Жиі қойылатын сұрақтар
«Мемлекеттік мүлік туралы» Қазақстан Республикасының 2011 жылғы 1 наурыздағы Заңының 75-бабына сәйкес коммуналдық мүлiктi сенiмгерлiк басқаруға коммуналдық мүлiктi сенiмгерлiк басқарудың құрылтайшысы – тиісінше жергiлiктi атқарушы орган немесе жергілікті қоғамдастық жиналысымен келісу бойынша аудандық маңызы бар қала, ауыл, кент, ауылдық округ әкімінің аппараты бередi.
Комитет коммуналдық мемлекеттік заңды тұлғаларға бекітілген мүлікті сенімгерлік басқаруға беруді үйлестіруді және бақылауды жүзеге асырмайды.
Қазақстан Республикасы Ұлттық экономика министрінің 2015 жылғы
16 қаңтардағы №17 бұйрығымен бекітілген Мемлекеттік мүлікті сенімгерлік басқаруға беру қағидаларының 3.2-тармағына сәйкес сенiмгерлiк басқарушының мүлiктi сенiмгерлiк басқару кезiнде шығыстарын өтеу кейіннен сатып алу құқығымен сенімгерлік басқаруға берілген объектілер бойынша сеніп берілген мүлікті пайдаланудан түскен кірістер есебінен жүзеге асырылады.
Сенімгерлік мүлікті пайдаланудан түскен кірістер есебінен қайтаруға болжанатын шығыстардың ұғымы мен мазмұны аталған объектілерді сенімгерлік басқару шарттарын жасасу кезінде ескерілуі тиіс.
Қазақстан Республикасы заңнамасымен акционерлік қоғамға (жауапкершілігі шектеулі серіктестікке) мемлекеттік мүлікті сенімгерлік басқаруға беру бойынша тендерлерге қатысу тыйым салынбайды.
Алайда, мемлекеттік мүлікті сенімгерлік басқаруға беру бойынша тендерлерге қатысу кезінде, берілетін объектінің ерекшелігін ескере отырып, акционерлік қоғамның (жауапкершілігі шектеулі серіктестіктің) жүзеге асырылатын қызмет түрлерін кеңейтуді және (немесе) өзгертуді жоққа шығарылмайтынын атап өткен жөн.
Бұдан басқа, мемлекет қатысатын заңды тұлғалардың қызметі, әдетте, мемлекеттік міндеттерді іске асырумен байланысты және оның ішінде тиісті бюджет қаражатынан қаржыландырылатынын ескере отырып, акционерлік қоғамның (жауапкершілігі шектеулі серіктестіктің) мемлекеттік мүлікті сенімгерлік басқаруға беру жөніндегі тендерлерге қатысуын қабылдау туралы шешім сенімгерлік басқаруға байланысты ықтимал қаржылық міндеттемелерді қабылдау ескеріле отырып қабылдануға тиіс.
«Мемлекеттік мүлік туралы» Қазақстан Республикасының 2011 жылғы 1 наурыздағы Заңының 122-бабына сәйкес республикалық заңды тұлғалардың мүлкіне қатысты республикалық меншік құқығы субъектісінің құқықтарын Қазақстан Республикасының атынан мемлекеттік мүлік жөніндегі уәкілетті орган, Қазақстан Республикасының Ұлттық Банкі, ал коммуналдық заңды тұлғаларға қатысты коммуналдық меншік құқығы субъектісінің құқықтарын облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары немесе аудандық маңызы бар қалалар, ауылдар, кенттер, ауылдық округтер әкімдерінің аппараттары жүзеге асырады.
Сондай-ақ, Қазақстан Республикасының азаматтық кодексінің 886-бабына сәйкес егер Қазақстан Республикасының заң актiлерiнде немесе көрсетiлген шартта өзгеше белгiленбесе, мүлiктi сенiмгерлiкпен басқару шартының қолданылу кезеңiнде сенiмгерлiкпен басқару құрылтайшысы сенiмгерлiкпен басқарылатын мүлiкке қатысты қандай да болсын iс-әрекеттердi жүзеге асыруға құқылы емес.
Қазақстан Республикасы Үкіметінің 2011 жылғы 1 маусымдағы № 615 қаулысымен бекітілген Дүлей зілзалалар мен авариялар салдарынан физикалық немесе моральдық тозуынан жарамсыз болған мемлекеттік мүліктің жекелеген түрлерінің бұзылуын және жойылуын ресімдеу қағидаларының 13-тармағына сәйкес мемлекеттік кәсіпорындардың мүлкін есептен шығару оларды басқаруды жүзеге асыратын тиісті саланың уәкілетті органдарымен (тиісті жергілікті атқарушы органдармен) келісім бойынша жүзеге асырылады. Осылайша, МКҚК (ШЖҚ МКК) балансында бекітілген мүлікті есептен шығару тиісті жергілікті атқарушы органның келісімі бойынша МКҚК (ШЖҚ МКК) Комиссиясы жүзеге асырады, бұл ретте, сенімгерлік басқару шартына өзгерістер енгізу немесе бұзу арқылы мүлікті алдын ала сенімгерлік басқарудан шығару қажет.
Қазақстан Республикасы Үкіметінің 2011 жылғы 9 тамыздағы №920 қаулысымен бекітілген Жекешелендіру объектілерін сату Қағидаларының 31-тармағына сәйкес сатушы мен Бірыңғай операторға, Қазақстан Республикасының заңнамалық актілерінде көзделген жағдайларды қоспағанда, сауда-саттықты дайындау мен өткізудің бүкіл кезеңі ішінде сауда-саттыққа қатысушыларға қатысы бар ақпаратты жария етуге жол берілмейді.
Объектіні сату бағасы Мемлекеттік мүлік Тізілімінің веб-порталының электрондық сауда алаңында көрсетіледі және барлық пайдаланушыларға қолжетімді.
«Мемлекеттік мүлік туралы» Қазақстан Республикасы Заңының 99-бабына сәйкес жылжымайтын мүлікті жекешелендіру кезінде Қазақстан Республикасының Жер кодексіне сәйкес жер учаскесіне құқық сатып алушыға өтеді.
Жер учаскесінің кадастрлық (бағалау) құнын сатып алушы Қазақстан Республикасының Жер кодексіне сәйкес жеке төлейді.
«Мемлекеттік мүлік туралы» Қазақстан Республикасы Заңының 100-1-бабына сәйкес баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 2 500 000 еселенген мөлшерінен асатын Жекешелендіру объектілерін бағалауды халықаралық бағалау стандарттарына сәйкес тәуелсіз консультанттар жүзеге асырады.
Баланстық құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 2 500 000 еселенген мөлшерінен кем болатын Жекешелендіру объектілерін бағалау Қазақстан Республикасының бағалау қызметі туралы заңнамасына сәйкес жүзеге асырылады.
Тәуелсіз консультантты тарту Қазақстан Республикасы Үкіметінің 2016 жылғы 29 маусымдағы №382 қаулысымен бекітілген тәуелсіз консультантты тарту қағидаларында айқындалған тәртіппен жүзеге асырылады.
Жекешелендіру объектілерін бағалау үшін көрсетілетін қызметтерді берушіні (бағалаушыны) таңдау «Мемлекеттік сатып алу туралы» Қазақстан Республикасының Заңына сәйкес конкурс өткізу арқылы жүзеге асырылады