Табиғат қорғау шаралары бойынша
Қызылорда облысының 2016 - 2020 жылдарға арналған даму бағдарламасында 2 негізгі мақсатты индикаторлар көзделген.
1 - индикатор. Тұрмыстық қатты қалдықтарды қайта өңдеудің үлесі.
Тұрмыстық қатты қалдықтарды кәдеге жарату 2019 жыл - 14 % құрады, 2020 жыл-18% жеткізу жоспарланған.
2020 жылдың І тоқсанында 29,2 мың тонна қатты тұрмыстық қалдықтар жинақталса, оның 5,2 мың тоннасы өңделді. Қайта өңдеу үлесі 17,9 %-ды құрады.
2 - индикатор. Экологиялық және санитариялық талаптарға сәйкес келетін тұрмыстық қатты қалдықтар полигондарының үлесі.
Қазіргі таңда, облыста полигон санатындағы 145 тұрмыстық қатты қалдықтарды орналастыру полигоны болса, оның 5-еуі санитариялық және экологиялық талаптарға сәйкес келеді. Пайыздық үлесі - 3,45 %. 2020 жыл- 4,12 % жеткізу көзделген.
Ағымдағы жылы мемлекеттік - жекешелік әріптестік механизмі бойынша ТҚҚ полигонының қалдықтарды сұрыптау кешені құрылысының жұмыстары аяқталды.
Жаңа полигон Белкөл кентінен 4 шақырым қашықтықта орналасқан. Аумағы - 20 га. Жылына 60 мың тонна тұрмыстық қатты қалдықтар сұрыпталатын болады. Қосымша 40 адам жаңа жұмыспен қамтылатын болады.
2020 жылға міндеттер:
Арал қаласындағы тұрмыстық қатты қалдықтар полигон құрылысын аяқтау;
Жалағаш, Шиелі, Жаңақорған аудандарында тұрмыстық қатты қалдықтар полигон құрылысының жобалық сметалық құжаттарын әзірлеу;
Тұрмыстық қатты қалдықтардың қайта өңдеу үлесін арттыру.