Меню
Салықтық әкімшілендіру салықтарды және бюджетке төленетін төлемдерді жинау бойынша салық органдары және басқа да уәкілетті мемлекеттік органдар жүзеге асыратын, оның ішінде салықтық бақылауды жүзеге асыруды, мерзімінде орындалмаған салықтық міндеттеменің орындалуын қамтамасыз ету тәсілдері мен салықтық берешекті мәжбүрлеп өндіріп алу шараларын қолдануды, сондай-ақ мемлекеттік қызметтер және салықтық әкімшілендірудің осы Кодексте белгіленген өзге де нысандарын көрсетуді білдіретін шаралар мен тәсілдер жүйесі (жиынтығы) болып табылады.
1-1. Салықтың әкімшілендіруді жаңғырту және жетілдіру мақсатында салық органдары салықтық әкімшілендірудің және салық төлеушілердің салықтық міндеттемелерді орындауының өзге тәртібін көздейтін пилоттық жобаларды іске асыруды (ендіруді) жүзеге асыруға құқылы.
Бұл ретте пилоттық жоба қолданылатын салық төлеушілердің санаттарын, салық төлеушілердің, салық органдары мен өзге де уәкілетті мемлекеттік органдардың, сондай-ақ ұйымдардың құқықтары мен міндеттерін, пилоттық жобаларды іске асыру (ендіру) жүзеге асырылатын аумақты (учаскені) және (немесе) өңірді, пилоттық жобаларды іске асыру (ендіру) қағидалары мен мерзімдерін уәкілетті орган айқындайды.
2.Салықтық әкімшілендіру:
1) заңдылық;
2) салық төлеуші мен салық органдары арасындағы өзара іс-қимылдың тиімділігін арттыру;
3) тәуекелдерді бағалауға негізделген салықтық әкімшілендіруді жүзеге асыру кезіндегі сараланған тәсіл қағидаттарына негізделеді.
Шаруа қожалықтары басқа елді мекенде мүлікті жалға беру кезінде шағын бизнес субъектілері үшін арнайы салық режимін қолдануға құқылы ма?
Бір елді мекенде шаруа қожалықтары үшін арнаулы салық режимін қолданатын және басқа елді мекенде мүлікті мүліктік жалдауға (жалға алуға) тапсыру жөніндегі қызметті жүзеге асыру кезінде салық төлеушінің бір мезгілде шаруа қожалықтары үшін арнаулы салық режимін және арнаулы салық режимін қолдануға құқығы жоқ. Мүлікті мүліктік жалға тапсыру (жалға алу) жөніндегі қызмет түрі бойынша салық төлеуші шаруа қожалығы тиісті салықтарды есептеуді, төлеуді және олар бойынша салық есептілігін (салық кезеңінің 31 наурызынан кешіктірмей 220.00 СЕН) ұсынуды жалпыға бірдей белгіленген тәртіппен жүргізеді.
Сұрақ: Қате төленген мемлекеттік баж сомасын қалай қайтаруға болады?
Жауап: Мемлекеттікбаждыңқатетөленгенсомасынқайтарутиістіуәкілеттімемлекеттікорганэлектрондықбазаарқылыжәне (немесе) қағазжеткізгіштердеоныңіс-әрекеттерінжасамауфактісінрастағанжағдайда (оныңішіндесалықтөлеушініңтиістіқұжаттардыбергенгедейініс-әрекеттержасауданбастартуынәтижесінде) жүргізіледі.
Қайтаруды жүзеге асыру үшін салық төлеушіге салықтық өтінішті және қайтарудың заңдылығын растайтын тиісті мемлекеттік органның құжатын ұсыну қажет.
Сұрақ: Қате төленген салық сомасын қалай қайтаруға болады?
Жауап: Қате төленген сомаларды қайтару және есепке жатқызу:
- Салық төлеушінің кабинеті (Салық өтініші-есептеулер мен қайтаруларды жүргізуге арналған өтініші)
- Электрондық Үкімет порталы Egov.kz , Egov.kz -mobile (Кеден және салықтар-салық салу-бизнес-қызметтер-дұрыс төленбеген салықтар мен төлемдерді қайтару)
- E-Salykazamat мобильді қосымшасы (Мәзір-салық әмияны-артық төлемді басқару),
қосымшалары арқылы жүзеге асырылады.
Салықтың, бюджетке төленетін төлемнің, өсімпұлдың артық төленген сомасын қайтару салық төлеушінің салық өтінішінде көрсетілген банктік шотына бюджетке салық берешегі болмаған кезде мемлекеттік кірістер органында салық өтініші тіркелген күннен бастап бес жұмыс күні ішінде жүргізіледі.
Салық берешегі болған кезде мемлекеттік кіріс органы есепке жатқызуға салықтық өтініш бермей, салықтың, бюджетке төленетін төлемнің, өсімпұлдың артық төленген сомасын қолда бар салық берешегін өтеу есебіне есепке жатқызуды жүргізеді.
Салық төлеушінің салықтық өтінішінсіз салықтың, бюджетке төленетін төлемнің, өсімпұлдың артық төленген сомасын есепке жатқызу бірінші кезекте артық төленген сома қалыптасқан салық және төлем түрі бойынша өсімпұлды өтеу есебіне, содан кейін салықтар мен төлемдердің басқа түрлері бойынша берешекті өтеу есебіне; осы және басқа органдарда салықтар мен төлемдердің басқа түрлері бойынша өсімпұлдарды өтеу есебіне жүргізіледі.
Артық төленген салық, бюджетке төленетін төлем, өсімпұл сомасының қалдығы көрсетілген есепке жатқызуды жүргізгеннен кейін қайтарылуға жатады.