ҚР азаматының паспортын жасауға құжаттарды тапсыру туралы АҚПАРАТ

ҚР азаматының паспортын жасауға құжаттарды тапсыру үшін Сізге алдын ала ҚР ГФР-дағы консулдык мекемесінің (консулдық округке сәйкес) қабылдауына жазылып, келесі құжаттарды көшірмелерімен бірге 2 данада ұсынуыңыз қажет:

  1. өтініш (нысанын"Құжаттарды жүктеу" бөлімінде жүктеп алуға болады);
  2. туу туралы куәлік (16 жасқа толмаған бала паспорт алған кезде) және баланың азаматтығын растау үшін ата-анасының бірінің жеке басын куәландыратын құжаты. Баласы ҚР азаматының жеке басын растайтын құжаттарды алуға қарсы емес жайлы шетелдік ата-анасының нотариалды куәландырылған және қазақ немесе орыс тіліне аударылған өтініш-келісімі (бала ҚР тыс жерде туған және ата-анасының азаматтығы әртүрлі болған жағдайда, олардың біреуі балалары туған кезде ҚР-ның азаматтығында болған және осы уақытта ата-анасының екеуі де ҚР тыс жерде тұрақты тұрған жағдайда);
  3. ҚР азаматының паспорты (паспортты ауыстырған кезде) және жеке деректер бар паспорт парақшаларының көшірмелері (ГФР-ға ТТЖ-ге кету туралы ҚР ІІМ-нің белгісі (немесе кету парағы), консулдық тіркеу, ГФР-да тұруға ықтиярхат;

- Германияның ЖОО-да оқитын ҚР студенттері неміс ЖОО-да оқитынын және оқу мерзімін дәлелдейтін анықтаманың түпнұсқасы мен көшірмесін тапсыру тиіс.

- Германия аумағында уақытша жұмыс істейтін ҚР-ның азаматтары қолданылу мерзімі көрсетілген еңбек шартының түпнұсқасы мен көшірмесін тапсыру тиіс.

Бұл құжаттар қазақ немесе орыс тіліндегі куәландырылған аудармасымен бірге тапсырылуы тиіс;

  1. түрлі-түсті фотосурет (3,5 х 4,5 см) – 4 дана;

Фотосурет арызданушының құжатты ресімдеу кезіндегі жасына сәйкес келуі, сондай-ақ алдынан, жарық жерде, бейтарап бет-әлпеті көрінісімен және ауызы жабық болу тиіс, бет-әлпеті фотосуреттің жалпы 75% жуығын алу тиіс);

  1. Сіздің ҚР-ның азаматы болып танылғаныңыз және неміс азаматтығын алуға өтініш бермегеніңіз туралы, сондай-ақ қазақ немесе орыс тіліндегі куәландырылған аудармасы бар анықтаманың түпнұсқасы мен көшірмесі (Negativbescheinigung). Аталған анықтама берілген мерзімнен кейін 30 күнің ішінде ҚР ГФР-дағы консулдық мекемесіне ұсынылуы тиіс;
  2. неке қию/ажырасу/қайтыс болу туралы куәліктің түпнұсқасы мен көшірмелері. Егер неке қию/ажырасу/қайтыс болу ГФР-да жасалған болса, онда аталған құжаттың «Apostille» мөртабасы мен қазақ немесе орыс тіліндегі куәландырылған аудармасы болуы қажет.

Егер паспорт арызданушының ГФР-де некеге тұруына байланысты оның жаңа тегіне берілетін болса, онда неке қию туралы куәлікпен бірге қазақ немесе орыс тіліндегі куәландырылған аудармасы бар тегінің өзгертілгенін растайтын құжаттың түпнұсқасы мен көшірмелері қоса берілуі керек.

  1. төлем түбіртегінің түпнұсқасы (Quittungsbeleg), сондай-ақ 75,00EУРО-ны консулдық мекеменің есеп шотына аударған төлем туралы растаудың түпнұсқасы мен көшірмесі (Kontoauszug) (консулдық округке сәйкес).

ҚР ГФР-дағы консулдық мекемелердің банк деректемелері біздің сайттың «Консулдық қызметтер төлемі» бөлімінде орналастырылған: ttps://www.gov.kz/memleket/entities/mfa-berlin/activities/5458?lang=kk&parentId=5453 (консулдық округке сәйкес).

Егер Сіздің өтінішіңіз қандай да бір себептермен қабылданбаса, 2017 жылғы 25 желтоқсандағы № 120-VI ҚРЗ ҚР-ның Салық Кодексінің 629-бабының 7-тармағына сәйкес төленген консулдық алым сомалары қайтарылуға жатпайды.

МАҢЫЗДЫ: ГФР-ға уақытша сапармен кеткен (жеке, туристік сапармен) және Германияда тұрақты тұруға қалған тұлғалардың паспорттары ҚР-ның ГФР-дағы консулдық мекемесі арқылы ҚР-ның құзыретті органдарына тұрақты тұруға өтініш бергеннен кейін және оң жауап алғаннан соң ғана ауыстырылады.

Өтініш (қазақ тілінде)
Дата публикации
16 января 2023