Жиі қойылатын сұрақтар
Материалдық көмек алу үшін сізге бірінші кезекте қоныс аударушыларды/қандастарды қабылдаудың аймақтық квотасына енгізу үшін өтініш беру қажет:
1. «Азаматтарға арналған үкімет» мемлекеттік корпорациясы (бұдан әрі - Мемлекеттік корпорация)
2. «Migration.enbek.kz» порталы
3. «Электрондық үкімет» Веб-порталы (бұдан әрі - веб-портал)
Қоныс аударушыларға арналған құжаттар тізбесі:
1) қоныс аударушының және оның отбасы мүшелерінің жеке басын куәландыратын құжаттардың көшірмелері (бар болса), оның ішінде Цифрлық құжаттар сервисінен;
2) неке немесе некені бұзу туралы куәліктің көшірмесі (бар болса);
3) білімі, біліктілігі, арнайы білімінің немесе кәсіптік даярлығының болуы туралы құжат (бар болса);
4) еңбек қызметін растайтын құжат (бар болса);
5) жұмыс іздеп жүрген және (немесе) жұмыссыз адамды тіркеу туралы құжат;
6) отбасы мүшелерінің туу туралы куәлігінің көшірмесі (бар болса);
Қандастарға арналған құжаттар тізбесі:
1) өтініш берушінің (сәйкестендіру үшін) және оның отбасы мүшелерінің (бар болса), оның ішінде Цифрлық құжаттар сервисінен жеке басын куәландыратын құжат;
2)неке немесе некені бұзу туралы куәліктің көшірмесі (бар болса);
3) туу туралы куәліктің көшірмесі (бар болса).
Сізді қоныс аударушыларды/қандастарды қабылдаудың өңірлік квотасына енгізгеннен кейін, сіз келесі көмек алу үшін өңірлік квотаға енгізілген сәттен бастап алты айдан кешіктірмей өтініш беруіңіз қажет:
1) көшуге арналған субсидиялар отбасының басшысына және әрбір мүшесіне бір жолғы 70 АЕК (айлық есептік көрсеткіш) мөлшерінде төленеді. Субсидия алу үшін Сіз www.migration.enbek.kz порталы (бұдан әрі - портал) арқылы электронды түрде өтініш беруіңіз керек. Өтінішке электрондық-цифрлық қолтаңбаңызбен (ЭЦҚ) қол қоясыз немесе куәландырасыз.
Портал арқылы берілген өтінішіңіз өтініш түскен күні тіркеледі. Мансап орталықтары екі жұмыс күні ішінде Тізбені еңбек ұтқырлығы орталығына жібереді.
Еңбек ұтқырлығы орталығы өтініш қабылданған күннен бастап үш жұмыс күні ішінде көшуге субсидиялар беру туралы шешім шығарады, сондай-ақ өтініш берушіні қабылданған шешім туралы хабардар етеді.
2) тұрғын үйді жалдау (жалға алу) және коммуналдық қызметтерді төлеу жөніндегі шығыстарды өтеуге арналған субсидиялар тұрғын үй сатып алғанға дейін ай сайын, бірақ 15-тен 30 АЕК-ке дейінгі мөлшерде он екі айдан аспайтын мөлшерде беріледі. Өтініш бересіз, өтінішке келесі құжаттарды қоса бересіз:
1) Екінші деңгейдегі банктерде ашылған ағымдағы шоттың нөмірі;
2) тұрғын үй-жайды жалдау шарты.
3) ипотекалық бағдарлама шеңберінде тұрғын үй сатып алу кезінде тұрғын үй сатып алуға, салуға немесе ипотекалық тұрғын үй қарыздары бойынша бастапқы жарнаға арналған экономикалық ұтқырлық сертификаты тұрғын үй құнының 50% мөлшерінде, бірақ 1 160 АЕК-тен аспайды.
Ақшалай төлемді алу үшін өтінішті келесі құжаттармен (көшірмелері мен түпнұсқалары) қоса бересіз:
1) үй сатып алу кезінде:
- сатып алынатын жылжымайтын мүліктің құнын бағалай отырып, тұрғын үйді сатып алу-сату шарты және жылжымайтын мүлікке құқықтарды мемлекеттік тіркеу туралы хабарлама,
- экономикалық ұтқырлық сертификаты бойынша ақшалай төлемнің кемінде 50% мөлшерінде болжамды мәмілені жүзеге асыруға не сатып алынатын тұрғын үйдің қалған құнын төлеуге арналған меншікті қаражаттың болуын растайтын құжаттар;
2) тұрғын үй сатып алу кезінде ипотекалық тұрғын үй қарыздары бойынша бастапқы жарна кезінде - Екінші деңгейдегі банктің тұрғын үй қарызын беруді мақұлдағанын растайтын құжат;
3) тұрғын үй салу кезінде:
- жеке тұрғын үй құрылысына және/немесе жеке қосалқы шаруашылыққа арналған жер учаскесінің меншігінде немесе уақытша өтеулі жер пайдалану (жалға алу) құқығында болуын растайтын құжат,
- экономикалық ұтқырлық сертификаты бойынша ақшалай төлемнің кемінде 50% мөлшерінде тұрғын үй салуға арналған қаражаттың болуын растайтын құжаттар.
Иә төленеді, егер сіздің «жұмыссыз» мәртебеңіз болса, жұмысыңызды жоғалту төлемін ала аласыз.
