Үкіметтің төтенше резервінен 405 млн теңге бөлінді
Қаражат су тасқыны салдарынан зардап шеккен Қостанай облысының Арқалық қаласының тұрғындарын тұрғын үймен қамтамасыз етуге бағытталады.
Қаржыландыру ҚР өнеркәсіп және құрылыс министрлігіне Қостанай облысы әкімдігіне үйлері, комиссияның бағалауы бойынша, қалпына келтіруге жатпайтын Арқалық қаласынан отбасылар үшін тұрғын үй сатып алуға берілетін нысаналы трансферттер үшін жіберілді.
Қостанай облысындағы су тасқыны жағдайы республикалық штабтың бақылауында. Бүгін шыңы өтті.
Қалалық және аудандық әкімдіктер табиғи сипаттағы ТЖ салдарынан мүлкі зардап шеккен азаматтардан материалдық залалды өтеу туралы өтініштерді тіркеді. Шешім бағалау комиссиясы жұмысының қорытындысы бойынша қабылданды. Бұл ретте Арқалық және басқа да елді мекендерде үйлерді тексеру жұмыстары жалғасуда.
ТЖ режимі жарияланған басқа облыстарда да зардап шеккен объектілерді техникалық тексеру, бағалау және тізбесін қалыптастыру бойынша ұқсас жұмыс жүргізілуде. Қауіптердің азаюына қарай су тасқыны кезінде зардап шеккен азаматтардың тұрғын үймен байланысты мәселелері шешіледі.