Инклюзивті білім беру - бұл кемсітудің барлық нысандарын жоя отырып, балалар мен қоғамдастықтардың алуан түрлілігі мен әр түрлі қажеттіліктері мен қабілеттерін, сипаттамалары мен үміттерін құрметтей отырып, барлығына сапалы білім беруге бағытталған жалпы білім беруді дамытудың үздіксіз процесі.

Облыста 6001 мүмкіндіктері шектеулі бала бар, оның ішінде 1177 мүгедектігі бар балалар.

Арнайы психологиялық-педагогикалық қолдау көрсету үшін ерекше білім беру қажеттіліктері бар балаларға арналған 26 арнайы білім беру ұйымдары жұмыс істейді (6 арнайы мектеп-интернат, 1 «Балабақша-мектеп-интернат» арнайы кешені, 3 психологиялық – медициналық - педагогикалық кеңестері, 15 психологиялық-педагогикалық түзету кабинеті, 1 «Асыл Мирас» Аутизм орталығы).

Арнайы мектеп-интернаттарда 0-ден 12-сыныпқа дейін 753 білім алушы оқиды.

Петропавл қаласының 6 балабақшасында 13 арнайы топ жұмыс істейді, онда әртүрлі бұзушылықтары бар 136-дан астам бала тәрбиеленуде.

2025 жылы психологиялық-педагогикалық түзету кабинеттерінде 910 мүмкіндігі шектеулі балаға, аутизм орталығында 342 балаға мемлекеттік қызмет көрсетілді.

Психологиялық-педагогикалық түзету кабинеттерінде кезектілікті қысқарту үшін мүмкіндігі шектеулі балаларды арнайы психологиялық-педагогикалық қолдауға 180 орынға мемлекеттік білім беру тапсырысы іске асырылады. 

Сонымен қатар, инклюзивті білім беру жағдайында 400 мектепте 0-11 сыныптар аралығында 2554 оқушы, мектепке дейінгі ұйымдарда 1410 тәрбиеленуші білім алады.

Жалпы білім беретін мектептерде қолайлы жағдай жасау үшін ерекше білім беру қажеттіліктері бар балаларды қолдаудың 30 кабинеті жұмыс істейді (11-і – Петропавл қаласында, 19-ы – аудандарда).