Азия жоғары аудит органдары ұйымының Экологиялық аудит жөніндегі жұмыс тобының (АЗОСАИ ЭАЖТ) 9-отырысы

2023 жылғы 23-24 тамызда Sheraton Astana қонақ үйінде (Астана қ.) Азия жоғары аудит органдары ұйымының Экологиялық аудит жөніндегі жұмыс тобының (АЗОСАИ ЭАЖТ)  9-отырысы өтеді. Отырысқа 15-тен астам АЗОСАИ ЭАЖТ-ға мүше шет ел (Вьетнам, Индонезия, Үндістан, Иордания, Қытай, Кувейт, Малайзия, Марокко, Непал, Пәкістан, Филиппин, Ресей Федерациясы, Таиланд, Түркия, Финляндия) жоғары аудит органдарының өкілдері қатысады.

Ашылу салтанатында Қазақстанның ЖАО Төрағасы – Наталья Годунова және Қытайдың ЖАО Бас аудиторының орынбасары, АЗОСАИ ЭАЖТ төрағасы – Ли Фэн мырза құттықтау сөзін сөйлейді.

Іс-шара аясында климаттың өзгеруі, қоршаған ортаны қорғау және ауыз су қауіпсіздігі мәселелері бойынша семинар өткізіледі, сонымен қатар АЗОСАИ ЭАЖТ жобалары туралы есеп тыңдалады.