«Қазақстан Республикасының аумағында еңбек қызметін жүзеге асыру үшін шетелдік жұмыс күшін тартуға 2021 жылға арналған квотаны белгілеу туралы» бұйрық жобасына (Жоба) баспасөз релизі
Әзірлеуші мемлекеттік орган – Қазақстан Республикасының Еңбек және халықты әлеуметтік қорғау министрлігі.
Жобаны қабылдаудың мақсаты «Халықты жұмыспен қамту туралы» Қазақстан Республикасы Заңының 2016 жылғы 6 сәуірдегі 32-бабының 1 және 4-тармақтарына сәйкес ішкі еңбек нарығын қорғау болып табылады.
Жобаны іске асыру республикалық бюджеттен қосымша қаржылай шығындарды талап етпейді және әлеуметтік-экономикалық немесе құқықтық теріс салдарға алып келмейді.
Жоба халықаралық шарт болып табылмайтынына байланысты оны кейіннен ратификациялау қажеттілігі жоқ.
Жоба 2020 жылғы 30 қарашада ашық нормативтік құқықтық актілердің интернет-порталында орналастырылды.
Жоба тауарлардың, қызметтердің саудасына немесе зияткерлік меншік құқықтарына қатысты болмағандықтан, оны уәкілетті мемлекеттік органдардың интернет-ресурстарында орналастыру қажет емес.