Қазақстан Елшісі Түрікмен инвестициялық форумына (TIF 2024) қатысты

Ашхабад, 2024 жылғы 10-11 қыркүйек - Қазақстан мен Түрікменстан маңызды инвестициялық жобалар аясында экономикалық ынтымақтастықты нығайтуда.

Қазақстанның Түрікменстандағы Елшісі Нұрлан Ноғаев Түркіменстан Тәуелсіздігінің 33 жылдығы қарсаңында өткен Түрікмен инвестициялық форумы мен көрмесіне (TIF 2024) қатысты.

Форум стратегиялық секторларға: мұнай-газ, энергетика, құрылыс, көлік, байланыс және ауыл шаруашылығына баса назар аудара отырып, елдің инвестициялық әлеуетін ашуға арналды. Іс-шараның басты мақсаты – Каспий теңізінің көмірсутегі ресурстарын игеру және Галқыныш кен орны сияқты негізгі жобаларға шетелдік инвестиция тарту.

Сондай-ақ басым бағыттардың ішінде Түркіменстан-Ауғанстан-Пәкістан-Үндістан (TAPI) құбырының құрылысы, газ химиясы, энергетика, тоқыма өнеркәсібі және көлік саласындағы жобаларды қоса алғанда, негізгі бастамалар ұсынылды. Ақылды ауыл шаруашылығын дамытуға және су ресурстарын тиімді пайдалануға ерекше көңіл бөлінді.