Жалпы ақпарат

Әкімдік туралы

Міндеттер:

Сарға ауылы әкімінің қызметін ақпараттық-талдау, ұйымдық-құқықтық және материалдық-техникалық қамтамасыз ету (бұдан әрі – әкім).

Қазақстан Республикасы Конституциясының, Қазақстан Республикасы Заңдарының, Қазақстан Республикасы Президентінің, Үкіметінің актілерінің, облыс және аудан әкімдіктерінің қаулыларының, облыс әкімінің, аудан әкімінің және әкімнің шешімдері мен өкімдерінің орындалуын ұйымдастыру және қамтамасыз ету;

барлық мемлекеттік органдармен, сондай-ақ барлық меншік түріндегі ұйымдармен өзара іс-қимыл жасау;

әкімнің қызметін ұйымдастырушылық қамтамасыз ету, оның ішінде әкімнің қатысуымен іс-шаралар өткізу;

әкімнің қызметін құжаттамалық қамтамасыз ету, іс жүргізуді ұйымдастыру, қызметтік құжаттар мен азаматтардың өтініштерін қарау, құжат айналымын талдау, ресми бланкілер мен елтаңбалық мөрлердің қолданылуын және сақталуын бақылау;

Қазақстан Республикасының құқықтық актілерінің бұзылуын жою жөнінде шаралар қабылдау;

органдар мен ұйымдар, лауазымды адамдар дайындаған әкім актілерінің жобаларын, егер олар белгіленген талаптарға сай келмесе, пысықтауға қайтару, сондай-ақ қаралуы басқа лауазымды адамдар мен ұйымдардың құзыретіне кіретін құжаттар мен материалдарды қайтару;

әкімнің қарауына жатқызылған мәселелер бойынша мемлекеттік органдармен, басқа да ұйымдармен және лауазымды тұлғалармен қызметтік хат алмасулар жүргізу;

әкімнің нормативтік құқықтық шешімдерінің (Қазақстан Республикасының Мемлекеттік құпиялары және заңмен қорғалатын өзге де құпиялары бар актілерден басқа) ресми жариялануын ұйымдастыру);

Қазақстан Республикасының заңнамасында белгіленген тәртіппен Қазақстан Республикасы Әділет министрлігінің аумақтық органдарына әкімнің нормативтік құқықтық шешімдерін мемлекеттік тіркеуге ұсыну.

Ережені жүктеу

Қызмет бағыты