Жұмысынан айырылған жағдайда төленетін әлеуметтік төлемнің ұзақтығы 1 айдан 6 айға дейін, төлем мөлшері-міндетті әлеуметтік сақтандыру жүйесіне қатысудың орташа айлық мөлшеріне және өтіліне байланысты болуы мүмкін.
Жұмыссыз мәртебесін алу үшін тұрғылықты жері бойынша мансап орталығына немесе Enbek.kz порталы арқылы жүгіну арқылы жұмыссыз ретінде тіркелу қажет.
Жұмыссыз ретінде тіркелу арқылы сіз жұмыспен қамтуды қолдау және жұмыссыздықтан әлеуметтік қорғау бойынша келесі мемлекеттік шараларды ала аласыз:
1. қолайлы жұмыс орындарын табу және жұмысқа орналасуға жәрдемдесу;
2. мемлекет субсидиялайтын уақытша жұмыс орындарына жіберу;
3. жұмысынан айырылу жағдайы бойынша әлеуметтік төлем;
4. бастапқы бизнесті дамытуға арналған грант.
Адам жұмысынан айырылған жағдайда әлеуметтік төлем тағайындау үшін тұрғылықты жері бойынша Халыққа қызмет көрсету орталықтары мен Мансап орталығы арқылы мынадай құжаттармен жүгіне аласыз: 1) өтініш, 2) жеке басын куәландыратын құжат немесе қандас мәртебесі бар адамдар үшін қандас куәлігі.
Сондай ақ Enbek.kz порталы және «электрондық үкіметтің» веб-порталы арқылы хабарласуға болады, онда азаматтың электрондық цифрлық қолтаңбасы болуы жеткілікті.
Мыналар жұмыссыздар ретінде тіркелмейтінін назарларыңызға жеткіземіз:
- он алты жасқа толмаған
- жұмыспен қамтылғандар - мүлікті пайдаланудан, тауарларды өндіруден, сатудан, жұмыстарды орындаудан, қызмет көрсетуден табыс алатын жеке тұлғалар
- зейнеткерлік жасқа жеткендер
- жұмыс пен табыстың (табыстың) жоқтығы туралы жалған мәліметтері бар құжаттарды, сондай-ақ басқа да дұрыс емес мәліметтерді ұсынған
- жұмыспен қамтуға жәрдемдесудің белсенді шараларына қатысуға үміткер жалпы білім беретін мектептердің жоғары сынып оқушылары мен студенттері
- сот шешімі бойынша түзеу жұмыстарына не қоғамдық жұмыстарға, сондай-ақ, егер бұл жаза шартты түрде тағайындалмаса, бас бостандығынан айыру түріндегі жазаға сотталғандар
Сіз жұмыссыз ретінде тіркеле аласыз:
1. портал enbek.kz «электрондық еңбек биржасы»;
2. eGov электрондық үкімет;
3. мансап орталығы арқылы офлайн.
Қызметті онлайн режимінде келесідей алуға болады:
1. Порталға кіріп, «Қызметке онлайн тапсырыс беру» батырмасы бойынша өтіңіз.
2. Еңбек қызметі туралы мәліметтерді, білім туралы деректерді, жеке дағдыларыңызды, тілдерді білуіңізді, жұмыс режимін, лауазымыңызды және еңбекақыңызды толтырыңыз.
3. enbek.kz порталға дербес деректерді орналастыруға келісім беру.
4.Өтінімге ЭЦҚ (электрондық цифрлық қолтаңба) немесе смс-пароль арқылы қол қою (мобильді азаматтар базасында тіркелу міндетті).
5. Жеке кабинетте («Қызметтерді алу тарихы» бөлімінде) қалыптастырылған электрондық құжатпен және сұрау салудың нәтижесі туралы хабарламамен танысу қажет.
Тұрғылықты жері бойынша мансап орталығында қызмет алу үшін келесі құжаттарды ұсыну қажет:
1. Мәлімдеме.
2. Көрсетілетін қызметті алушының жеке басын куәландыратын құжат немесе цифрлық құжаттар сервисінен электрондық құжат (жеке басын сәйкестендіру үшін).
3. Еңбек қызметін растайтын құжат (бар болса).
4. Білімі, біліктілігі, арнайы білімі немесе кәсіптік даярлығы туралы құжат (бар болса).
400 АЕК-ке дейін грант алу құқығы бастапқы бизнесті іске асыруды жоспарлап отырған қатысушыларға өтеусіз және қайтарымсыз негізде және «Бастау Бизнес» жобасы бойынша кәсіпкерлік негіздеріне оқыту туралы өтініш берген кезде мерзімі үш жылдан аспайтын электрондық сертификаты бар тұлғаларға беріледі.
Гранттар бір рет беріледі және нысаналы мақсаты бойынша, тек атаулы әлеуметтік көмек алатын аз қамтылған отбасы мүшелеріне, көп балалы отбасыларға, қандастарға, қоныс аударушыларға, мүгедек баланы (мүгедек балаларды) тәрбиелеп отырған адамдарға және мүгедек адамдарға, асыраушысынан айрылу жағдайы бойынша төлем алушыларға беріледі. Гранттар тұтыну мақсаттарына, кредиттерді өтеуге, жылжымайтын мүлік пен жер учаскелерін сатып алуға берілмейді.
Конкурсқа қатысуға өтінім business.enbek.kz порталы арқылы электрондық цифрлық қолтаңба арқылы беріледі. Қосымша құжаттар қажет емес.