Өнеркәсіптік қауіпсіздік комитеті

Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті  Қазақстан Республикасы Төтенше жағдайлар министрлігінің, өз құзыреті шегінде өнеркәсіптік қауіпсіздік саласындағы басшылықты жүзеге асыратын ведомствосы болып табылады.

Өнеркәсіптік қауіпсіздік комитетінің негізгі міндеттері өнеркәсіптік қауіпсіздік саласындағы мемлекеттік саясатты қалыптастыруға және іске асыруға қатысу және тау-кен, металлургия, мұнай-газ өндіру, мұнай-химия, химия және өнеркәсіптің басқа да салаларындағы қауіпті өндірістік объектілердегі өнеркәсіптік қауіпсіздік саласындағы мемлекеттік қадағалауды жүзеге асыру болып табылады.

Өнеркәсіптік қауіпсіздіктің мақсаты ықтимал техногендік апатқа әкеп соғуы мүмкін азаматтардың қауіпсіздігі мен қоршаған ортаға қатер төндіретін қауіпті өндірістік объектілердегі техногендік авариялардың алдын алу болып табылады.