Шымкент қаласы бойынша Мемлекеттік кірістер департаменті БКМ фискалдық чектерін бермеу немесе Төлем карталары бойынша төлемді қабылдаудан бас тарту фактілерін анықтау бойынша "Азаматтық бақылау – Чекті талап ет" акциясының қайта басталғаны туралы хабарлайды..
Салық кодексінің 166-бабына сәйкес Қазақстан Республикасы трериториясында барлық ақшалай есеп айырысулар міндетті түрде бақылау-касса машиналарын қолдану арқылы жүргізіледі .
БКМ чегін бермеу кірістерді жасыруға, тиесілі салықтар мен бюджетке төлемдерді төлемеуге әкеледі, бұл сайып келгенде көлеңкелі экономиканың көлемін ұлғайтуға әкеледі.
БКМ чегін бермеу немесе БКМ тауар немесе қызмет үшін төленген сомадан көп немесе аз сомаға беру әкімшілік жауапкершілікке әкеп соғады.
"Азаматтық бақылау-Чекті талап ет" акциясына кез келген ниет білдіруші қатыса алады. Барлық жіберілген өтініштерді Мемлекеттік кірістер органдары қарайтын болады.
Фискалдық чекті бермеу немесе Төлем карталары бойынша төлемді қабылдаудан бас тарту фактілері туралы App Store және Play market-тен "WIPON CASHBACK" тегін мобильді қосымшасын жүктеу арқылы хабарлауға және фискалдық чекті бермеу фактісі расталған жағдайда телефон теңгеріміне сыйақы (ЖТС шегеріле отырып 1000 теңге) алуға болады.
Кәсіпкер туралы мәліметтерді сәйкестендіру үшін сатып алушы кәсіпкердің кассалық аймағында орналасқан QR-кодтан алынған ақпаратты есептей алады.
Шымкент қаласы бойынша Мемлекеттік кірістер департаменті облыстың барлық азаматтарын өздерінің азаматтық ұстанымдарын білдіруге, заңды бұзуға нөлдік төзімділік танытуға және "Азаматтық бақылау – Чекті талап ет"акциясына белсенді қатысуға шақырады.