ШҚО-да полицейлерге күш қолданған ер адам сотталды
ШҚО-да полицейлерге күш қолданған ер адам сотталды
Бұл факті Риддерде орын алған.
Түннің бір уағында такси жүргізушісі жол ақысын төлеуден бас тартқан 36 жастағы мас жолаушыны қалалық полиция бөліміне алып келген. Ер адам полиция бөлімшесінде де агрессиясын көрсетіп, балағат сөздер айтып, таксистті қорқытуын тоқтатпаған.
Полиция қызметкерлері Риддер тұрғынын тәртіпке шақырған, бірақ ол заңды талаптарға бағынбай, өзінің заңсыз әрекеттерін жалғастырып, инспектордың бетінен екі рет ұрған.
Сот отырысы барысында қаланың 36 жастағы тұрғыны кінәлі деп танылып, оған 40 сағат мерзімге қоғамдық жұмыстарға тарту және 3 жыл мерзімге бас бостандығын шектеу түріндегі жаза тағайындалды.
ШҚО ПД баспасөз қызметі