Қазақстан Республикасының азаматтарын консулдық есептен шығару туралы АҚПАРАТ

Қазақстан Республикасының азаматы шетелдегі мекемеден келесі жағдайда есептен шығарылуы мүмкін:

- өзі немесе оның заңды өкілі шет елдердегі мекемелерге есептен шығару туралы еркін нысанда жасалған өтініш берсе;

- оның Қазақстан Республикасының басқа шет елдердегі мекемелерінде есепке қойылғаны туралы хабарлама келсе;

- есеп карточкасында/карточкада көрсетілген консулдық округ аумағындағы, уақытша орналасу немесе тұрақты тұру мерзімі аяқталса;

- қайтыс болса, оның хабар-ошарсыз кеткені немесе қайтыс болғаны туралы сот шешімі заңды күшіне енсе;

- Қазақстан Республикасының азаматтығы тоқтатылса.

Консулдық есептен шығу үшін Сізге алдын ала ҚР ГФР-дағы консулдык мекемесінің (консулдық округке сәйкес) қабылдауына жазылып, келесі құжаттарды ұсынуыңыз қажет:

  1. өтініш (еркін нысанда);
  2. жеке басын куәландыратын құжат (тұлғаны сәйкестендіру үшін);
  3. есепке қою туралы мөртабаны бар Қазақстан Республикасы азаматының паспортына қосымша бет (ҚР-нан тыс жерлерде тұрақты тұратын ҚР-ның азаматтары үшін). 

МАҢЫЗДЫ: Көрсетілетін қызметті алушы электрондық нысан арқылы жүгінген кезде www.egov.kz «электрондық үкімет» веб-порталы арқылы өтініш береді.

Дата публикации
16 января 2023