ҚР азаматының паспортын ресімдеу

Мемлекеттік қызмет Қазақстан Республикасы Ішкі істер министрлігі (бұдан – әрі ҚР ІІМ) Қазақстан Республикасының шет елдердегі мекемелері (бұдан әрі – көрсетілетін қызметті беруші) арқылы Қазақстан Республикасының шeт елде жүрген және төмeндегі санаттарға жататын азаматтарына (бұдан әрі – көрсетілетін қызметті алушы):

      1) Қазақстан Республикасынан тыс жерлерде тұрақты тұратындарға;

      2) шет мемлекеттердің аумағында орналасқан оқу орындарында білім алатындарға;

      3) шет мемлекеттерде еңбек шарты бойынша жұмыс істейтіндерге;

      4) Қазақстан Республикасынан тыс жерлерде туған жағдайда кәмелетке толмағандарға;

      5) 1), 2), 3) тармақшаларда көрсетілген адамдармен бірге тұратын отбасы мүшелеріне;

      6) Қазақстан Республикасынан тыс жерлерде тұратын шетел азаматының отбасы мүшелері болып табылатындарға;

      7) шетелдегі дипломатиялық қызмет персоналымен бірге тұратын дипломатиялық қызмет персоналының туыстарына;

      8) жасының егде тартуына байланысты өзіне-өзі күтім жасауға қабілетсіз адамдарға (қарттар);

      9) организм функциялары бұзылып, тұрмыс-тіршілігін шектейтіндей тұрақты денсаулығы нашарлаған адамдарға;

      10) өзіне-өзі қызмет көрсете алмайтын жақын туыстарын күтуді жүзеге асыратын адамдарға;

      11) шет мемлекеттің аумағында ұсталғандарға немесе күзетпен ұсталғандарға, қамауға алынғандарға, сондай-ақ қылмыстық-атқару жүйесі мекемелерінде жазасын өтеушілерге көрсетеді.

Назар аударамыз!!!

- Құжаттарды ресімдеуді бастамас бұрын Қазақстан Республикасының аумағында тіркеудің (тұрақты мекенжай бойынша тіркеудің) бар-жоғын тексеруге кеңес береміз.

-Шетелде тұрақты тұру, оқу, жұмыс істеу, отбасылық жағдайы, ағза функцияларының тұрақты бұзылуымен байланысты денсаулық жағдайының нашарлауын растайтын құжат (түпнұсқа және көшірме) тек апостильдеу немесе заңдастыру рәсімінен өткеннен кейін ғана қабылданады.

-Қазақстан Республикасы азаматының жеке куәлігін ресімдеу Консулдық мекеменің құзыретіне жатпайды.

 

АҚПАРАТ ҮШІН:Паспортыңыз дайын болған соң, Қазақстан Республикасының Бас консулдығы консулдық бөлімнің +(82 51) 469 7003 нөмірі арқылы Сізбен байланысып, хабарлайды.

-Егер Қазақстан Республикасының Бас консулдығынан Сізге қоңырау шалу немесе хабарлама келмесе, бұл Сіздің паспортыңыздың әлі дайын еместігін білдіреді.

-Жаңа паспорт тек өтініш берушінің өзіне немесе оның заңды өкіліне ғана табысталады. Үшінші не бөгде тұлғаларға паспорт берілмейді.

-Жаңа паспортты алу кезінде өзіңізбен бірге ескі паспортыңызды алып келуіңіз қажет.

Жарияланған күні

18 қыркүйек 2024

Жаңарту күні

05 қараша 2026