ШҚО ПД-да гарнизондық жиын өтті
ШҚО ПД-да гарнизондық жиын өтті
25 қазанда Шығыс Қазақстан облысы Полиция департаментінің алаңында бастық полиция генерал-майоры Ерлан Омарбековтың басшылығымен күн сайын қоғамдық тәртіпті қамтамасыз ету қызметіне кіретін кешенді полиция күштерінің гарнизондық жиыны өтті.
Оған жергілікті полиция қызметінің, учаскелік инспекторлардың, жылдам қимылдайтын арнайы жасақтың және ҚР Ұлттық ұланы бөлімшелерінің жеке құрамы қатысты.
Іс-шараның ашылуы ішкі істер органдарының туын салтанатты түрде кіргізуден және Қазақстан Республикасының мемлекеттік әнұранын орындаудан басталды.
"Бүгін, осы мереке күні біз гарнизондық жиын өткізіп жатырмыз. Бұл бізге қоғамдық тәртіпті сақтау бойынша қос жауапкершілікті жүктейді", - деп атап өтті Ерлан Омарбеков жеке құрамға арнаған сөзінде.
Бұдан әрі өңірдің бас полицейі Мемлекет басшысы мен ішкі істер министрлігі басшылығының алға қойған тапсырмаларын одан әрі іске асыруға назар аудара отырып, нұсқаулық өткізді. Полицияның негізгі міндеті-құқық бұзушылықтардың жолын кесу ғана емес, сонымен бірге қауіпсіздік мәселелерін бірлесіп шешу үшін кез келген уақытта көмек көрсетуге және халықпен сенімді қарым-қатынас орнатуға дайын болу. Бұл полиция жұмысының сервистік моделін іске асырудағы басты басымдықтар.
Іс-шара соңында полиция қызметкерлері салтанатты шерумен өтіп, қоғамдық тәртіпті сақтауға және Өскемен қаласының қоғамдық қауіпсіздігін қамтамасыз етуге кірісті.
ШҚО ПД баспасөз қызметі