Карантин шараларын сақтау мониторингі барысында 2.2 млрд теңгеден астам айыппұл салынды

               1 қаңтар мен 02 қараша аралығында ҚР ДСМ өңірлік санитариялық-эпидемиологиялық бақылау Департаменттері мониторингтік топтармен бірлесіп 203 706 рейд жүргізді. Тексерулермен барлығы 1 060 454 нысан қамтылды. Жалпы санынан 29 587 нысан бұзушылықтармен жұмыс істеді (2,8%).

               ШҚО (5 599), Түркістан облысында (4 660), Алматы қаласында (4 313), Шымкент қаласында (2 620), Қарағанды өңірінде (1 813) және Нұр-Сұлтан қаласында (2 923) карантиндік шараларға қатысты көптеген кемшіліктер анықталды.

                Негізгі бұзушылардың ішінде карантин кезінде келушілерге рұқсат берген шағын және орта бизнес субъектілері жұмыстың уақыт режимін сақтамады, кафелер мен мейрамханаларда түрлі бұқаралық іс-шаралар заңсыз өткізілді, қонақтар мен қызметкерлер қарапайым санитарлық ережелерді елемеді.

                4 262 жоспардан тыс тексеру жүргізілд. Олардың нәтижесінде, өңірлік Департаменттердің қызметкерлері 3 935 ұйғарым берді, 418 материал сотқа берді, 118 нысанның қызметін тоқтатты.

                Карантин кезеңінде шектеу шараларын бұзғаны үшін  26 489 шағын және орта бизнес субъектілері жауапкершілікке тартылды. 16 051 заңды  және 10 438 жеке тұлғаға әкімшілік айыппұл салынды. Құқық бұзушылар тарапынан төленуге жататын санкциялардың жалпы сомасы 2,2 млрд теңгеден асады.