Кептіргіштен табылған марихуана: ШҚО-да есірткі өсіруші қолға түсті
Кептіргіштен табылған марихуана: ШҚО-да есірткі өсіруші қолға түсті
Облыс прокуратурасының үйлестіруімен полицейлер Глубокое ауданының 22 жастағы тұрғынын есірткі құралдарын заңсыз сақтау және өсіру күдігі бойынша ұсталды.
Жедел тінту барысында оның үйі мен ауласынан өзіне тән иісі бар өсімдік бұталары, шыны банка мен ішінде кептірілген зат салынған қап, металл табақшалар, ыдыс-аяқ, сондай-ақ жасыл өсімдіктер орналасқан кептіргіш машина табылды.
Сараптама нәтижелері бойынша тәркіленген заттар есірткі құралы — марихуана болып анықталды. Оның жалпы салмағы 4 кг асты. Бұған қоса, ауладан сарапшылар каннабис ретінде таныған өсімдік бұтасы алынды, оның салмағы 1,2 кг асты.
Аталған факті бойынша күдіктіге қатысты «Есірткі құралдарын, психотроптық заттарды, олардың баламаларын өткізу мақсатынсыз заңсыз айналымға салу» және «Есірткі заттары бар өсімдіктерді заңсыз өсіру» баптары бойынша сотқа дейінгі тергеу басталды.
ШҚО ПД баспасөз қызметі