Ішкі сауда қағидаларының жобасын талқылауды бастау туралы

Ашық НҚА порталында ҚР СИМ Сауда комитеті қолданыстағы Ішкі сауда қағидаларына өзгерістер енгізуді көздейтін «Ішкі сауда қағидаларын бекіту туралы» Қазақстан Республикасы Ұлттық экономика министрінің міндетін атқарушының 2015 жылғы 27 наурыздағы № 264 бұйрығына өзгеріс енгізу туралы» Қазақстан Республикасы Сауда және интеграция министрінің бұйрығының жобасын жариялады.

Жобада сауда объектілерінің түрлері бойынша заңнамалық тексеру көзделген. Сауда қызметін реттеу туралы Заңмен 23 қайталанатын ұғымдар мен нормалар алынып тасталды. Тұжырымдамалық аппарат франчайзинг, кооперация, мерчендайзинг, фейсинг және т.б. сияқты ішкі сауданы дамытудың жаңа бағыттарын реттеуге бағытталған 39 жаңа тұжырымдамамен толықтырылды

Қағидалардың құрылымы қайта қаралды, жоба 6 Тарау мен 27 параграфтың болуын көздейді.

Жергілікті атқарушы органдар мен СИМ-нің аумақтық бөлімшелері үшін ішкі сауданың негізгі көрсеткіштерін айқындау мақсатында есептеулердің тиісті тәртібі (әдістері) әзірленді:

1) халықты сауда алаңымен қамтамасыз етудің ең төменгі нормативтерін айқындау;

2) сөре кеңістігінің үлесі;

3) сауда объектілерінің мамандануын айқындау;

4) заманауи сауда форматтарының үлестері.

Қағидаларда ұлттық және мемлекетаралық стандарттарға 15 тікелей және 12 жанама сілтеме келтірілген. Осылайша, сауда қызметтеріне, шағын бөлшек сауда желілеріне, базарларға, қоғамдық тамақтандыру, электрондық сауда объектілеріне қойылатын жалпы талаптар, сондай-ақ персоналға қойылатын талаптар стандартталған.

Ішкі сауда субъектілерінің сатып алу стандарттарын пайдалануы жөніндегі тетік енгізіледі.

Сондай-ақ, жәрмеңкелерді ұйымдастыру және өткізу бойынша талаптар егжей-тегжейлі баяндалған. Жергілікті атқарушы органдар орналасқан жері көрсетілген жәрмеңкелерді өткізу күнтізбесін бекітеді, оның тақырыбын айқындайды және қазақстандық өнім өндірушілерді тегін сауда орындарымен қамтамасыз етеді.

Бұдан басқа, Қағидаларға арзандатылған тауарларды өткізу бойынша жекелеген талаптар және сатуды өткізу тәртібі енгізілген.

Жобаны қабылдау сауда инфрақұрылымын дамыту жөніндегі стратегиялық міндеттерді іске асыруға назар аударуға мүмкіндік береді, сондай-ақ сауданың заманауи форматтарының тұрақты және теңгерімді өсуіне жағдай жасайды.

ҚР Сауда және интеграция министрінің «Ішкі сауда қағидаларын бекіту туралы» бұйрығының жобасын талқылау 2024 жылғы 2 сәуірге дейін «Ашық НҚА» порталында жалғасады.