері:
- өнеркәсіптің бәсекеге қабілеттілігінің өсуін қамтамасыз ететін басым салаларын дамыту;
- экономиканың басым секторларын дамыту процесінде жергілікті атқарушы орган мен бизнестің тиімді өзара іс-қимылын қамтамасыз ету;
- мемлекеттік сауда саясатын жүргізуді қамтамасыз ету;
- кәсіпкерлік қызметті дамытуға кедергі келтіретін әкімшілік кедергілерді азайтуға жәрдемдесу;
- отандық кәсіпорындардың техникалық, технологиялық және басқару деңгейлерін жаңғыртуға жәрдемдесу.
Мемлекеттік гранттар Қазақстан Республикасы Үкіметінің 2019 жылғы 31 желтоқсандағы № 1060 қаулысымен бекітілген мемлекеттік гранттар беру қағидаларына (бұдан әрі – Қағидалар) сәйкес беріледі.
Қағидаларға сәйкес мемлекеттік грант беру мүмкіндігі/мүмкін еместігі туралы шешімді конкурстық комиссия қабылдайды.
Гранттық қаржыландыру конкурсына қатысу үшін хабарландыруларға сәйкес регламенттелген құжаттарды қабылдау мерзімінде өтінім беру және құжаттар пакетін қоса беру қажет.
kezekte.kz платформасы арқылы құжаттарды онлайн тапсыру мүмкіндігі бар.
Құжаттарды тапсыру үшін платформаға өту, ЭЦҚ пайдалана отырып, пайдаланушы келісіміне қол қою, қатысуға өтінімді толтыру және Қағидалардың 41-тармағына сәйкес келесі құжаттарды бекіту қажет (жаңа бизнес-идеяларды іске асыру үшін мемлекеттік гранттар алуға үміткер кәсіпкерлер өтінімге PDF форматында келесі сканерленген құжаттардың көшірмелерін қоса береді):
- мемлекеттік гранттар беру қағидаларына 3-қосымшаға сәйкес нысан бойынша бизнес-жоспар түрінде дайындалған бизнес-жоба);
- өтінім берілген кездегі жалдамалы жұмыскерлердің орташа саны туралы басшының қолымен және өтініш берушінің мөрімен (болған кезде) расталған анықтама);
- бағдарламаның және (немесе) Қазақстан Республикасы Үкіметінің 2018 жылғы 13 қарашадағы № 746 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» бағдарламасының шеңберінде кәсіпкердің оқудан өткенін растайтын, ескіру мерзімі 2 (екі) жылдан аспайтын құжат;
- ұсынылатын мемлекеттік грант көлемінің кемінде 10%-ы мөлшерінде бизнес-жобаны іске асыруға арналған шығыстарды бірлесіп қаржыландырудың (ақша қаражатымен, бизнес-жобаға қатысатын жылжымалы/жылжымайтын мүлікпен) болуын растайтын құжаттар, кәсіпкердің ағымдағы шотында ақша қаражатының бар екені туралы банк шотынан үзінді көшірме немесе бизнес-жобаға қатысатын жылжымалы және/немесе жылжымайтын мүліктің бағалау құнын растайтын құжаттар (халықтың әлеуметтік әлжуаз топтарын қоспағанда);
- өтініш берушіде халықтың әлеуметтік әлжуаз топтарына жатқызу мәртебесінің болуын растайтын құжат.
Құжаттарды қабылдаудың басталғаны туралы хабарландыру облыстық баспа басылымдарында, сондай-ақ Солтүстік Қазақстан облысы әкімдігінің кәсіпкерлік және индустриялық-инновациялық даму басқармасының сайтында орналастырылады.