Қазақстан Республикасындағы сыбайлас жемқорлыққа қарсы заңнаманың өзгерiстерi бойынша семинар-кеңес
2021 жылғы 19 қаңтарда "ANTIKOR ORTALYGY" сервис орталығының ғимаратында ҚР Сыбайлас жемқорлыққа қарсы iс-қимыл агенттiгiнiң (Сыбайлас жемқорлыққа қарсы қызмет) СҚО бойынша департаментiнiң бiрiншi орынбасары Н.С. Жахиннiң қатысуымен Қазақстан Республикасының Сыбайлас жемқорлыққа қарсы заңнамасы саласындағы өзгерiстер бойынша семинар-кеңес өткiзiлдi.
Семинарда СҚО бойынша Сыбайлас жемқорлыққа қарсы қызметiнiң бiрiншi орынбасары Н.С. Жахин семинар тыңдаушыларын сыбайлас жемқорлыққа қарсы iс-қимылға бағытталған сыбайлас жемқорлыққа қарсы заңнаманың атаулары туралы хабардар еттi. Осылайша, басшылардың бағыныштылардың сыбайлас жемқорлық үшiн отставкаға кетуi және тәртiптiк жауапкершiлiгi, сыбайлас жемқорларды шартты түрде мерзiмiнен бұрын босатуға тыйым салу, олардың жазасын қоныс-колонияларда өтеу, құқық қорғау органдары қызметкерлерi мен судьялардың, пара берушiлер мен делдалдардың парақорлықтағы жауапкершiлiгiн қатаңдату, сондай-ақ шетелде шоттар иелену бойынша сыбайлас жемқорлыққа қарсы жаңа шектеу көзделген.
Облыстың мемлекеттiк сатып алу басқармасы 2020 жылы құрылды. Басқарма штаты iс жүзiнде жинақталған.
Басқарма бiздiң өңiрiмiздiң аумағында мемлекеттiк сатып алу саласында басшылықты жүзеге асыратын мемлекеттiк орган болып табылады.
Басқарманың негiзгi функциялары тауарларды, жұмыстар мен қызметтердi мемлекеттiк сатып алуды бiрыңғай ұйымдастырушының қызметi, қолданыстағы заңнама шеңберiнде мемлекеттiк сатып алуды ұйымдастыру және өткiзу рәсiмдерiн орындау болып табылады.
Мемлекеттiк сатып алуды жүзеге асыру мемлекеттiк сатып алу процесiнiң ашықтығы мен айқындығы және сыбайлас жемқорлық көрiнiстерiне жол бермеу қағидаттарына негiзделедi. Азаматтардың өтiнiштерiне уақытылы жауап беру ерекше бақылауда.
Басқарма құрылғаннан берi басқарма қызметкерлерiнiң сыбайлас жемқорлыққа қарсы заңнаманы бұзу фактiлерi болған жоқ.
Семинар барысында кездесуге қатысушылар сыбайлас жемқорлыққа қарсы iс-қимыл жалпыхалықтық сипатта болуы, қоғамда сыбайлас жемқорлықтың кез келген көрiнiсiне «мүлдем төзбеушiлiк» ахуалын қалыптастыру, сыбайлас жемқорлық құқық бұзушылықтарға жол бермеу қағидаттарына негiзделуi тиiс екенiн атап өттi.