Құрылым

Құқықтық қамтамасыз ету бөлімінің міндеті тиісті сот талқылауына әкеп соқтырған негізгі себептер мен жағдайларды анықтау мақсатында Қазақстан Республикасы мемлекеттік органының қатысуымен даулар бойынша талап арыз жұмысының, сот тәжірибесінің жай-күйін талдау, оларды жою мен кінәлі лауазымды тұлғаларды жауапкершілікке тарту жөнінде ұсыныстар енгізу және Қазақстан Республикасының заңнамасымен көзделген басқа да функцияларды жүзеге асыру. 

Жерлерді есепке алу бөлімі Қазақстан Республикасының заңнамасымен белгіленген шекте және тәртіпте, Шымкент қаласының жер ресурстарын тиімді және оңтайлы пайдалануды қамтамасыз етуге бағытталған, жер қатынастары және жердің пайдаланылуы, салынып жатқан (салынуы белгіленген) объектілер мен кешендердің мониторингін жер қатынастары істері жөніндегі уәкілетті орган белгілеген тәртіппен жүргізу негізгі міндеті болып табылады.

Жер қатынастарын реттеу мен аукцион бөлімінің міндеті жеке тұрғын үй құрылысын салуға жер учаскесін беру және олардың нысаналы мақсатын өзгерту бойынша ұсыныстар мен Шымкент қаласы әкімдігінің қаулы жобаларын әзірлеу. Сауда-саттықты (конкурстарды,аукциондарды) өткізуді талап етпейтін мемлекет меншігіндегі жер учаскелеріне құқықтарды беру бойынша мемлекеттік қызмет көрсету бойынша жұмыстар  жүргізеді. 

Жерлерді мемлекет мұқтажына қайтару бөлімі өз қызметінде Қазақстан Республикасының заңнамалық актiлерiне, Президентiнiң актiлерiне, Қазақстан Республикасының өзге де нормативтiк құқықтық актiлерiне сәйкес өзiнiң негiзгi мiндеттерi мен функцияларын iске асырады.

Жер қатынастары саласы мониторинг бөлімінің міндеті-мемлекеттік, қоғамдық және жеке мүдделерді ескере отырып, халықтың тіршілік ету және өмір сүру аймағының толыққанды жағымды ортасын қалыптастыру және дамыту барысына мониторинг жүргізу. Шымкент қаласының әлеуметтік экономикалық дамуының 2025 жылға дейінгі Кешенді жоспарын іске асыру мақсатында басқарма тарапынан "Жобалық кеңсе" аясындағы жұмыстарды үйлестіру және мемлекеттік органның ішкі қызметін цифрландыруды, соның ішінде автоматтандыруды ұйымдастыру болып табылады.