Стратегиялық жоспарлау және халықаралық ынтымақтастық басқармасы қызметінің негізгі бағыттары

Стратегиялық жоспарлау және халықаралық ынтымақтастық басқармасының қызметі техникалық реттеу, өлшем бірлігін қамтамасыз ету, сәйкестікті бағалау, аккредиттеу және мемлекеттік бақылау салаларындағы мемлекеттік саясатты іске асыруға, сондай-ақ көрсетілген салаларда халықаралық ынтымақтастықты дамытуға бағытталған.

Стратегиялық жоспарлау және талдамалық қызмет. Басқарма стратегиялық және бағдарламалық құжаттардың, мемлекеттік органдардың даму жоспарларының және мемлекеттік жоспарлау жүйесі құжаттарының іске асырылуына мониторинг жүргізуді және есептерді қалыптастыруды жүзеге асырады. Өз құзыреті шеңберінде Басқарма аталған құжаттардың іс-шараларына өзгерістер мен толықтырулар енгізу жөніндегі ұсыныстарды дайындауға қатысады, жобалық басқаруды үйлестіруді және ақпараттық-талдамалық сүйемелдеуді қамтамасыз етеді, сондай-ақ Комитеттің мониторингтік және жиынтық-талдамалық жұмысын жүргізеді.

Комитет қызметінің жекелеген бағыттарын үйлестіру. Басқарма техникалық реттеу және метрология саласындағы кәсіби біліктілікті дамыту, Қазақстан Республикасы Президентінің «Алтын сапа» сыйлығын алуға арналған конкурс пен «Қазақстанның үздік тауары» республикалық конкурс-көрмесін өткізу, сондай-ақ Комитеттің құзыреті шегінде өзін-өзі реттейтін ұйымдар мәселелері бойынша жұмыстарды үйлестіреді.

Халықаралық ынтымақтастық. Басқарма Комитеттің халықаралық ынтымақтастық жоспарын, халықаралық ынтымақтастық мәселелері бойынша нормативтік құқықтық актілерді әзірлейді, сондай-ақ техникалық реттеу және метрология мәселелері бойынша халықаралық ұйымдармен жасалатын келісімдер мен меморандумдардың жобаларын қарайды. Бұдан басқа, Басқарма келіссөздер жүргізу ұстанымдарын қалыптастырады және Комитеттің құзыретіне кіретін мәселелер бойынша халықаралық, мемлекетаралық және өңірлік ұйымдарда Қазақстан Республикасының өкілдігін қамтамасыз етеді әрі келіссөздерге қатысады.

Халықаралық шарттар және шет мемлекеттермен өзара іс-қимыл. Басқарма Комитеттің құрылымдық бөлімшелерінің, аумақтық департаменттерінің және ведомстволық бағынысты кәсіпорындарының Комитеттің екіжақты және көпжақты халықаралық шарттық-құқықтық базасын іске асыру және дамыту жөніндегі қызметін үйлестіреді. Техникалық реттеу және метрология саласындағы халықаралық шарттарды түгендеу мен олардың нәтижелілігін талдауды жүргізеді, оларды қайта қарау, өзектендіру және күшін жою жөнінде ұсыныстар енгізеді, сондай-ақ олардың орындалуына мониторинг пен бақылауды жүзеге асырады. Басқарма өз құзыреті шеңберінде үкіметаралық комиссиялар аясында шет мемлекеттермен сауда-экономикалық ынтымақтастық жөніндегі ұсыныстарды әзірлеуге де қатысады.

Ұйымдастырушылық және өзге де қызмет. Басқарма тиісті бюджеттік бағдарламалар шеңберінде шетелдік іссапарлар мен халықаралық іс-шараларды өткізу жөнінде ұсыныстар қалыптастырады. Сондай-ақ салалық бюджеттік қаржыландыру негіздемесін дайындауға, семинарларды, кеңестерді, конференцияларды және өзге де іс-шараларды ұйымдастыруға, жеке және заңды тұлғалармен өзара іс-қимыл жасауға, консультациялар беруге және әдістемелік көмек көрсетуге, сондай-ақ Басқарманың құзыретіне кіретін мәселелер бойынша заңнаманы жетілдіру және нормативтік құқықтық актілердің жобаларын әзірлеу жөнінде ұсыныстар тұжырымдауға қатысады.