Мүгедектігі бар адамдарды әлеуметтік қорғау және арнаулы әлеуметтік қызметтер көрсету салаларында іске асыру және бақылау функцияларын жүзеге асырады.
Қызметінің негізгі бағыттары:
- Мүгедектігі бар адамдарды әлеуметтік қорғау– заңнама талаптарының сақталуын және көзделген әлеуметтік қызметтермен, техникалық оңалту құралдарымен, жеке көмекші, ымдау тілі маманы қызметтерімен және санаторийлік-курорттық емдеумен қамтамасыз етуді бақылау;
- Әлеуметтік қызметтер порталы– тауарлар мен көрсетілетін қызметтерді берушілерді Порталға жіберу, тіркеу, олардың қызметін және мүгедектігі бар адамдарға тауарлар мен көрсетілетін қызметтерді ұсыну тәртібін бақылау;
- Арнаулы әлеуметтік қызметтер– арнаулы әлеуметтік қызметтердің сапалы, толық және уақтылы көрсетілуіне мониторинг және бақылау жүргізу;
- Абилитациялау және оңалту– мүгедектігі бар адамдардың абилитациялау және оңалтудың жеке бағдарламаларының іске асырылуын үйлестіру және мониторингтеу;
- Мемлекеттік бақылау– тексерулер мен профилактикалық бақылауды ұйымдастыру және үйлестіру, тәуекелдерді бағалау, сондай-ақ аумақтық бөлімшелер мен жергілікті атқарушы органдардың заңнама талаптарын сақтауына мониторинг жүргізу;
- Нормативтік және әдістемелік қамтамасыз ету– нормативтік құқықтық актілерді, тәуекел дәрежесін бағалау критерийлері мен тексеру парақтарын әзірлеу, аумақтық бөлімшелер мен жергілікті атқарушы органдарға әдістемелік қолдау көрсету;
- Цифрлық жүйелер және мониторинг– әлеуметтік қорғау саласындағы ақпараттық жүйелер мен цифрлық ресурстарға, оның ішінде «Е-Собес» ААЖ-ға және Тексеру субъектілері мен объектілерінің бірыңғай тізіліміне мониторинг жүргізу;
- Ақпараттық-түсіндіру жұмысы– Басқарманың құзыретіне кіретін мәселелер бойынша түсіндіру, оқыту және әдістемелік іс-шаралар өткізу.