«БИЗНЕС ЖӘНЕ САЛЫҚТАР»: РЕЗИДЕНТ ЕМЕСТЕРДІҢ ТАБЫСТАРЫНА САЛЫҚ САЛУ

2026 жылғы 19 қазанда «Атамекен» Ұлттық кәсіпкерлер палатасының Шығыс Қазақстан облыстық филиалында «Бизнес және салықтар» ақпараттық-түсіндіру жобасы аясында кезекті тікелей эфир өтті.

Тікелей эфирдің тақырыбы: «Резидент еместердің табыстарына салық салу: 2026 жылғы өзгерістер және практикалық мәселелер».

Спикер ретінде Шығыс Қазақстан облысы бойынша Мемлекеттік кірістер департаментінің Түсіндіру жұмысы және Байланыс орталығы басқармасының басшысы Гүлмира Сабралимова сөз сөйледі.

Тікелей эфир барысында 2026 жылдан бастап резидент еместердің табыстарына салық салудағы негізгі өзгерістер, резидент емес заңды тұлғаларға салық салу ерекшеліктері, сондай-ақ резидент емес жеке тұлғалардың табыстарына салық салу тәртібі қарастырылды.

Салық төлеушілер арасында жиі туындайтын сұрақтарға және салық заңнамасын іс жүзінде қолдану мәселелеріне ерекше назар аударылды.

Тікелей эфир кәсіпкерлер мен салық төлеушілерге өзекті ақпарат алуға және резидент еместердің табыстарына салық салу мәселелері бойынша түсіндірмелермен танысуға мүмкіндік берді.

«Бизнес және салықтар» жобасы кәсіпкерлердің салықтық сауаттылығын арттыруға, заңнамадағы өзгерістер туралы уақтылы ақпарат беруге және кәсіпкерлік қоғамдастық пен мемлекеттік кірістер органдары арасындағы өзара іс-қимылды нығайтуға бағытталған.

Толық эфирді мына сілтеме арқылы көре аласыз:  https://www.facebook.com/share/v/1QiajWxp4P/